لأصحاب الدبابات "فزعتكم"

[قناص.حريملاء]

السلام عليكم ورحمة الله وبركاته ..
مساكم الله بالخير جميعاً..

شريت دباب صيني شركة LONCIN حجم 125CC قير توماتيك ..

المهم في الموضوع ان الدباب اذا جاب سرعة 55 او حولها يبدا يقطّع وغير كذا اصلاً الدعسة يكون ما بقى عليها شي وتوصل الاخير ..! ما ادري وش المشكلة ..
الشي الثاني الدباب فيه زي الحنفيه او محبس للبنزين .. اذا تركته مفتوح وطفيت الدباب واخدت وقت احصل الدباب يهرب بنزين..! ما ادري وش المشكلة ،، وقبل الاخير .. هل استطيع زيادة قوة المحرك بإضافة بعض الادوات للدباب .. واخيراً هل الابنص له مسمار او طريقة ممكن اخليه يروح زيادة .. وشكرا ..

[قناص.حريملاء]

ما فيه احد عنده معلومه يفيديني .. او على الاقل محل ترهيم وتعديل دبابات في الرياض

[ateeq7]

اهلين طال عمرك
الدباب او الدراجه الصيني حض نصيب بس الضغط كامل على البنزين المحرك ما يعمر كثير
خروج البنزين من الكربريتر له سبب ان العوامه او البويه داخل الكربريتر معلقه الفالف ما يغلق
اول ما تشوف التسريب جيبلك سكروب وامسكة بالعكس و اضرب بقبضة السكروب على الكربريتر ضربات متواصله حتى ترجع العوامه مكانها و اذا ما رضى الكربريتر يقفل وديها عند ميكانيكي دراجات بيفتح الكربريتر و بيوزنلك السبرنج او الياي حق الفالف عشان يقفل لم البترول يزيد في الكربريتر

[قناص.حريملاء]

الله يعطيك العافية .. ننتظر بقية الاعضاء لعل عندهم خبر اكثر في موضوع التقطيع

[SGL]

بخصوص الحباس هذا نفس المشكلة في كربريتر ماطور كهرب هوندا ﻻكن مافضيت أشوف علمها ﻻكن الحل الحالي اسويه هو إني ألفها في الإتجاه الأخر ﻷن الغرض منه قطع البنزين عن الكربريتر إنت جرب لفه على الجهه الثانيه وشف هل الدباب يشتغل وهل يهرب؟

[آخر العنقود]

هلا اخوي الدبابات الصينيه متعبه بالصيانه واحرص عليه ترا قطع غياره شبه معدومه ما تحصلها.