انا عشت حياتي كلها بجوار البحر ترعرعت في محافظة الليث لا اهتمام ولا كان يعني لي البحر شي في ايام الثانويه كان في زميل لي عزيز علي قال اليوم بعد صلاة الفجر بنروح البحر ونصيد سمك قلت له طيب وطلعنا مجموعه من الشباب الله يذكرهم بالخير ويرحم من مات منهم.المهم توجهنا نشتري حبار الامريكي المجمد ووصلنا الموقع فالشباب نزلو في المويه معاهم جزم الله يكرمكم فكل ما مشيت يقطعني المرجان وتجرحت ارجولي وتونسو عليه الشباب رغم هذا كملت.الين وصلت المويه الى صدورنا وبدات تقل المويه الين وصلت الى الركبه فاستغربت الين وقفنا على حرف وكان المنظر خرافي المويه صافيه ونشوف السمك والله ياجماعة مانسيت هذاك المنظر.طبعا كنت غشيم معرف اربط سناره وجبت لهم الغثه.واشوفهم يصيدون ومتحمسين الا انا يافلان اربط لي يافلان ركب طعم يافلان صخرت الين ندم انه طلعني معاهم المهم كنت سريع التعلم الحماس الزايد يخليك تتعلم بسرعه ويوديك ورى ههههههههههه.فربطت سنارتي بالربطه اللي اعرفها وركبت طعم وانسجمت مع الشباب واول سمكه صدتها كانت هاموره صغيره.حسيت اني توينه ههههههههههه وبعد كل شي كان هم من الرجعه من المرجان لكن المرجان يهون قدام اللي وطيت عليه وانا راجع شي اسود له اشواك يخدر رجلك وشالوني جنازه هههههههههه قنفذ البحر.فكانت رحله لاتنسى كلها جروح لكن من هذاك اليوم الين اليوم وانا احب البحر وطلعاته.
اتمنى اني ما اطلت عليكم.
15 نوفمبر 2015 - 16:514 نوفمبر 2015 - 21:27
 |
رد مع اقتباس
