افضل ورشه لتركيب هوك خلفي

[moh88ess]

السلام عليكم
بحكم خبرتكم احتاج افضل ورشه لتركيب هوك خلفي للجراند شيروكي الموديلات الجديده ويفضل ان تكون الورشه بالرياض
شاكر لكم تعاونكم

[moh88ess]

معقوله ياهل الخبرة 90 مشاهدة بدون رد
احد يفزع لنا من اهل الخبرة

[دكتور زمانه]

حياك أخوي
أنا أعاني نفس معاناتك كثرت المشاهدات ....الخ
لكن الشباب مب يقصرون أبد
أخبر رفيق الدرب عندهم كم شكل بس ماأدري هل تناسب لموترك أو لا
والوكاد انك بتلاقي عند السليماني أظنه ع طريق الملك عبدالعزيز
والغرابي مليان . أفضل طريقه وأسرع لك خذ أرقام المحلين الي ذكرت لك من النت
واتصل وأنشدهم . الله يسهل أمرك

[moh88ess]

السيارة مافيها مكان للهوك احتاج احد يرهم لي

[taal0]

ورشة المواهب صناعة القديمة يرهم

[moh88ess]

ارغب في اسم ورشه اخرى لتعدد الخيارات واختيار الافضل

[Abdullah Fo.m]

السلام عليكم ,
لا تفكر ولا تحتار أبد ,
ورشة RTL بالسلي,
الصراحة ما اشتغلت عندهم , لكن اعرف كثير مركبين عندهم ,
3 من اخوياي بالاستراحة مركبين عندهم ,
وأثنين من ربعي مرهمين على إلنترا و أكورد ,
الوصف:وأنت بالدائري الشرقي وجاك مخرج 16 ادخل معه واتجه شرق , بعد خامس إشارة ب 2 كيلوراح يجيك هرفي ع اليمين, اطلع بعده يمين .. ثاني لفة يسار , تلقى الورشة آخر الشارع على يدك اليمين( ليش أقولك لا تفكر ولا تحتار لأن الورشة تخصصها تفصيل قلص فمن البديهي بيكونون أفضل من غيرهم بالهوك)

[يزيد عثمان]

مركزاثير الرياض هم متخصصصين في امور ترهيم السيارات موقهم طريق اسطنبول وانت جاي مع مخرج 18 تروح يمين خلف الفوزان للعقارت جوال صاحب الورشه 0555262662 ابو علي