السلام عليكم ورحمة الله وبركاته
اسعد الله أوقاتكم بكل خير قصيدة نصيحة تعبر عن ماتحمله
من توجيهات ونصح أتمنى ان تحوز على رضاكم وذايقتكم الجميلة
يا ابوك انا عمري تعدى الثلاثين
والراس مما شفت يا ابوك شايب
وقتٍ تغير صار مابين قوسين
وقت الفتن والعولمة والمصايب
أخذ النصيحة محكمه بالبراهين
نظمتها بالقاف والفكر طايب
ليا انقضى ليلك مضى منه ثلثين
اسجد لربك مخلصٍ له وتايب
الله هو اللي يسّر العسر واللين
الواحد اللي ماعنه شي غايب
فالآدامي محتاج مخلوق مسكين
مخلوق مما بين صٌلب وترايب
والوالدين اجعل لهم رفقن ولين
من بعد ربي في وجودك سبايب
حصاد ماتزرع بتجنيه بعدين
تاخذ حقوقه من عيالك ضرايب
خلك معا ربعك على الزين والشين
صميدعٍ فكاك عوص النشايب
يزداذ قدرك بينهم يا احمر العين
وتنوبهم في معضلات النوايب
واذا ابتليت برجل خبلن ومسكين
شذاب عرقوبٍ وهرجه كذايب
مثله ترى الحقران في حقهم زين
ف كبودهم بتشب نار ولهايب
وجارك تعهد به من الحين للحين
عليك حقه مثل حق القرايب
واخوك لو يخطي بوحده وثنتين
خطاه يدمح لو تكون السبايب
و لا تشتمه تفرِح عداه المعادين
اخوك مابينك وبينه غلاايب
واخوك لا يشكي من الفقر والدين
وانته حزامه فالليال الصعايب
وقّف معه وقفة حشامٍ سلاطين
وخلك عضيده فالرخا والمصايب
و اخوك لو همه ف صدره براكين
لا يمنعك من عونه الا النصايب
ماخلقت الدنيا فْ ليلة ويومين
ولا هيب توخذ ياحبيبي عصائب
اخذ النصيحة محكمه بالبراهين
نظمتها بالقاف والفكر طايب
وسلامتكم
الشاعر // سلطان ناصر