10 اغراض طبخ تحتاجها لكشتتك
هلالالالالالا
اسمحوا لي اني ابتدي بالمنتدى هذا بهذا الموضوع ,,
و بما ان المنتدى هذا لفنون الطبخ ,,
فلازم يكون عندك ادوات الطبخ قبل لا تفكر بالطبخ ..
الأدوات ,, و ليست بالترتيب ,,
1- لازم يكون عندك صندوق او (عزبه) لحمل ادوات الطبخ ,, لترتيبها و علشان ما تنسى شيء ,,
2- نبدأ بأهم شيء ,, الماء ,,<-- اللي ينساه ,, عز الله ما كشت
3- الملح ,, يا ويل اللي ينساه ,, تراه يبي يرجع ,, يجيبه ,, لأنه ضروري
4- سكين كبيرة لتقطيع اللحم ,, في حاله طلعه صيد ضبان و حباري ,, و سكينين صغيرتين (سكين فواكه و خضار) لتقطيع البصل و الطماط
5- ملعقتين صغيرتين ,, و (ملاس) ملعقة كبيرة للإنكاب ,,
6- بهارات و ماجي <-- لعليميه الطبخ و صلصة طمام لنفس الأشخاص
7- عدد اثنين صحون و ابلام للأكل ,, و عدد 5 صحون صغيرة للسلطه و الكشنه
8- كبريت او ولاعة ,, و لا تنسون المناديل ,, لا زم المناديل ,,
9- رزمه حطب للمروقين و راعين الحطب و يفضل معه جمع بعض الرمث لأن نار الرمث حاره جداً و تساعد على سرعه عملية الطبخ ,, او دافور صغير بس شيك عليه قبل تطلع اذا فيه غاز كافي .
10 - عدد 1 قدر متوسط الحجم او على حسب الناس اللي طالعين في الكشته ,, و ان كنت افضل الكاتم ( قدر ضغط )
اتمنى اني ما نسيت شيء ,,
و ياليت تذكروني ,, اذا نسيت شيء مهم ,,
سلامي لك ,, و كشته حلوة و ممتعة
15 نوفمبر 2015 - 16:514 نوفمبر 2015 - 21:27
 |
رد مع اقتباس
نقص في الخلطه السريه
مداخله شباب
