نصيحة بخصوص مشكلة قير fj

[Abu-zaid]

السلام عليكم ورحمة الله وبركاته


هذا اول موضوع لي في مكشات

وحبيت اشارككم تجربتي مع مشكلة قير الاف جي ( قير اوتوماتيك )

حصلت كثير ناس واجهوا مثل مشكلتي والي هي

كنت داخل النفود وفاصل مانع الانزلاق ولا نسمت كفرات سيارتي بعد نص ساعه من المراقا ولعت لمبة القير
وقفت السيارة وطفيتها ( وهذا كان خطأ ) المفروض اوقف السيارة واتركها شغالة واشبك مانع الانزلاق

المهم المشكلة الي حصلت بعد كذا يوم مشيت صار فيه طقة قوية اثناء التعشيق من الثاني للثالث لدرجة ان السيارة ممكن تفحط

المهم رجعت الرياض

وصبحت على الوكالة قالو لي انت ما غيرت زيت القير ف ضرب القير عندك ويحتاج تغيير بالكامل

رحت العضيب وقالو لي نفس الكلام

رحت ورشة ثالثة ونفس الكلام

القير قيمته من التشليح اكثر من 7000 ريال
رجعت وقريت في المنتديات واحصل واحد كاتب موضوع عن تلاعب الورش والوكالة في القيرات وانهم ما يعرفون الا يحتاج توظيب او تغيير
المهم في موضوعه انه قال قبل ما تغير القير او توظبه رح ( غير زيت القير والفلتر في اي ورشة)
ما راح يضرك شي ممكن تكلفك 400 بالكثير
والله واخذ بنصيحة الرجال واروح اغير زيت القير وانا يائس جداً .

وخلال 24 ساعه من تغيير زيت القير اختفت المشكلة الحمدلله ورجع طبيعي 100%

الفائدة من الموضوع

1- احرص على تغيير زيت القير للسيارة قبل ما يتعدا 80 الف
2- قير الاف جي يسخن اذا فصلت مانع الانزلاق عنه ( اذا انت راعي نفود ركب مبرد قير )
3- تنسيم الكفرات له دور كبير في راحة القير والماكينة والسيارة بشكل عام
4- لا تتسرع في توظيب القير او تغييرة ( اول شي غير زيت القير والفلتر )
5- اذا ولعت لمبة القير عندك وقف السيارة واشبك مانع الازلاق واتركها شغاله الين يبرد القير


اتمنى ان الفائدة صلت بصورة واضحة

[ateeq7]

جزاك الله كل خير
المفروض تغير زيت الاوتماتيك كل 40 الف مره بفلتر ومرة بدون فلتر راجع كتيب المالك في درج السياره فقط اول تغيرة زيت المصنع تويوتا الوكاله تغيرة بعد 80 الف مع الفلتر
و بعد لازم تشيك على الجير و الحساسات تفحص كومبيوتر عند واحد مختص و تشوف هل يوجد كودات للجير و اذا ما طلعت امورك طيبه

[Abu-zaid]

جزاك الله كل خير
المفروض تغير زيت الاوتماتيك كل 40 الف مره بفلتر ومرة بدون فلتر راجع كتيب المالك في درج السياره فقط اول تغيرة زيت المصنع تويوتا الوكاله تغيرة بعد 80 الف مع الفلتر
و بعد لازم تشيك على الجير و الحساسات تفحص كومبيوتر عند واحد مختص و تشوف هل يوجد كودات للجير و اذا ما طلعت امورك طيبه

صدقت هذا الافضل ولكن بحد اقصى 80 الف على كلام الوكالة

[ناصح]

اشكرك على سرد تجربتك للأخرين

وهذا من وعيك وحب الخير فيك

نسأل الله أن يكتب لك الأجر لنفعك الأخرين

تقبل تحيتي

[1824]

ماله دخل مانع الانزلاق ويجب فصله قبل الدخول في النفود مشكلتك انك ما نسمت وحرارة القير ارتفعت وما بردت القير لازم توقف قليلا بعد الاستعمال المستمر في النفود خصوصا اذا الجو مو بارد وتفتح الكبوت والسيارة شغاله وتغير زيت القير والفلتر كل 80 الف بالتوفيق لك

[Abu-zaid]

اشكرك على سرد تجربتك للأخرين

وهذا من وعيك وحب الخير فيك

نسأل الله أن يكتب لك الأجر لنفعك الأخرين

تقبل تحيتي

لنا ولك انشاءالله

[Abu-zaid]

ماله دخل مانع الانزلاق ويجب فصله قبل الدخول في النفود مشكلتك انك ما نسمت وحرارة القير ارتفعت وما بردت القير لازم توقف قليلا بعد الاستعمال المستمر في النفود خصوصا اذا الجو مو بارد وتفتح الكبوت والسيارة شغاله وتغير زيت القير والفلتر كل 80 الف بالتوفيق لك

ما ادري لكن حسب ماوصلني انه اذا فصلت مانع الانزلاق يوقف تبريد زيت القير

وجزاك الله خير على المعلومة

[hamido]

ركب مبرد مع مروحه وانسى مشكلة الحراره

[Abu-zaid]

ركب مبرد مع مروحه وانسى مشكلة الحراره

صحيح هذا الحل الأمثل لراعي النفود


أرسلت بواسطة iPhone بإستخدام Tapatalk

[آخر العنقود]

هلا اخوي الحمد لله ان موترك ضبط ونصيحه اذا بتدخل نفود نسم كفراتك ترا العدو اللدود للقير التماتيك الحراااااره.

[1824]

ما ادري لكن حسب ماوصلني انه اذا فصلت مانع الانزلاق يوقف تبريد زيت القير

وجزاك الله خير على المعلومة

وش دخل تبريد القير في مانع الانزلاق ما ودي اسبك بصراحة بس فكر شوي هذا كمبيوتر وهذاك ميكانيكي مافيها كمبيوتر النظامين مالهم علاقة في بعض بالتوفيق لك يا صاحبي وانتبه من صاحبك الي يعطيك المعلومات ودائما ارجع للكتلوج في المشاكل والحلول

[Abu-zaid]

وش دخل تبريد القير في مانع الانزلاق ما ودي اسبك بصراحة بس فكر شوي هذا كمبيوتر وهذاك ميكانيكي مافيها كمبيوتر النظامين مالهم علاقة في بعض بالتوفيق لك يا صاحبي وانتبه من صاحبك الي يعطيك المعلومات ودائما ارجع للكتلوج في المشاكل والحلول

أولاً انا قلت الي قالو لي
ثانياً اعتقد ان الموضوع ما مسك بشئ سيئ عشان يوصل الموضوع للسب
ثالثا اذا سبيت فهذا يعكس تربيتك

وشكرًا




أرسلت بواسطة iPhone بإستخدام Tapatalk

[أبو صاروخ]

كل زيت وله لزوجه ومع الوقت تنقص اللزوجه والقير الاتماتك يتبرد زيته عن طريق الراديتر من تحت والعادي مافيه تبريد من طريق الرديتر لازم تبدل كل الزيوت بعد80الف كيلو وبعدها كل 40 الف كيلو للقير والدفريشن والدبل وخاصه القير لان اذا ارتفعت درجة حرارة زيت القير وهو قديم يحترق على طول ويكلفك كثير والله اعلم

[Abu-zaid]

كل زيت وله لزوجه ومع الوقت تنقص اللزوجه والقير الاتماتك يتبرد زيته عن طريق الراديتر من تحت والعادي مافيه تبريد من طريق الرديتر لازم تبدل كل الزيوت بعد80الف كيلو وبعدها كل 40 الف كيلو للقير والدفريشن والدبل وخاصه القير لان اذا ارتفعت درجة حرارة زيت القير وهو قديم يحترق على طول ويكلفك كثير والله اعلم

تشكر يابو صاروخ على الفايدة


أرسلت بواسطة iPhone بإستخدام Tapatalk