وشو اللي يطرد النوم بالخط نبي رايك

[الدهاس]

صار علي اكثر من موقف ومره كان معي اثنين من الشباب ونمت ونام الثاني ولكن الله ستر مانام الثالث اللي هو المعاون حيث اني يوم نمت وانا كنت اسوق وكنت للاسف مسرع لف الدركسون عن المسار يريد الخروج عن الطريق فالمعاون جزاه الله الف خير مسك الدركسون وصحاني وبعدها صرت ما اتهور وامشي اذا كان فيني نوم مرررررررررررررررررررررررررره لدرجة اني نمت في محطة مره 4 ساعات في السيارة لان ما معي فراش فالنوم هو الحل وحفظ الله جميع اخواني المسلمين

[محترف]

السلام عليكم أخري ( الدهاس)
من الأشياء اللي تطرد النوم في الخط :على فكره - ما ينوم السائق والركاب صاحين الا قليل !!
لكن الاغلب انهم ينامون حتى المعاون ينومون ويضل السائق سااااكت طوال الطريق ويجيه النوم ومن الاشياء اللتي تطرد النوم :
اكل اي شيء ( تحريك الضرس ) !! - العلك - الحب ( الفصفص ) - الشاااااااي ...
ايضا فتح الدرايش بالصيف .
وشكراً

[cruise]

افتح الدريشة .............ترى صوت الهوا يطرد النعاس ..............واذا كلش كلش...............انزل وتمش حذا الموتر..........................واذا ما فيه حيلة اسفط وخذ لك تعسيلة ابو ربع ساعة نوم وكمل ............

[راس المال]

النوم سلطان .,,,,,
واذا جاك النوم وأنت تسوق فلا تكابر وتركب راسك ...... ترى حياتك غاليه ...... والحل أقرب محل تقدر تنام فيه ( ارقد ) والصبح ربح

أنا مرة جاي من رفحا للرياض .. ولوحدي وتغديت بالمجمعة وبعد ما توجهت للرياض النوم ( لعب براسي ) وابقت على السريه وانسلت في الرتبة ورقدت حوالي ساعة وقمت وأنا مصحصح ..... بس الحقيقة صوت السؤات في الخط مزعج ....
تحياتي

[متيم البراري]

افضل طريقه للطرد النوم وبختصار هي النوم

[راجح]

شغل المسجل على اعلى صوت وافتح الدرايش كلهن ...

[مجنون تميم]

سوبف مع نفسك تخيل المجنون وشلون يسولف وسو مثله

[راعي الضلع]

ان في من وجهة نظري المتواضعة بعد التوكل على الله ان الفصفص لا يعلى عليه وشكرا على الموضوع الممتاز والمفيد

من الاخ السندباد

[فارس عنيزه]

فيه اكثر من طريقه
1-اكل حب القهوه كل ساعتين او ساعه واحرص علا حب القهوه التركيه او اليمنيه
2- اشر ما صحه و بايسون وباورهاوس اشرب الماء واخلط البايسون والباور هاوس بالعلبه حقت الماء
واشربوه هاذي الطريقه مضمونه 100%بس اذا نمت نمت عادي تنام يوم كامل لا تستغرب
3- بندول وبايسون
للئفاده ان بايسون شرب علبه وحده تطير النوم ساعه اذا جيت تبي تنام اشرب وحده ماتنام وجرب
لئنه ينشط الدوره الدمويه
وشكرا اخوك فارس عنيزه

[راعي الفورت]

عني أحيانا أقاصد وأصير مثل المجنون على قول مجنون تميم

والشباب ما قصروا ...

والخوة الصاحية الصالحة ترا وصى عليها النبي صلى الله عليه وسلم

وعليك بالفصفص والشاهي والكبتشيلوا والاكسبريسوو والميكاتو ... وإذا تهيأ تأخذ معك ... هونت (( صرنا مروجين ))هههههههههههههههههههه

[كن كن]

تبي اللي يطرد النوم على الخط رح للبقالة وتلقى نسكافه بودرة حط شوي بس في فمك وراح تمسك خط اللين تقول بس

[الصاحب الغالي]

النوم قبيييل الممشى

[الصاحب الغالي]

ولا تا كل حبوب ههههههههههههههههههههههههههههههههههههههههههههههههه

[المليحي]

انا كنت مسافر لوحدي في الليل وكنا في الشتاء وداهمني النوم الي سويته هو اني فتحت دريشة السواق فتحه بسيطه وخليت الهواء يلفح راسي وعيني اليسرى وبمشيئة الله تعالى ما جا ني النوم ابدا عن تجربه وراي لكم

[أبوزيد]

سؤال للزملاء

هل النوم أثناء القيادة يعتبر مرض من الأمراض ؟