أصحاب الخبرة في الأبل وتغذيتها

[جبل حبشي]

عندي أربع خلفات وأربع عشاير أعلفها مكعب الظهر وبرسيم العصر لكن طلع فيها خراج بالنحر وبعض الأخوان يقولون أقطع المكعب .المطلوب خبرتكم ونصيحتكم بذلك ..
1-وش أعلف الخلفات ؟؟
2-وش أعلف العشاير ؟؟؟
3-متي الوقت المناسب للعلف؟؟
4-متي الوقت المناسب لشرب الماء؟؟؟
5-ما رأيكم في تنقيع الثوم للأبل؟؟؟؟
6-وش رايكم بتنيع المره(المر) مع الماء كل فترة وفترة؟؟؟
7-ماهو أفضل علاج للخراج؟؟؟؟؟؟؟
الأسئلة كثيرة لكن تحملونا ليتم الأستفادة للجميع ......
لاتخلونا من خبرتكم ورأيكم المبارك أن شاء الله.......

[راعي-gx97]

أخوي الله يبارك لك بحلالك ...

الخراج يكثر بالبل اللي تعلف مكعبات !!!!

تبي نصيحتي أقطع المكعبات وعليك بالشعير والبرسيم تراه أفضل ويفك الحلال من الخراج وحتى حليب الخلفات يكثر ويزين ..

بالنسبه كيف تعلف الخلفات والمعاشير ؟؟؟؟
الصباح: حط عدد 2 سطل البوية شعير طبعا ونصف بلكة برسيم .
المساء: حط عدد 1 بلكة برسيم .
الماء : مايضر خلهن يرون الصباح والمساء تراء العلف حار ويحتاج ماء .

((أشتر البرسيم الصيفي الناشف تراه الافضل يوجد بالسوق برسيم شتوي ملبن وهو أخضر ويجي فية شوية عفن تكرم ))

ولا تعزل البل عن بعضها تراء العلف هذا يكفي أبلك كان عددها 8

ولا تحط علاجات ولاشي كان البل سليمة من الامراض المعتادة والخراج ينفقع وينتهي ولا تنسى الاهم خل البل تمشي كان عندك أرض واسعة يعني خلها (تسرح) تراء المشي طيب .

والله يبارك بحلالك ,,,,

[جبل حبشي]

أخوي الله يبارك لك بحلالك ...

الخراج يكثر بالبل اللي تعلف مكعبات !!!!

تبي نصيحتي أقطع المكعبات وعليك بالشعير والبرسيم تراه أفضل ويفك الحلال من الخراج وحتى حليب الخلفات يكثر ويزين ..

بالنسبه كيف تعلف الخلفات والمعاشير ؟؟؟؟
الصباح: حط عدد 2 سطل البوية شعير طبعا ونصف بلكة برسيم .
المساء: حط عدد 1 بلكة برسيم .
الماء : مايضر خلهن يرون الصباح والمساء تراء العلف حار ويحتاج ماء .

((أشتر البرسيم الصيفي الناشف تراه الافضل يوجد بالسوق برسيم شتوي ملبن وهو أخضر ويجي فية شوية عفن تكرم ))

ولا تعزل البل عن بعضها تراء العلف هذا يكفي أبلك كان عددها 8

ولا تحط علاجات ولاشي كان البل سليمة من الامراض المعتادة والخراج ينفقع وينتهي ولا تنسى الاهم خل البل تمشي كان عندك أرض واسعة يعني خلها (تسرح) تراء المشي طيب .

والله يبارك بحلالك ,,,,

بارك الله فيك أخي gx
ننتظر ردود الأخوان لتزيد الخبرة والمعلومات ,,نرجو التفاعل

[ابومحمدالبري]

الخراج اطعنه ابرت بنسلين ولا
شقه وحط ماء وملح

[جبل حبشي]

الخراج اطعنه ابرت بنسلين ولا
شقه وحط ماء وملح

أبو محمد
بارك الله فيك ,,النياق فيها لقاح ولاودي أعطيها أبر

[محمد بن عايض]

ياولد تبي العلم من عرفت الحلال وعرفت اهل الحلال


الرودس حطه لها على طول

لا طلعت الصبح ورجعت الضحى او قبل الظهر حط لها تبن في وجه العدو والى ذره حبه وحده لان عندها رودس

وعصير لا جات الساعه 5 كب لها كيس شعير مجروووش وان كان تبي الشحم كب لها كيس ونص الين تشوف الحلال يبقي من علفه وبعده نقص شوي شوي لين تشوف حاجته

والخلفات اعزلها عقب الشعير وحط لها برسيم ربطه كامله ان كانك راعي حليب

وخلها الرودس عندها بتمسي عليه ولااصبحت بتفطر عليه


وسلامتك

[جبل حبشي]

ياولد تبي العلم من عرفت الحلال وعرفت اهل الحلال


الرودس حطه لها على طول

لا طلعت الصبح ورجعت الضحى او قبل الظهر حط لها تبن في وجه العدو والى ذره حبه وحده لان عندها رودس

وعصير لا جات الساعه 5 كب لها كيس شعير مجروووش وان كان تبي الشحم كب لها كيس ونص الين تشوف الحلال يبقي من علفه وبعده نقص شوي شوي لين تشوف حاجته

والخلفات اعزلها عقب الشعير وحط لها برسيم ربطه كامله ان كانك راعي حليب

وخلها الرودس عندها بتمسي عليه ولااصبحت بتفطر عليه


وسلامتك

بارك الله فيك يا أبو عايض
معلومات طيبة ونطمح بالمزيد من الباقين

[أبو علوى]

ولا يهونون الاخوان بيض الله وجيهم

وأنا برايي المتواضع إنك توزن العلف باليومية بنفسك

مثلا : تقول عددها 8 (4 خلفات و4 عشاير ) كلهن لبون

إطرح لهن باليوم من الصباح الساعة 7 بلكتين برسيم وشف هي بتقضيهن لين الليل والا بتقضيهن العصر

وهكذا شف دبرتك واياها فإلى كانت قضت عليه بالليل فهذا أبرك وإلى قضن عليه بالعصر

فهذا يعني يبالك تحط لهن بلكتين بالعصر لين الصباح الساعة 7 والله يوفقك

برايي الرودس ما منه الفايدة البته ما غير يريحك من الحط والشيل من البرسيم فابعد عن الرودس

الله الله بالبرسيم
الله الله بالشعير المجروش حاول قبل ما تعطيهن تنقع الشعير بالما ساعة وما دامها 8 فعب لهن 3 سطل من سطول البوية ولا تعطيها إلا يومين بالاسبوع يعني يوم السبت ويوم الربوع وانت أدرى بمالك

والله الله بالمسراح والارض المسس الطيبة والحميس وان كان ما به حميس بارضك فلازم تعطيها بلكة ذرة
وتبن بالاسبوع مرة وحدة

عليك ببلكة الملح بالمعلف

الما المالح أفود من الحلو روها بالصباح قبل المسراح وروها بالمراح عند الضوية يعني مرتين

من ناحية الثوم ما يعطى للبل إلا لا صابها صفار ووهان ودود فقط أما وهي سليمة فلا

وكبك من المرة وش لك به

والله يرزقك ويبارك بمالك ولا هانوا الاخوان الله يبيض وجيهم ووجهك

[عساف الضاري]

اخوي الله يبارك لك بحلالك
اخوي بوقت الصيف لا تعلف الحلال بالظهر
وبالنسبه للخراج اقطع المكعب عنها كم شهر لتعرف هل سبب الخراج المكعب او لا
1-الخلفات اذا كنت تحلب منهن فلا تطعمها غير البرسيم
2-العشاير حسب حالهن شعير رودس قليل من البرسيم و لقم (عجين وملح)
3- المساء قبل المغرب للعشايروالخلفات وبالضحى للخلفات
4- للخلفات تحت خشومها او صبح ومساء

[القاف2010]

اخوي ماني اعلم من الي افادوك لكن من واقع تجربه او خبره اتوفير وزين الحال بنسبه للعلف
العشاير عطهن شعير وتبن قالبين خله ناقع يعني علي طول وشعير نص قيس يومي مساء طبعا اول يومين ياكلن التبن خفيف بعدين تقبلنه وراح تشوف حالهن زين شحم ولحم
اما الخالفات عليك بالبرسيم فقط لا تحط غيره شيء حط قالبين او ثلاثه صباحا ومساء اذا كان من برسيم الشمال تبوك والجوف اذا حايل والقصيم اربعه
وبسبه للخراج لاتفتحه خله هوينفتح لوحده وهذا يجي من الاعلاف بس عليك بالبنسلين لانه ينشفه لكن لاتفتحه بعدين يتكون جرح ويمشي في الجسم

[جبل حبشي]

ولا يهونون الاخوان بيض الله وجيهم

وأنا برايي المتواضع إنك توزن العلف باليومية بنفسك

مثلا : تقول عددها 8 (4 خلفات و4 عشاير ) كلهن لبون

إطرح لهن باليوم من الصباح الساعة 7 بلكتين برسيم وشف هي بتقضيهن لين الليل والا بتقضيهن العصر

وهكذا شف دبرتك واياها فإلى كانت قضت عليه بالليل فهذا أبرك وإلى قضن عليه بالعصر

فهذا يعني يبالك تحط لهن بلكتين بالعصر لين الصباح الساعة 7 والله يوفقك

برايي الرودس ما منه الفايدة البته ما غير يريحك من الحط والشيل من البرسيم فابعد عن الرودس

الله الله بالبرسيم
الله الله بالشعير المجروش حاول قبل ما تعطيهن تنقع الشعير بالما ساعة وما دامها 8 فعب لهن 3 سطل من سطول البوية ولا تعطيها إلا يومين بالاسبوع يعني يوم السبت ويوم الربوع وانت أدرى بمالك

والله الله بالمسراح والارض المسس الطيبة والحميس وان كان ما به حميس بارضك فلازم تعطيها بلكة ذرة
وتبن بالاسبوع مرة وحدة

عليك ببلكة الملح بالمعلف

الما المالح أفود من الحلو روها بالصباح قبل المسراح وروها بالمراح عند الضوية يعني مرتين

من ناحية الثوم ما يعطى للبل إلا لا صابها صفار ووهان ودود فقط أما وهي سليمة فلا

وكبك من المرة وش لك به

والله يرزقك ويبارك بمالك ولا هانوا الاخوان الله يبيض وجيهم ووجهك

بارك الله فيك يا شاكي السلاح
معلومات طيبة ونطمح بالمزيد من الباقين

[العتيبي نجد]

فيه ناس يطعمون شعير وجاه الخراج نياقهم وانا اصحك انك تطعم الغدير و الصوامع و انحش عن الوافي و احسن شي تطعمها المغرب لما تجي من المسراح و الماء اهم شي يكون بارد وما عنده مشكلة في اي وقت تشرب الماء اما الخلفات اكرمها بالبرسيم واما العشاير تبن و الخلفات اول ما تالد عطها ذرة و الصباح عطها برسيم الخلفات و العشاير تبن الصباح

[وضاح2]

عندي أربع خلفات وأربع عشاير أعلفها مكعب الظهر وبرسيم العصر لكن طلع فيها خراج بالنحر وبعض الأخوان يقولون أقطع المكعب .المطلوب خبرتكم ونصيحتكم بذلك ..
1-وش أعلف الخلفات ؟؟
2-وش أعلف العشاير ؟؟؟
3-متي الوقت المناسب للعلف؟؟
4-متي الوقت المناسب لشرب الماء؟؟؟
5-ما رأيكم في تنقيع الثوم للأبل؟؟؟؟
6-وش رايكم بتنيع المره(المر) مع الماء كل فترة وفترة؟؟؟
7-ماهو أفضل علاج للخراج؟؟؟؟؟؟؟
الأسئلة كثيرة لكن تحملونا ليتم الأستفادة للجميع ......
لاتخلونا من خبرتكم ورأيكم المبارك أن شاء الله.......

الاخوان ماقصروا بالنسبه للعلف اذا تبيه تردم شحم فهو كيس ونص شعير حب اومجروش او مكعب والا كيس يكفي كعلف متوسط
والخلفات طبعا البرسيم اذا تبي حليب والعشاير تبن اوذره او رودس وعلى العموم جميع الحشايش مع العلف مفيده
ولكن اهم شى عدم تغيرالعلف يعني تكون على نوع ثابت وبالنسبه للخراج لاتعرضها واتركها وسببها من المكعبات وبالنسبه للثوم تنقيعه في الحوض طيب وانا صاحب حلال واستخدمه على طول وبالنسبه للماء
يكون في الحوض على طول وانا جاهز لاي استفسار

[وسيع البنايد]

ابلي احط لهن لفة رودس كبيره وياكلن منها كل وقت
بعد صلاة المغرب ليله احط لهن سطلين بويه شعير وليله مكعب وليله خبز
وكل رابع ليله احط لهن طاسه ام 20 ملح قصب اخلطه مع علف المغرب
والبل لقحات وبكار وامورهن زينه ولي سنين من احسن ما يكون
الفحل احط له بعد المغرب سطل بويه شعير منقوع لمدة 12 ساعه
والرودس على طول في المعلف واعطيه وافي اصيح اقل من سطل بويه
الخلفات رودس مع برسيم

[الصيخي22]

بالنسبة لي اعطي ابلي
الصبح برسيم
والمغرب شعير منقوع وبرسيم
الرودس ناقع على طول بالمعالف