كيف تتفادى التغريز بسيارت الدفع الخلفي...!!

[GL2006]

بسم الله الرحمن الرحيم
انا معي هايلكس 2006 وابي نصايحكم عشان اتفادى التغريز
انا رحت قبل اسبوع للعاذرية وجربت الموتر بس عندي مشاكل
اول شي اذا وقفت وجيت ابمشي تبدأ الكفرات تحفر....
وثاني شي ابيكم تعطوني من خبرتكم لأني عليمي بالأمر ذي
واذا غرزت كيف امرجح السيارة ( ارقص )
ولكم جزيل الشكر

[مسير عليهم]

بختصر عليك نسم الكفرات وخل رجلك خفيفة لاتشب على الموتر ولا ترخية

[راعي الهـــدد]

اولاً / اخوي الفاظل حاول عندما تريد التوقف في النفود او الأماكن الرمليه أن يكون وجه السياره نازل يعني على طرف منحدر رملي لاتخليه في طلعه من اجل اذا جيت تبي تمشي يساعدك ثقل الموتر في الخروج ولا تجعل الموتر في اماكن طامنه


ثانياً / تنسيم الكفرات وجعلها على وزن 15 او أقل على حسب وظع النفود ووعورتها

ثالثاً / قبل الدخول للنفود والى أن تخرج اجعل الدبل شغال على الخفيف وهذا يساعد السياره ولا شك على الخروج ولا تقع في مزالق تضر كلتش السياره

لأن الدبل يجعل الكلتش براحه مايجيه زود جهد مكلف اكثر من طاقته مما يأدي الى احتراقه

رابعاً / اذا غلبت الروم ووقعت بالغراز فلا تتعجل بالدعس على البنزين بقوه من اجل الخروج

لا

توقف وانزل من سيارتك وانظر في اسفل الموتر وشف ممكن يكون الدفرنس متعلق بالرمل يعني اجزاء الموتر التحتيه ملامسه للأرض عندها

ابدأ بالحفر وازاحة الرمل عن الدفرنس وكذلك عن الكفرات وجعل طريق للسياره

خامساً / مايسمى بالرصف

الرصف انك تجمع من القشع والي حولك من اعواد واعشاب نباتيه وتظعها في طريق السياره امام الكفر الخلفي وخلف وامام الكفر الأمامي يعني في طريق مرور الكفر

فهذا يساعد وبقوه على خروج السياره


سادساً / واذا كنت اخي ستتوجه لأماكن مهلكه بعيده كالرمله والثويرات وغيرها فانصحك تآخذ معك صاجات المنيوم او صفائح حديد رقيقه ذات جوده عاليه وقويه يعني تكون مبسطات على طول 2 متر او متر ونصف وبعرض الكفر فقط وتظبط لها مفصلات من اجل تنصفط على بعض وتظعها في موترك

من أجل اذا غرزت تجعلها تحت الكفر من اجل يخرج من الرمل

سابعاً / اذا فعلت كل ماذكر اعلاه اركب في سيارتك وظع القير الدبل على الخفيف وظع القير العايدي على نمرة 2 او نمره 1 اذا كانت رجلك خفيفه وسبق لك تجربه في الغراز

المهم ادعس بنزين بخفه ومع دعس البنزين ارفع رجلك عن الكلتش وعاود مره اخرى ادعس بنزين وارفع رجلك عن الكلتش وهكذا من اجل تتمرجح السياره واذا شفتها بدت تمهد طريق لنفسها فانتبه لاتستعجل وتدعس بنزين بقوه فهذا يؤدي الى الحفر وتغرز مره اخرى

انما اصبر وكرر هكذا الى ان تثق ان سيارتك ستخرج عندها توكل على الله وشد عزم السياره وامش ولاتتوقف الا في مكان آمن على منحدر رملي ولا تقف في اماكن طامنه فهي سبب الغراز الأول ولا اقول الأخير

على العموم القياده بالنفود فن وتحتاج فقط الى دربه

واعرف لك ناس يقودون في النفود بدداسن قديمه ولا دبل ولا شي ولكن يعرف اين يقف واين يمشي بسيارته

هذا مالدي وعذراً على الأطاله بس ظروري ابين لك بهذه الطريقه

لأني احسن انك مبتدء جداً وتحتاج لشرح مطول


أخوكم ابو حمد

[شبح الصحراء]

بسم الله الرحمن الرحيم

انا معي هايلكس 2006 وابي نصايحكم عشان اتفادى التغريز

انا رحت قبل اسبوع للعاذرية وجربت الموتر بس عندي مشاكل

اول شي اذا وقفت وجيت ابمشي تبدأ الكفرات تحفر....

وثاني شي ابيكم تعطوني من خبرتكم لأني عليمي بالأمر ذي

واذا غرزت كيف امرجح السيارة ( ارقص )

ولكم جزيل الشكر

أخي العزيز مثل هذه الأمور لا يمكن ان تتعلمها من خلال المنتديات والقراءة فقط وإلا كان الف فيها كتب ومجلدات ولكن لكي تتعلم فن التطعيس يجب ان تمارس هذا الأمر ولا بد في البداية ان تغرز مراراً وتكراراً حتى تتقن المسألة وتعرف أسرارها لذلك انصحك بالذهاب مع اصدقائك إلى الثمامة في البداية وان تحمل معاك واير سحب فقد تحتاجه وان تجرب حظك في الثمامة حتى تجيد هذا الفن ولا تخاطر بالذهاب للأماكن البعيدة كالدهناء والنفود حتى تتقن هذا الأمر .

نصيحة أخرى رفقاً بسيارتك لا تقتلها بالتطعيس وتعلم فقط ما تحتاجه لكشتاتك مستقبلاً .

[GL2006]

بختصر عليك نسم الكفرات وخل رجلك خفيفة لاتشب على الموتر ولا ترخية

:d مشكور اخوي

[GL2006]

اولاً / اخوي الفاظل حاول عندما تريد التوقف في النفود او الأماكن الرمليه أن يكون وجه السياره نازل يعني على طرف منحدر رملي لاتخليه في طلعه من اجل اذا جيت تبي تمشي يساعدك ثقل الموتر في الخروج ولا تجعل الموتر في اماكن طامنه



ثانياً / تنسيم الكفرات وجعلها على وزن 15 او أقل على حسب وظع النفود ووعورتها

ثالثاً / قبل الدخول للنفود والى أن تخرج اجعل الدبل شغال على الخفيف وهذا يساعد السياره ولا شك على الخروج ولا تقع في مزالق تضر كلتش السياره

لأن الدبل يجعل الكلتش براحه مايجيه زود جهد مكلف اكثر من طاقته مما يأدي الى احتراقه

رابعاً / اذا غلبت الروم ووقعت بالغراز فلا تتعجل بالدعس على البنزين بقوه من اجل الخروج

لا

توقف وانزل من سيارتك وانظر في اسفل الموتر وشف ممكن يكون الدفرنس متعلق بالرمل يعني اجزاء الموتر التحتيه ملامسه للأرض عندها

ابدأ بالحفر وازاحة الرمل عن الدفرنس وكذلك عن الكفرات وجعل طريق للسياره

خامساً / مايسمى بالرصف

الرصف انك تجمع من القشع والي حولك من اعواد واعشاب نباتيه وتظعها في طريق السياره امام الكفر الخلفي وخلف وامام الكفر الأمامي يعني في طريق مرور الكفر

فهذا يساعد وبقوه على خروج السياره


سادساً / واذا كنت اخي ستتوجه لأماكن مهلكه بعيده كالرمله والثويرات وغيرها فانصحك تآخذ معك صاجات المنيوم او صفائح حديد رقيقه ذات جوده عاليه وقويه يعني تكون مبسطات على طول 2 متر او متر ونصف وبعرض الكفر فقط وتظبط لها مفصلات من اجل تنصفط على بعض وتظعها في موترك

من أجل اذا غرزت تجعلها تحت الكفر من اجل يخرج من الرمل

سابعاً / اذا فعلت كل ماذكر اعلاه اركب في سيارتك وظع القير الدبل على الخفيف وظع القير العايدي على نمرة 2 او نمره 1 اذا كانت رجلك خفيفه وسبق لك تجربه في الغراز

المهم ادعس بنزين بخفه ومع دعس البنزين ارفع رجلك عن الكلتش وعاود مره اخرى ادعس بنزين وارفع رجلك عن الكلتش وهكذا من اجل تتمرجح السياره واذا شفتها بدت تمهد طريق لنفسها فانتبه لاتستعجل وتدعس بنزين بقوه فهذا يؤدي الى الحفر وتغرز مره اخرى

انما اصبر وكرر هكذا الى ان تثق ان سيارتك ستخرج عندها توكل على الله وشد عزم السياره وامش ولاتتوقف الا في مكان آمن على منحدر رملي ولا تقف في اماكن طامنه فهي سبب الغراز الأول ولا اقول الأخير

على العموم القياده بالنفود فن وتحتاج فقط الى دربه

واعرف لك ناس يقودون في النفود بدداسن قديمه ولا دبل ولا شي ولكن يعرف اين يقف واين يمشي بسيارته

هذا مالدي وعذراً على الأطاله بس ظروري ابين لك بهذه الطريقه

لأني احسن انك مبتدء جداً وتحتاج لشرح مطول


أخوكم ابو حمد

مشكور اخوي بس سيارتي مافيها دبل... دفرنس واحد
وشاكر لك جهدك بالشرح

[GL2006]

أخي العزيز مثل هذه الأمور لا يمكن ان تتعلمها من خلال المنتديات والقراءة فقط وإلا كان الف فيها كتب ومجلدات ولكن لكي تتعلم فن التطعيس يجب ان تمارس هذا الأمر ولا بد في البداية ان تغرز مراراً وتكراراً حتى تتقن المسألة وتعرف أسرارها لذلك انصحك بالذهاب مع اصدقائك إلى الثمامة في البداية وان تحمل معاك واير سحب فقد تحتاجه وان تجرب حظك في الثمامة حتى تجيد هذا الفن ولا تخاطر بالذهاب للأماكن البعيدة كالدهناء والنفود حتى تتقن هذا الأمر .


نصيحة أخرى رفقاً بسيارتك لا تقتلها بالتطعيس وتعلم فقط ما تحتاجه لكشتاتك مستقبلاً .




[/center]

يعطيك العافيه...
بس انا ابي اتعلم الأساسيات وبعدين اروح اطبق

[عريدان]

أخوي جي إل 2006 عقب ما توصل مشاركتك بالمنتدى زي عدد مشاركات أخونا "شبح الصحراء" أضمن بإذن الله إنك قدصرت تعرف تربع بالهايلكس بعد في الطعوس وزي ما قال كثرة التجارب تفك اللحام.

[GL2006]

أخوي جي إل 2006 عقب ما توصل مشاركتك بالمنتدى زي عدد مشاركات أخونا "شبح الصحراء" أضمن بإذن الله إنك قدصرت تعرف تربع بالهايلكس بعد في الطعوس وزي ما قال كثرة التجارب تفك اللحام.

مشكور اخوي

[خشم العرنية]

موضوع مهم جزاك الله خير

[ولدالعم]

اشكر اخونا راعي الهـــدد
على اضفاءته الرائعة
وعندي معلومة اتمنى ان تتقبلها هي نصيحة اخوية
في النفوذ والصحاري تذكر أنك في مناطق مهالك فينبغي لك توخي الحذر و لاتتعب السيارة في صعود كثيب رملي لست مجبرا به ولا نزول وادي ليست لك مصلحة فيه
فالسيارة تحتاج للمحافظة عليها أشد من الطفل ففيها حياتك ومماتك بعد مشيئة الله

[GL2006]

مشكورين وفي انتظار باقي الأعضاء

[نيشان نجد/]

زي ماقال أخوي شبح الصحراء هذي يبغاله ممارسه وكذلك يبغالك تاخذ رجلك على الموتر يعني تتعود والترقيص أمره سهل يبغاله وزنية فقط لاغير يعني بحيث تخلي الكفرات ماتدو ماتحفر وهذه صعبه تكون شرح في الكلام لازم تطبيق ولازم توضيح وأنا أنصحك أنك كلما تغرز تحط في بالك إنه هذا التغريز درس بعده تحاول ماتسوي زي الغلط إلي غلطته من أول وأنصحك ترافك ناس يحبون التغريز وإذا واجهة من يتهزابك مثلا(أنت ماتعرف تسوق , أنت حدك الردمية ,ومن هذا القبيل )الذين يحطمون الواحد فأنت لن تستمر لكن لايهمونك تغلط مره مرتين ثم والله إن تصير النفود لعبتك وسبحتك تقلبه زي ماتبغى وسئل مجرب كنا زيك ننشب ونعلق ونثولث لاكن من كل تغريزه نتعلم والصبر زين وأنا أخوك إن شاء الله تكون طارة النفود وتصير تنزل القصوص والسيوف وتنكزها وتصير النفود سبحتك والله يوفقك ويعينك على مرادك وإذا بغيت شي حنا في خدمتك
وكذلك إذا بغيت نعطيك نبذه لتجهيز الموتر للبر والنفود بالذات يعني عن المساعدات والكفرات والجنوط وذي الشغلات هنا في خدمتك
أخوك/ نيشان نجد.

[GL2006]

زي ماقال أخوي شبح الصحراء هذي يبغاله ممارسه وكذلك يبغالك تاخذ رجلك على الموتر يعني تتعود والترقيص أمره سهل يبغاله وزنية فقط لاغير يعني بحيث تخلي الكفرات ماتدو ماتحفر وهذه صعبه تكون شرح في الكلام لازم تطبيق ولازم توضيح وأنا أنصحك أنك كلما تغرز تحط في بالك إنه هذا التغريز درس بعده تحاول ماتسوي زي الغلط إلي غلطته من أول وأنصحك ترافك ناس يحبون التغريز وإذا واجهة من يتهزابك مثلا(أنت ماتعرف تسوق , أنت حدك الردمية ,ومن هذا القبيل )الذين يحطمون الواحد فأنت لن تستمر لكن لايهمونك تغلط مره مرتين ثم والله إن تصير النفود لعبتك وسبحتك تقلبه زي ماتبغى وسئل مجرب كنا زيك ننشب ونعلق ونثولث لاكن من كل تغريزه نتعلم والصبر زين وأنا أخوك إن شاء الله تكون طارة النفود وتصير تنزل القصوص والسيوف وتنكزها وتصير النفود سبحتك والله يوفقك ويعينك على مرادك وإذا بغيت شي حنا في خدمتك
وكذلك إذا بغيت نعطيك نبذه لتجهيز الموتر للبر والنفود بالذات يعني عن المساعدات والكفرات والجنوط وذي الشغلات هنا في خدمتك
أخوك/ نيشان نجد.

مشكور اخوي وماقصرت...
بس لو ماعليك كلافه تشرح لي الترقيص..
وياليت تعطين نبذه عن تجهيز الموتر للنفود...
لأني غير المساعدات واليايات الي قدام حطيت مساعدات vxr وياي استرالي ...
وورا قوست السست وسحبت سسته وركبت سسته اماراتيه
...
وش باقي بعد؟

[GL2006]

up
up
up
.........