الأفضل بالجمعات الكبيره انك تنوع بالقهوه وكل زمزميه نوع والشاي كذلك
مراعاه لكل الأذواق وصحتهم وأمراضهم اللي قد يناسبها بهار ومايناسبها ثاني
وبالنسبه لتأخير القهوه هذا غلط اكيد
اللي يجي حياه الله ويتقهوى واللي يتأخر عذره معاه سواء زحمه والأ المسافه بعيده
وان جا القهوه موجوده ونجددها مع الشاي وهذا المعتاد
اما الاجتماعات العائليه والسياحه فممكن ترتيبها بمايتوافق مع ظروف الكل وعطلهم
فاما يجتمعون بموسم مثل رمضان كل يوم ببيت واحد منهم والعيدين والشتا مثل هالوقت
هالشي لو حابين بعض ومتفاهمين
واللي ماسافر منهم خارجيا يسافر داخليا اويتسوح في مدينته واسواقها ويصور ويتونس
فيكون هو والمسافر متساوين بانشغالاتهم لحين الاجتماع فلاضرر ولاضرار
لان الكل لازمه ياخذ اجازه من الكل ومن نفسه
فتكون هذي الفرصه المناسبه والتوقيت المناسب للكل
وبعض المسافرين يخافون يطوفهم شي من هالجمعات فيطلبون تأجيلها لحين وصولهم
وبالتوفيق يارب