جيب gxr 2004

[طير حورران]

السلام عليكم ورحمة الله وبركاتة

يالربع عندي جيب 2004 تماتيك
المشكلة الاولى
القير عندي بعض الاحيان او غالبا اذا دعست الابنص ما يقوم الموتر معي ويبدل القير على طول يعني عزم الموتر يقل مره( لتوضيح) كنك راكب سياره قير عايدي واول ما شغلت الموتر عشقت بالثالث ومشيت

المشكلة الثانية
اذا مشيت في بر ولا ردميه يدخل علي غبار داخل السيارة مع اني مسكر الدرايش والامور زينه
بس مدري من وين يدخل الغبار



جزاكم الله كل خير لمن يقراء ومن يساعدني في حل هالمشاكل

[أبو صاروخ]

اذا زيت القير قديم بدله والغبار يمكن الابواب فيها تنسيم افحص الربلات

[ateeq7]

صباح الخير
اسحب مقياس فحص الزيت وشوف حالة الزيت كيف اذا نظيف والمستوى المطلوب
اول شيء واهم شيء تعمله تفحص كومبيوتر عندة جهاز متوافق مع السيارة وخصوصا جهاز
مكتوب عليه تويوتا وتشوف الاخطاء ممكن مشكلة حساسات في القير او ظفيرة الجير فيها مشكلة
وكتجربه ممكن تحللك الموضوع افصل البطاريه مدة 15 دقيقة ورجعها وجرب هلى تحسن الوضع .

[الصيادالمليح]

ما حددت لنا نوعية سيارتك بالضبط عشان نفيدك أكثر

و بما أن سيارتك موديلها قديم 2004 فالقير يحتاج توضيب
أو أن حساس القير يحتاج تغيير أو برمجة

وبالنسبة للغبار في سيارتك فهناك زر هواء داخلي أو هواء خارجي للمكيف

وهذا الزر يمنع وصول الهواء الخارجي لداخل السيارة
فإذا كان مطفي فراح يدخل هواء خارجي .












و الزر الثاني يخلي الهواء الخارجي
والراوائح الخارجية يدخل سيارتك


وهناك فلتر كبينة السيارة وتلاقيها ب
ين الزجاج الامامي للسيارة والكبوت
وهذا يحتاج تغييرعشان الغبار ما يدخل لسيارتك .






،،،










وأغلب الناس ما يدرون عنها ولا يغيرونها .

[ateeq7]

جيب تويوتا بخصوص دخول الغبار
في خلف السيارة اماكن تخزين عدة السيارة
والعفريته اللي ترفع فيها السيارة - تاكد من تحت السيارة
ما يكون مفتوح او مكسور البدي او العازل مخروم مع المشي
في الطرق الترابيه تدخل الاتربه والغبار وآفحص ايضا تحت ارجل السائق
ومكان دخول الضفيره للكومبيوتر مرات في ناس تمدد اسلاك للكشافات وتقص
او تفتح العازل الذي بين الكبينه والمحرك بدون ما ترجع تلزق المكان بشريط لاصق .

[ابوراكان تبوك]

فيه فتحات دايم تطيح الجلد حقتها وتدخل غبار

مكانها

في فتحة القفل حقت المقاعد الخلفية اخر صف اللي بالشنطة

ارفع المقعدة على جنب

وشوف الخابور اللي يمسكها في نفس البودي تحت تلقى فيه فتحه دائرية سكرها

والباب الخلفي ايضا اذا كان خلفية لكزس فيه فتحه كبيرة عند الفصالات اذا طاحت جلدتها يدخل الغبار من الديكور

اذا امنت اللي قلت لك عليه باذن الله ماتشوف الغبار

[رحال2100]

نفس المشكله يدخل غبار اذا مشيت برميه السياره هايلوكس 14