ابشركم وصلت الى قواعدي سالم الحمد لله

[سحاب نجد راعي شقراء]

ابشركم حصلت المعجزه بعد ماصليت الفجر

قدرت ادخل المنتدى

السلام عليكم ورحمه الله وبركاته

اولن اشكر ادارتنا على حلمهم علي بس تراهم هم السبب يوم غيرو لون المنتدى ومدري وشم مغيرين بعد

معاد طاعني ادخل بس قولو امين الله يجعل جميع اعضاء الاداره والمشرفين والمراقبين والاعضاء يجمعنا سميع عليم مع والدينا وذرياتنا بالفردوس الاعلى من الجنه امين يارب العالمين

وثانين اقول لقوافي قولي امين جعل يومي قبل يومك ترا هذا الي في قلبي وربي يشهد
قوافي تعبت معي جعل ربي يسعد قلبها

ونا صاير مثل اصقه الكلاب يشوفهن يتثاوبن وهو ينبح الله من زين المثل بعد ههههههههههه

يالله صير مالنا للقبر وفي رحمه مليك مقتدر سبحانه
الله لا يتكلنا على اعمالنا ماسوينا شي يرضيه جلا جلاله ولا عبدناه حق عبادته

ولاكن سبحان من رحمته تسبق عذابه

وصلى الله على نبينا محمد وسلم تسليمن كثيرا

وبس تراي جايكم ونا شايش

[قوافي ( أم نهار )]

وعليكم السلام ورحمة الله وبركاته
آمين يا رب العالمين
اللهم صل وسلم عليه وعلى آله وصحبه ومن والاه..
حياك الله ابو نوره
نيابة عن الموروث باكمله،، نبارك عودتك وحياك الله من جديد ..
محشوم ابو نوره واعذرني اذا كانت اسألتي كثيره والمقصد منها التأكد فقط حفاظا على حقوق العضويه ..
اسأل الله ان يجعل لك من دعائك نصيب وأشكر إدارتنا الكريمه على الجهود المبذوله للرقي بالمنتديات وأعضائه الكرام..
تحياتي وتقديري واحترامي

[حمد69]

وعليكم السلام ورحمة الله وبركاته
هلا بعمي سحاب الحمدلله على عوتك
افتقدناك كثير وافتقدنا مشاركاتك وسوالفك الحلوة
وقبل كم يوم مريت على طريق شقراء وتذكرتك
الله يجعل دارك الجنة
والله يسامح الأخت قوافي اذا دخلتك تحقيق
وننتظر جديدك..
ادامك الله في حفظه ورعايته

[مريقب العيفار]

ما هان علي يا عمي امر من هنا ولا اقول عودا حميدا وبانتظار سواليفك

[سحاب نجد راعي شقراء]

وعليكم السلام ورحمة الله وبركاته
آمين يا رب العالمين
اللهم صل وسلم عليه وعلى آله وصحبه ومن والاه..
حياك الله ابو نوره
نيابة عن الموروث باكمله،، نبارك عودتك وحياك الله من جديد ..
محشوم ابو نوره واعذرني اذا كانت اسألتي كثيره والمقصد منها التأكد فقط حفاظا على حقوق العضويه ..
اسأل الله ان يجعل لك من دعائك نصيب وأشكر إدارتنا الكريمه على الجهود المبذوله للرقي بالمنتديات وأعضائه الكرام..
تحياتي وتقديري واحترامي

والله العظيم ياقوافي انك سبب كثره القرائات والمشاركات في خيمه السواليف
من طيبك وطيب اسلوبك وطيب اصلك في معامله الاعظاء وحبابتك وروحك الطاهره

وهذي شهاده حق يجب ان تقال

[سحاب نجد راعي شقراء]

وعليكم السلام ورحمة الله وبركاته
هلا بعمي سحاب الحمدلله على عوتك
افتقدناك كثير وافتقدنا مشاركاتك وسوالفك الحلوة
وقبل كم يوم مريت على طريق شقراء وتذكرتك
الله يجعل دارك الجنة
والله يسامح الأخت قوافي اذا دخلتك تحقيق
وننتظر جديدك..
ادامك الله في حفظه ورعايته

هلا وغلا ياحمد بشرني عنك وعن صحتك جعلها لباس لك

انت تشوف ياحمد
اقول لقوافي انا سحاب وراك نسيتيني
وتقولي عد لي من واحد لعشره
بالفرنسي
وبالكوري
وبالصيني
انا مدري داخل معهد لغات بس اقتنعت مني يوم عديت بالصيني ههههههههههههههه

تبي الصدق يالغالي قوافي تخاف يجي لعاب ويسوي نفسه سحاب
وهي قالتلي معليش بس حفض للحقوق لازم اثق انك سحاب منتاب لعاب

تبي الصراحه ياحمد تراي دوختها وياصبرها علي وصايركني عصبه لاتستوي بالطبخ ولا بالشوي
ونا مصراقول انتم السبب ونتم الي رجعوني ههههههههههه ترا هذا الا قالولا تجادل جاهل يجيب العيد وهو انا

[سحاب نجد راعي شقراء]

ما هان علي يا عمي امر من هنا ولا اقول عودا حميدا وبانتظار سواليفك

ياجعلك ووالديك للفردوس امين

وجعل ربي يعز مقدارك دنيا ودين على مرورك ودورياتك هههههههههه
تراي اتميلح
وتوي طالع من المحلول احط مقعدتي فيه نص ساعه مرتين يومين
الله من زين المقعده بعد ههههههههههههههه
اثرك ماتدري عني ابشرك توي والد 6 بنات وولد واحد كبر بليس
رحت للمستشفى ابا اسوي اشعه رنين للظهر
وكتشفواني على حد الولاد وعيو يطلعوني الين اولد هههههههههههههههه

السالفه لقو فيني 6 بواسير
ولقو ناسور يقول الدكتورناسور فحل وعترضت على فحل
ونا ماابطيت يعني سنتين تقريبن سويت عمليه بواسيروناسور بس رجعن شكلهن راغبات مدري ضاقت الارض
الا مقعده سحاب

وكود شي عندي الا جو يبي يطلعون الخابور ابد مثل الي جاها الطلق هذا الي خلاني اقول اني جايب عيال

يعني انا هلحين نفاسيه ههههههههههههههههههه

[مسافر1]

وعليكم السلام ورحمة الله
وعودا حميدا
ونورت المنتدى من جديد

[سحاب نجد راعي شقراء]

وعليكم السلام ورحمة الله
وعودا حميدا
ونورت المنتدى من جديد

ياهلا ومرحبا يبو فهد

جعل والديك للفردوس شرفتني بحظورك شرف الله مقامك