استفسار عن كامره

[علقم]

السلام عليكم
اخوان انا رايت هذه الكامره واعجبني شكلها وسعرها بحيث انهم عاملين عليها عرض وهي من شركة hp وهي 7 ميغا بكسل وابتكال زوم 3 والدجتال زوم 8 وفيها مواصفات حيل حلوه ابي رايكم ومنو جربها يفيدنا الله يجزاه خير قبل لاشتريها وهذا الرابط فيه كل المعلومات عن الكامره ولكن السعر عليه عرض 90 جنيه اسرليني تقريبا 50 دينار كويتي وهذا الرابط ونبي ردودكم بسرعه الله يجزاكم خير


http://www.zomp.net/shop/product_inf...ucts_id=341766

[يازين الجو]

تبغي نصيحتي

ابعدي عن HP

والله اني ندمت على الكميرا اللي عندي

وفووق هذا وهي جاتني هديه

والكاميرا هي hp 945 وهي رائعه بالنسبه لي .. مع اني ماجربت ولا كميرا غيرها

مالك بالطويله

قدر الله في يوم من الايام

تخرب الالوان حقها

وديتها الشركه .. قالولي هات الضمان او الفاتوره .. طبعا ماجا معاها شي

طلعو رقمها من الكمبيوتر المهم ان الضمان مايشملها .. انتهى

قلتلهم كم تكلف

قالولي ماتتوفر القطع

طيب الكميرا خربت وانتهى الضمان .. ارميها ؟

ردو علي ان سياسة الشركه كذا

يعني لا سمح الله خربت عليك ولضمان منتهي ارمها عالفاضي

دقيت على الشركه في الامارات عبر الرقم المجاني وسوويت زحمه .. مافيه فايده

وذا تبى شوري خذ لك شركه معروفه ومتوفره قطع غيارها

هذا اللي عندي والله على مااقول شهيد

[علقم]

اشكر الاخ زين الجو على الرد الوافي والنفعوالسريع ولكن ياخوكانا ببريطانيا ادرس واهني مايصلحون اهني يبدلون والكامره عليها كفاله تبديل لمدة سنه عن اي شي يحصلها

[عيناوي]

اخوي علقم

انا أطلعت على قراءات الكاميرا ولا ارى فيها اي شي سيئ..لكن للمعلوميه انا لم استخدم هالكاميرا ولا اعرف احد يستخدمها..
وبالنسبه لكون بريطانيا تتبع سياسة التبديل..ما اشوف ان قدامك اي خيارات ثانيه..
بس قبل..انت من كلامك شاري كاميرا وتبي تغيرها..صح والا لا؟

[علقم]

الاخ عيناوي اشكر لك مرورك الطيب والله ياخي هالكامره اعجبتني مواصفاتها وبالنسبه اني عندي كامره اي ياخوك عندي كامرات مو كامره بس هذي اعجبتيني وحبيت احطها مع مجموعتي للكاميرات الخفيفه

[عيناوي]

خلاص اجل..استخير و توكل على ربك

وفالك طيب ان شاء الله