وشو اللي يطرد النوم بالخط نبي رايك

[8الساهر8]

السلام عليكم ورحمة الله وبركاته
أولا أشكر صديقي السندباد على طرح الموضوع وكذلك أصحاب الردود
قبل كل شي دعاء السفر .واذا كان معك خويا في السيارة السواليف تطير النوم . واذا كنت لحالك وجاك النوم لبق عند أقرب محطة واشتر من التموينات فصفص وبارد إن كان ما معك شاهي . وشغل شريط يشدك أسلوبه مثل الدكتور طارق السويدان .وان ما نفع لبق السيارة وخذ لك غطة حوالي عشر دقائق أو ربع ساعة .

[وأصل]

يا الربع يقلون اسأل مجرب ولا تسأل طبيب الحل عندي حط معك وانت بكرامه كم ذبآب في الغمــآره والذبآب بدوون ما توصيه بيشغلك في السيــارة كل شوي تهشه .
العذر والسموحه يا الربع على الحـــل .!َ!!!

[مساعد99]

السلام عليكم
اذا احس السائق بالملل او النعاس فإنه يجب عليه أن يتوقف على جانب الطريق وينزل من السيارة ويمشي قليلا حول السيارة .
ويأخذ نفس كذا مرة . ويعمل تمرينات رياضية خفيفة ..حيث تتجدد عنده الدورة الدموية !!!
فإنه بإذن الله سوف يكون نشيطا ...
ويواصل سيره بأمان الله وحفظه ...

[ناعم]

السلام عليكم

رجلك اليسرى رافعها وعلى ركبك يدك اليسرى ماسكه الطاره ويمينك السبحه وتوكل على الله

[الشمالي]

أولا التوكل على الله
ثم أذا جاء خوي شرواك بإذن الله راح النوم

[العنبري1]

احسن شي وقف وخذ لك غطه

اذكر مره وان مسافر في الليل وكان الطريق حوالي 300كم وكان ذاك الوقت ذابحني النوم

كل شوي اوقف واغسل وجهي وامشي شوي بعدين يرجع النوم مره ثانية كني اعبي بخمسة

وعلى هالحالة الين قطعت حوالي سبعين كيلو ولقيت العالم موقفين واسغربت قلت وش عندهم

يوم قربت لقيت الله يكفينا الشر راعي ذاك الشاص اللي صادم له بعير بعدها صحصحت وطار النوم

( مصائب قوم عند قوم فوائد ) ...

[سهيل ستار]

أنا أقول من تجربة
ان سبب النعاس في الغالب في السيارة قلة الاكسجين يعني نسم الدرايش وغسل وجهك وإذا ما نفع وقف ونم لو عشر دقائق .

[كائن حي]

السلام عليكم

أنا أكيف على الهواجيس ومست الخط في التفكير


بس أنك تسولف مع راعي سيارة على الخط حلوة

وشكراً لكم

[تركي0500]

غفلتوا عن شي مهم جدااااا..

وهو أهم شي اذا كان معك واحد لا ينوووم ولا تراك بتنوم معه..

ومن واقع تجربة اذا جاك النوم افتح الدريشة وطلع خشيشتك ويطير النوم

[ولـد الدوادمي]

اسئل مجرب ولا تسئل طبيب امش طبلون موترك وطلع خشك مع الدريشه وشف ان ماطار النوم اسئلوني كمجرب .

[الرهدن]

السلام عليكم ورحمة الله وبركاته00

في نظري موضوع رائع ويستحق التميز لأن الجميع بحاجته00
يقول الأخ / المغوار almgwar
انا اقول اللى يطرد النوم فى الخط انك تستخير وتنام وتعين من الله خير ومن تعجل ماقضى حاجته00
كلام في الصميم00

وإن أصريت على المواصلة أقول00
إياك أن اتمسك خط وأنت شبعان
واشرب قهوة ولاتكثر لأنها تصيبك بالأرق00
وقشم فصفص00
وإذا مانفع00
وقف واسدح المرتبة وخذ غطة 00


يقول الأخ ابراهيم أحمد صفحة 4

أفضل شي يطير النوم للسائق والمعمول به في اليمن هو تخزينه قات فالقات لايطير النوم فقط وإنما يجعل السائق ينسجم مع قياده السيارة


اتق الله أخي فما جعل الله العلاج بما حرم حتى ولو كان يظهر منه النفع00ولعل المدمن عليه يكفيه بأنه أقل الناس إنتاج وبالتالي يجلب الفقر والنتيجة التخلف عن ركب الحضارة والتقدم00



.

[ابو فهد الاول]

السلام عليكم
التخطيط للرحلة
تجنب مشتقات الالبان
الوقوف كل ساعتين تمارين .... . . مشي
شرب القهوة و الشاي
اضاءة النور الداخلي لسيارة .
وأخيراً اذا ماطار النوم اصفط وخذ غفوة والشكوى لله .

[السندباد]

مشكورييييييييييييييييييييييييييييييييييين جميعكم على المرور وابدا الرأي ونتمنى المزيد

[نجم حفرالباطن]

مشكور اخوي السندباد__(((السنبدباد)))
بصراحه بحكم خبرتي مسة خطوط ايام الكليه
اللي يطرد النوم
1- اشرب بايسن اثنين
2- سولف لو لوحدك
3- لاتسافر لوحدك لازم معك خوي عشان السواليف
4- شغل النور الداخلي
5- قم بالاتصال علي اي شخص عشان يروح النوم بس الله يعينك على الفاتوره ههههه
6- سفط على جنب وغسل وجهك
7- اعمل بعض الحركات داخل السياره وانت تسوق كان ترفع احد يديك الى اعلى لمده

[محمد الجويسر]

النوم مثل مايقولون ســــــــــلطان وماتقدر عليه
احسن حل لاتعرض نفسك التهلكه وقف ونم