ياسلامي للشاعر / تركي العليّط

[شنص الشنوص]

ياسلامي سلام الله سلامي ياسلام
سلام سلسالً تسلسل سلسلة رب ًكريم
من هلي ولا لهل الديرة تحية واحترام
إعداد ماهل المطر وإعداد مابل جو غيم
جاتك ولا كن المطالَب عيد وماقبله صيام غنت ولا كن اليالي جمعت خل ونديم
سولفت لظلع الأظلم قصة انوار وغرام
زرعتها فضى مرتب بذرها وسط النعيم
سحاب تستسقي بريق الشمس وتستلطف غمام
طريقها دربً خظر بين المدن جاه وسديم
يابنت يانسل الشيوخ الى على خشمك زمام
البحر عندك أجيبه وأجيبلك شيً عظيم
انا سعود ان ماعرفتيني امام ابن الامام
اعطيك كل الي تبينه واحظنك بلقلب ديم
حنا هلك ياسيدي كثر القصايد والكلام
وحنا هلك مليون عزوه تعاف هراجً ذميم
حايل ولا يحول الزمن دامك لها خال وعمام
حايل صهيل الخيول وعرضات وغلاكم بالصميم
من قد ابو فيصل مفصل سيرته عز وهيام
من مثل ابو فيصل طبيب الطيب والجرح الاليم
من كبر ابو فيصل بجاء وسلمى مطر والطير حام
الله الله والخطية ماتجي رجلً زعيم
الارض شاطي والشواطي ارض والمنفى زحام
والهوى ماهو هوى لاكن محال انه يظيم
عبدالعزيز السعد الاوظح كاملً بدر التمام
حر ليا لد النظر قامتله رجال ورحيم
موكب كواكب جيت سلوم العرب سرب وحمام
عبدالعزيز القرم الاشعل حاكم ولد الحكيم
شاعر ساق المعاني ياعسى قد المقام
وان خانت حروفي كلامي يابعدي قدرك مقيم
وياسلامي سلام الله سلامي ياسلام
سلام سلسالً تسلسل سلسلة رب كريم
الشاعر / تركي العليّط

اضغط على الرابط لسماع القصيدة

يــاســلامــي

http://youtu.be/dp7k8Kfd1fQ

[قوافي ( أم نهار )]

السلام عليكم ورحمة الله وبركاته

قصيده جميله ومميزه

اشكرك اخي الكريم عالاختيار وصح لسان الشاعر

تحياتي