█ ضاعت لوحة السيارة وبطلع بدل فاقد وش الإجراءات ؟ █

[rgrg]

رحت لقسم الشرطة قالوا جيب
فاتورة الكهرب أو صك البيت
صورة من الهوية الوطنية
صورة من الاستمارة
برنت من مركز المعلومات.
الإشكالية : برنت مركز المعلومات هل
يوجد فرع غير اللي في الروضة
لأن دوامي بعيد من الروضة
أو هل أقدر أسحب برنت من الانترنت؟

[kshtat999]

سو بلاغ عند الشرطه فقط
ثم راجع المرور
وان اشكلت عليك طلباتهم اتصل على 989 واختر واح للغه العربيه ثم 5 واشرح لهم موضوعك وايش الي طلبو منك
الطلبات الي ذكرتها غير صحيحه ولاعلاقه بالكهرب والبرنت بلوحات السياره

[rgrg]

سو بلاغ عند الشرطه فقط
ثم راجع المرور
وان اشكلت عليك طلباتهم اتصل على 989 واختر واح للغه العربيه ثم 5 واشرح لهم موضوعك وايش الي طلبو منك
الطلبات الي ذكرتها غير صحيحه ولاعلاقه بالكهرب والبرنت بلوحات السياره

----------------

شكراً لك أخي الكريم على مرورك وردك
يقولون لابد من معرفة مكان السكن
(إما صورة من صك البيت ، أو عقد الإيجار أو فاتورة الكهرباء ) قلت أنا ساكن مع أخوي
قالوا جب (صورة من صك البيت أو فاتورة الكهرباء).
الغرض من ذلك حتى يعرفون أنا وين ساكن وأي قسم شرطة أتعب له.
وانتظر بعد نصف ساعة يجي الضابط المستلم
يعني ما يحرر البلاغ إلا الضابط يكون موجود
وأنا والله ما أعلم عن صدقهم من كذبهم
لكن الي مثلاً مسافر وضاعت لوحة سيارته
وش يسوي ؟؟
يمكن ترتكب فيها جريمة أو مخالفة .
ما هو معقول ..
لا وأزيدك من الشعر بيت
أذكر أيام الجمعة والسبت ما يستقبلون بلاغ
يعني لو يصير شيء خلال الإجازة أنت المسؤل
ما أدري لو تغير النظام عندهم.
الرقم 989 وش رقمه ذا؟
الله يجزاك خير

[kshtat999]

صك البيت والمزرعه لازم تجيبهن وان ماعندك مزرعه استاجر حتى تبلغ بفقدان لوحه السياره


ي اخي البلاغ لازم يتحرر باسرع وقت وهذي التعليمات باي قسم شرطه في انحاء المملكه
والرقم 989 يتبع للامن العام و هو للاستفسار عن الخدمات ومن ضمنهن فقدان اللوحات
وايضا التحويله رقم خمسه هي لمحادثه المامور تتكلم معه وتخبره بطلباتهم
راح يلزمك تروح للقسم وهم راح يسبقونك باتصال عليهم ووقتها رراح تلقاهم يخدمونك باسرع وقت بدون
طلباتهم التعجيزيه خصوصا انها لوحه سياره ومهم امنيا التلبيغ عنها باسرع وقت

[ولد وايل 2010]

اخوي كم رقم لوحة سيارتك
لأني حصلت لوحة سيارة خصوصي
يرجى مراسلتي خاص لاهنت

[يا نسيم الليل]

مالك لوا انا رحت للشرطه قدمت بلاغ وثم يعطونك ورقه
ورحت للمرور بورقه البلاغ وقال سدد 100 من الصرافه بدل لوحه
وثم هذي ورقها مننا عشان تمشي بدون لوحه اماميه مدتها 14 يوم
اي احد يوقفك تعطيه الورقه
وثم ياطويل العمر اللوحه تطلع في 5 ايام بس انا قعدت اتمشى بدون لوح اسبوعين وخذيتها منهم