جميع أستفسارات mp-153 البيكال هنا ...............!!

[عاشق بر]

السلام عليكم

اخواني نريد المشاركة من الكل

لو عنــدنا 4 انواع من الشوزن
( 1- السوبر بنللي 2- البريتا 3- البيكال الروسية 4- البلجيكية (القديمة) )


الروسية




السوبر بنللي





وقمنا بتجــــربة .. بالرمي منها كلها ... بنفس الفشق (نفس النوع)
لنفرض .... 36\6 ...


** هل يختلف الامر بالنسبة :

- للبعـــــد (المسافة )
- الاصابة ( الدقة )

....
قد يكون الامر غريب بعض الشيء
لكن حبيت اشارككم فكرة كنت افكر بها من زمن

( نأمل من المجرب ) الافادة اكثر

وشكررااا

[خالد777]

أنا وربعي جربنا السوبر بنلي والروسية نفس المرمى والمسافة وقوة التأثير ونفس توزيع الفشق
والصراحة لو أبي أشري ماشريت الا سوبر بنلي لشيء بالنفس
الأمر الآخر لماذا خرجت السوبر قولد من المنافسة
تقبل ودي ياولد ديرتنا

[عاشق بر]

مشكوررر اخوي خالد

مرحبا بك ( من الديرة )
السوبر قولد .. سقطت سهواا

و ارجو من يخبرنا عنها

__
اما انا فسلاحي المعتاد ( البراونينج البلجيكية )
الرمي على حسب الفشق ... لكن العادة الرمي 1000%

خصوصا اذا كان متواصل ...
كصيد القطا ( على الماء وهو وارد عليه )__

[ابوفهد36]

من ناحية الرمي مافيه زي ترتيب البلجيك ال32 للحلبي لكن المشكله ان البلجيك اتكلم عن القديمه بدون شوكات راعية معوكس واعطال
وتاتي بعده البرتا الاكستريما هي الي جربت بحرارة الرمي بس ولكنها تفوقها بكثير من المميزات مثل سرعة الرمي وقله في ارتداد البندق يعني الرجف وقلت الاعطال
والبنلي احسن مافيها قوة تحملها واشين ما فيها الماصوره حقته رميه بارد وياسعد الي يبي يرهم ماصورة بلجيك32 يبي يرتاح ولا يبي غيره بارود
اما الروسيه فهي عمليه وتقوم بالغرض وزياده يكفي ان سعرها مناسب وغير مبالغ فيه
تحياتي للجميع

[عاشق بر]

مشكور ابوفهد36

كلامك رائع . الله يعافيك .. لكن ما اوفقك في ان البلجيكية راعية اعطال و عوكسة

ما يعيبها الا انها ما ترمي الضغط .... لو ترمي لو يقولون لي تبيع بـ 20000 ريال ما بعت

اكبر دليل على كلامي هو ان الكثيرررررر يرهم للسوبر ما سورة البلجيكية

-------
لكن يا شباب ممكن تفيدوننا عن الروسية

[sal7]

البنلي و البريتا و الريمنقتون من أفضل بنادق من ناحيت الرمي

لكن أذا بتقارن البنللي مع البيكال
حددلي نوع البنللي حتى اقدر أقارنلك بينهن
أما لو تقارن بين الرفيالو مع البيكال برمي فالرفيلو أفضل حتى من البراوننق
و طبعاً أتكلم على الرفيالو فول تشوك (بدون وصل)
أما لو نبي نقارنها مع السوبر التاليه يبيلنا أيام و أيام حتى نوفي السوبر حقها
أخوي البنلي و البرتا و الريمنقتون و البراوننق حتى ما يقارنن بالبيكال
مصانع لها أكثر من 100 سنه في هالامور صعب المقارنه أخوي
وخصوص بريتا لها أكثر 400 سنه

أخوي البيكال ما ساعدها ألا سعرها عندنا ولا لو هي فوق 7000 كان ما أحد شراه

تحياتي

[عاشق القنص]

مشكوورين بس اخوي دغيم انا حصلت الجز الثاني الاول ماحصلته

[يازين البر]

أنا عندي بيكال نفس اللي عندك الصراحة كل التشوكات اللي معها ماتنفع لأنها تفرررررررش بقوة ويضيع الحلبي

لكن يوم ركبت عليها الوصلة الطويلة الضيقة ضبطت

[عاشق بر]

تسلم ,,, اخوي صالح

كلامك تمام ..

لكن الى ها الدرجة البيكال سيئة
ارجوا الافادة .. تراي حاط العين عليها
هاالايام ... ممكن تفصيل
ومشكورر

[يازين البر]

أخوي البنلي و البرتا و الريمنقتون و البراوننق حتى ما يقارنن بالبيكال
مصانع لها أكثر من 100 سنه في هالامور صعب المقارنه أخوي
وخصوص بريتا لها أكثر 400 سنه

طيب أخوي صالح أرجو انك تجاوب على سؤالي اللي محيرني من زمان أنا عندي بيكال ومركب لها الوصلة الطويلة اللي عند الرميان 5 إنش

السؤال هو :

هل إذا ركبت الوصلة هذي يصير رميها مثل رمي البريتا ؟

لأني خاطري بالبريتا وأخاف يصير الرمي واحد بعد الوصلة !! وأنت عارف فر ق السعر وأنا الصراحة عمري مارميت بالبريتا

[بيرق التوحيد]

ومركب لها الوصلة الطويلة اللي عند الرميان 5 إنش

وفي نضري لايعدل البيكال اي باروده

تقول أكستريما 2 اقول لك نعم

بس لاتتهور ترى سعرها مبالغ فيه

وحرام احطه فيها مع انه يوجد بيكال تقوم بالمقام وزيادة

رأيي الشخصي

سؤال

لو سمحت يالحبيب

وش الرميان وكيف نحصل على الوصلة هذي وهل تركب على بيكال ام حبه

[ألبراء]

السلام عليكم ياشباب

البيكال البيكال البيكال !!!!!!!!!!!!!

لاحد يفوتها وجررررررررررررررررررررررب

وماررررررررررررررررررررراح تندم

[عاشق بر]

شكررررر المرور

للجميع

يا ناس ......... اتفقوا زينه نشري او لا

واذا .. ما هي الموصفات
تعبت و انا ادور بين المواقع الغربية

[sal7]

البيكال زينه لكن ما تقارن أبد بالبريتا أو البنللي الوارد الجديد

1- البيكال ترجف -- البنللي و البريتا أخف بواجد
2- البيكل تحتاج وزن لنظام الغاز -- البنللي لا تحتاج لان نظامها يختلف وهو أنريتيا و البريتا غاز مطور
ذو تنظيف تلقائي و ذو وزن ذاتي
3- أطوال البريتا و البنللي بالملي ما يخطون أبد اما البيكال لي تحفظ
4- قدرت تحمل البيكال أقل من البريتا و البنللي ولا يهمكم 50000 فشقه لانها ضغط 24
قلهم أرمو ضغط 36 50000 و يعلمونن وش يبي يصير
5- الرمي بالبيكال أقل جوده من البريتا و البنللي و شيء أنا مجربه ما أحد قالي
حتى لو ركبت الوصله اللي عند الرميان وزان رميه هل تتوقع أنها راح توفرلك الـ 4 مميزات اللي راحن
بالهندي بلكل نهي و بالعربي لا و بالانجليزي نو

فيه شيء اسمه :

الزين غالي و الازين أغلا
....... ولكل شراي بضاعه و سوقي

تحياتي

[ابونايف الروقي]

السلام عليكم
انا معي بيكال 30 انش على كيف كيفك والحمد لله زي الحلاوه ....