ارجوا المساعده من الاعضاء الكرام

[راع الطير]

السلام عليكم ورحمه الله وبركاته ،،،×

يسعدني أن أبعث الى قراء مكشات الكرام بأطيب التحيات
وأود أن أشكركم على سعة ورحابة الصدر وأعطائي المشورة ،
أضع بين أيديكم الكريمة طلبي هذا ملتمس منكم التكرم بمساعدتي
في الحصول على شركة أو مكتب شحن لنقل السيارات من×دولة الأمارات إلى المملكة المدينه المنوره
بس ياليت السعر يكون في حدود المعقول وشكرا .

أتشراف بسماع نصائحكم وتوجيهاتكم .
وياليت اذا فيه احد جايب سياره من هناك يقولي مع من تعامل
أو رقم التلفون وبكم جابوها من الأمارات للسعوديه .

هل يوجد تأمين للسيارة ؟×
ما هي الأوراق المطلوبة لعملية الشحن؟×

وتفضلوا بقبول وافر التحية والاحترام ،،::

[الحربي 591]

وعليكم السلام ورحمه الله وبركاته ..

ما اظن بتقل عن 4 الاف

بس ما اعرف احد بصراحه غير تستاجر سطحه وترسلها

[أبوعبدالله202]

البسامي لهم فرع هناك

[راع الطير]

الله يجزكم بالخير

[راع الطير]

ننتظر باقي الاعضاء

[R I V A L]

أبشر بسعدك وانا خوك
انا من الامارات
بشوف شركات الشحن (( السطحات )) على كم يوصلون السيارات للمدينة المنورة وبرد لك خبر يا اليوم او باكر

[R I V A L]

بس ياليت تحدد هل الموتر جديد او مستعمل
لان الاوراق تخلف
مقاصة واوراق جمارك ومدري وش
يعني بالعربي اذا الموتر اصفار
ما بتدفع درهم واحد لا فالامارات ولا المركز السعودي
واوراق السيارة تتكفل فيها الوكالة

اما مستعمل
يبيله لوحات تصدير واوراق من المرور وتأمين

[راع الطير]

الله يعطيك العافيه وبيض الله وجهك اخوي RIVAL
السياره لاندكروزر اصفار 2015

[راع الطير]

الله يعطيك العافيه وبيض الله وجهك اخوي RIVAL
السياره لاندكروزر اصفار 2015

[R I V A L]

مرحبا يا راعي الطير،،،

لقيت واحد من الشباب نفس حالتك بالضبط
اشترى سيارة لولد عمه في الرياض من الامارات طبعا اصفاااار
قالي الاجرة نقل السيارة فقط (( 1500 )) درهم يعني تقريبا 1500 ريال سعودي ،،،

اما الجمارك فلم يأخذوا ريال واحد لان السيارة اصفار
بس خل الوكالة تعطيك شيء اسمه (( مقاصة )) يعني اعفاء جمركي في دول الخليج
لان الموتر اذا كان ماشي اكثر من 500 كيلو فهو يعتبر مستخدم وياخذون الجمرك السعودي عليه جمارك حتى لو محمل على سطحة !!!
اما اذا اقل
ومعاك اوراق الوكالة انه اصفار (( مقاصه ))
تدخل الجمرك السعودي بدون اي رسوم

اتمنى اني افدتك،،،،