وشو اللي يطرد النوم بالخط نبي رايك

[ابوفهد5599]

واحد من الشباب يقول ما عندكم حب مثل الكويت 0 الضاهر انه ما يعرف ××××اللي في سوق الحمام 0اللي يطير النوم وانت في الخط0 اختر لك واحد من اصدقائك معاندي كل ما قلت سا لفه قال لا0 والله ان النوم يطير بس بيجيك الضغط0

حرر من قبل المشرف ناصح

[هاوي خلا]

الأخ العزيز السندباد :
أتكلم لك عن تجربه ومعاناة دائماً ما اعانيها لوحدي ((أهي أهي أهي )) هذي دموع مني ، انا سلمك الله دائم السفر لوحدي ولمسافات طويلة فأنا أسكن الرياض وأكثر ربعي وجماعتي في الشمال أو من من يهوون الكشتات بالشمال يعني من لينة وأنت رايح رفحا ، عرعر ، طريف ، سكاكا واحيانا للشام ، مما يضطرني للسفر وحيداً إلى أن نتلاقا في أحد المحطات أما الشرق الأوسط أو الخليج أو البطيحان أو محطة الخضيري اللي قبل رفحا .
المهم ما أطول عليك اذا طلعت من الرياض ولازم أركب الجهاز وهات يا تفريك بالقنوات واراسل كل واحد بالطريق وأسلي نفسي بمعنى أنه كن فيه واحد معك بعدين كل ما تمر من عند ديرة تبشك مع اصدقاء جدد وتغير بدل ما يركب معك واحد ويتك خلقك وتقضي سواليفه وينام وخليك والا يملا السيارة قشور فصفص ((ههههههههههه)) .
ونصيحتي لك اذا سافرت وحدك من عدة نقاط مرقمة حسب الأهمية ((تعليمات الدفاع المدني صارت)) :
1 - لازم تكون شبعان نوم قبل السفر 2 - لازم تكثر الأشرطة حسب رغبتك شعر ....الخ 3 - توقف لكل صلاة في وقتها حتى يطير عنك النوم 4 - صلاعة ((زمزمية)) شاهي وقهوه ولا يصير حلاهن كثير حتى ما كل شوي نازل تطير ......اللي أنت خابر تكرم ويكرمون الاعضاء والملائكة . 5 - فصفص من المصري حق باجة الزين ولا تكثر كل نص ساعة خذ لك شوي وكله .
6 - اذا شعرت بالنوم وقف وخذ لك غطة لوكانت نصف ساعة راح تكفيك بعدها قم وغسل وجهك وتوض وأمش شوي رجل .
7 - عدم السرعة وزيادة السرعة عن 120 كلم في الساعة لأن السرعة راح تشد اعصابك وتشوش تفكيرك وتخليك مرهق أكثر من اللازم خذ الطريق براحه وسعة صدر وتشوف النشاط .
8- واللي يغنيك عن كل هالارقام انكم تكونون ربع يعني ثنين ثلاثه اربع خمس وعشرين ((لا الصراحة أكثر من ثلاثة بالسيارة ما تصلح )) واذا كان الخط طويل تناوبو بالسواقة وتعاهدوا بعدم السرعة قبل مسكة الخط ، ولا أنصح بالسفر وحداني لأن الرسول صلى الله عليه وسلم قال ((الراكب شيطان ، والراكبان شيطانان والثلاثة ركب )) فالراكب قد يمرض أو يقرص ويموت ما أحد دري به والأثنان يمكن يتهاوشون ويعيل واحد على الثاني ويطغي عليه ويذبحه ويدفنه ولا من شاف ولا من دري ، والثلاثة هم الركب الحقيقي فيا أخوي دور لك واحد يكملنا أنا وأياك ونروح للي تبي لو تبي بيروت ((ويل قلبي)) كشته ببيروت .
أتمنى لك دوام الصحة والعافية وأن تتمتع برحلاتك وفي حلك وترحالك .
أخوك / هاوي خلا .

[الفهد11]

والله اذا جاك النوم يابعدي اوقف ونم لك شوي
منتب ملزوم
وان كان ماودك توقف عليك بالحب وافتح نص الدريشه .

[السندباد]

اشكر كل من رد وشارك معنا في الموضوع واللي ما شارك يشكر لانه عضو في مكشات

[ابوعبدالله99]

والله حاول انك ما تخلي يدك فاضيه

وحركها بأي شي مثل الفصفص

ومن خلال تجربه افضل شي انك تشغل يدك بسبحة
كل ما حسيت ان فيك نوم وبيطير النوم (من خلال تجربة)

[محمد عبد القادر]

يا جماعة الربع ودي اعرف الحاجة اللي تطرد النعاس على الخط وانت ساري او معك احد هل هو

الشاهي
الحب ( الفصفص )
العلك ( اللبان )
السوالف ان كان معك احد

افيدونا وافيدو الجميع وان كان فيه شي اخر ارجو توضيحه و وضعه في الردود ومشكورين

أحسن شي لبق يمين وخذ لك نومة .... هذا أحسن شي يطرد النوم وخلك من الكلام الباقي

[عاشق سفر]

تم تحرير المشاركة

من قبل المشرف ناصح

[هامور جنيف]

إذا ناوي تطير النوع حقاً
خذ معاكم مائة ألف حطها فوق الطبلون
صدقني ماراح تنام واذا ماعندكم صور ملون وتفرج بها !!!

هذه أحد تطير النوم

ولا تدري نبسط عليكم المسألة
علق لك ضب تحت المراية الأمامية ماراح يجيك النوم .

[هامور جنيف]

الرد الأول مزح

بالنسبة لسفر يفضل كل واحد يخطط له جيداً يقسم المسافة ولا يرهق الجسم كثيراً
فالأنسان له طاقة محدده يجب أن يراعي هذا بسفره وأختار لك خوي بالسفر
مهما كانت المسافات يساهم في تقليل عناء السفر لديكم .

كل بعد مسافة أنزل من سيارتكم وأعمل بعض التمارين لتمديد العضلات
واذا حس الواحد بالنعاس يفضل الوقوف فوراً ويسحب له قسط من الراحة .

أكثر ما يجلب لك النعاس هو التفكير خارج أطار المركبة
يفكر وش راح يسوي عندما يصل !!!

كل هذه الأفكار تسحب منكم جهداً دون تشعر .

[صياد حضرموت]

السلام عليكم ورحمه الله وبركاته
افضل شي يطير النوم لسائق والمعمول به في اليمن هو تخزينه قات فالقات لايطير النوم فقط وانما يجعل السائق ينسجم مع قياده السياره فاغلب السائقين في اليمن وبالذات في المناطق الشماليه يستخدمو القات فانا لم اجرب القات ولكن هذا شي معروف عند المخزنين وارجو من القراء ان لايفهمو من كلامي اني احث على القات فالقات له مضار كثيره ومضاره اكثر من فوائده بس هو مفيد جدا للذين يريدو طرد النوم والعفووووووو

[شاهد عيان]

ياجماعة ما ذكرتوا أمر مهم جداً يسبب النوم وهو :

( الأكل )

الأكل قبل السفر مباشرة أهم مسبب للنوم

بعض الناس تلقاه يملى المعدة على الآخر ويقول جاني نوم !!

خلك جوعان وشف النشاط

نصحية من مجرب

[nassir]

اشكرك اخوي على الموضوع الطيب
نصيحة اذا معك عائلة لاتمشي الا وانت مفلل من النوم
اما علاج النوم اذا كانت مسافر ومستعجل وما عندك وقت تمغط وترتاح ربع ساعة جربته اكثر من مرة مفعولة سريع (( كيس لبتون ))حطه تحت لسانك كل ما حسيت بالنوم

والله هالفكره غريبه ياهديب الشام

[ابو سعد التميمي]

اذا حسيت انه جاك النوم في الخط افتح الطاقه شوي عشان الهوا يطير النوم

وحاول توقف وتاخذ لك قهوة تركية تراها جيده

وشكرا على الموضوع

[مطحن]

السلام عليكم ورحمة الله وبركاته

النوم من اسبابه (على حد علمي) قلة النوم قبل السفر وهذا علاجه الوقوف والنوم!
السبب الثاني واللي يخفى على الكثير ولا عرفته الامن نصيحة واحد الله يجزاه خيييييييييير، لاني كنت منب راعي نوم بالخط ابد ومن فتره صرت ما اوصل وانا اصدق من النعاس حتى وانا شبعاااااااان نوم قبل السفره. اللي قال لي رفيقي بالحرف الواحد " تاكد من قوة نظرك ونظافة القزازة الامامية للسيارة"

وفعلا بعد ما فحصت النظر دريت اني شايب وانا ما انتبهت، وبعد استخدام النظارات ابشركم الوضع احسن من اول بكثييييييير طبعا مع الاهتمام بنظافة القزازة القدامية للسيارة

ولو تلاحظ اخوي انه اذا ما جاك نوم وانت بالبيت وقريت اي كتاب يجيك النوم على طول لانك تنهك العين وهي بدوره تطلب النوم حتى ترتاح من الاجهاد اللي هو القراءة، واعتقد السواقة بالخطوط مهيب بعيد عن اجهاد القراءة بالنسبة للعين!

اخوكم عبدالرحمن

[ريم البراري]

أعتقد أن أفضل طريقة هي وجود أحد مع اللي يسوق صاحي يسولف معه
انا مثلا لايمكن انام في سفر ودائما (السولوفجية )حقت اللي يسوق
دائما ادخل السواق في منافسة على حل الغاز علشان يصحصح صح
واحيانا نعد السيارات اللي رايحة واللي جاية
ونعد عيون القطط
احيانا افتح مواضيع بايخة واسئلة اعرف اجاباتها بس علشان ماينام اللي يسوق