وين مكان بيع القيرات الامريكية

[فارس بن عقاب]

عندي يوكن 2000 وضبت قيره ثلاث مرات وكل ستة شهور يرجع يخرب ،،، ابي اشتري قير مستعمل أو من القيرات اللتي تجي من أمريكا ...

اللي عنده معلومه يساعدنا بها جزاه الله خير

[الحربي 591]

طيب وش سبب التوضيب
ماهو معقول توضبه ثلاث مرات وماعرفت ليش

[فارس بن عقاب]

السيارة مع سواق يالبناخي
وكان اول يوم كانت السيارة معي اذا مسكت خط طويل او مع زحمة شبه موقفه عندما يبدل للثاني ينتع
وبعدين تروح وتجي بعد فترات
المهم خرب القير وديناه لتراي ستار ووضبوه وبعد سنه خرب وويدناه مره ثانيه ووضبوه وبعد بعد ثمانية اشهر خب ووديناه القير السعودي اللي بالصناعية القديمة ووضبه وخرب بعد خمس شهور وضمانهم 4 شهور

خرابه الحالي يقول السواق انه بدل بنتعه قويه وبعدين ما قدر يمشي الا اربعين ثلاثين حتى وصل البيت وشفت عيار زيت القير فيه ريحة احتراق.

[الحربي 591]

السيارة مع سواق يالبناخي
وكان اول يوم كانت السيارة معي اذا مسكت خط طويل او مع زحمة شبه موقفه عندما يبدل للثاني ينتع
وبعدين تروح وتجي بعد فترات
المهم خرب القير وديناه لتراي ستار ووضبوه وبعد سنه خرب وويدناه مره ثانيه ووضبوه وبعد بعد ثمانية اشهر خب ووديناه القير السعودي اللي بالصناعية القديمة ووضبه وخرب بعد خمس شهور وضمانهم 4 شهور

خرابه الحالي يقول السواق انه بدل بنتعه قويه وبعدين ما قدر يمشي الا اربعين ثلاثين حتى وصل البيت وشفت عيار زيت القير فيه ريحة احتراق.

التماتيك... لازم دعستها تكون موزونه. ورجل وحده

يوم فتحت القير لقيتو شي يدل انه يحتاج توضيب..!

لان الحساسات و فيوز القير نفس الاعطال ونوبات لو تحطها على D كانك حاطها على n و السبب حساس
او ما تقدر تتعدى سرعه معينه في الغالب فيوز القير!!!..
وريحه احتراق او لون اسود ماهو دليل نهائيا على ان القير يحتاج توضيب
اجيب لك سيارات زيوتها محترقه لكن القير مثل الورده
.....

[فارس بن عقاب]

الله يعافيك ويجزاك خير

وفيوز القير وين مكانها ،،،، فيوز عاديه

[SNIPER07]

هلا و غلا

الله يكون في عونك ، بالنسبة لمشكة القير ليس من المنطق التوضيب بين هالفترات و ما بخصوص الورش اللي ذكرتها ما يمدحونها سلب فلوس على الفاضي ، اذا كان السيارة تمشي اطلع لكويت يا غالي ازين لك غير القير بالكامل و على الضمان ( الكفالة ) و سعر القير ما راح يتجاوز 1500 ريال ، مقير قبل سنة قير التماتيك مع الدبل في لكويت القير الكبير بالاف و الدبل مع الدينمو 700ريال + الفلاتر مع الزيت، و تأكد الله يجزاك خير من السواق كيف يستعمل القير، ولو كنت بالدمام ارسل رسالة احدك على ورشة للقيور ممتازه اذا ما ودك تروح الكويت .و في العادة ما يضرب القير بالهين لانه فيه حساسات و فيوز ، من الورش اللي ذكرتها فحص سيارة الوالد سوبربان قال توضيب و شلتها من عندهم ما كان يعشق 3 و طلع حساس ب 350 ريال و هو يقول توضيب 4750 ريال شوف الفرق و نأسف على الاطاله

[SNIPER07]

الله يعافيك ويجزاك خير

وفيوز القير وين مكانها ،،،، فيوز عاديه

فيوز او حساسات القير يا غالي داخل القير لما تفتح كرتير القير تشوفها

[يالبى الهلا]

افحص كمبيوتر ممكن حساس المنظم

[فارس بن عقاب]

الله يجزاكم خير جميعا
اذا تقدرون تساعدوني ابي مكان يبيع قيرات مضمونه او رجال معروف بالتشليح
لان جيت التشليح لقيت انواع القيرات لكن مادري عن وضعها هم يقولون شهر جرب
لكن وش دراني لو هالقير موضب من أول
اللي يعرف رجل ثقه بالتشليح وعنده قيرات يوكن يزودني به