رحلتي من السعودية الى اوروبا بالسيارة صيف 2015

[Abo 3saaf]

بسم لله الرحمن الرحيم


تحيه طيبه لجميع الاعضاء والزوار
اول مشاركة لي في المنتدى وحبيت اشاركم رحلتي بالسياره الى اوروبا ابتداً من ولايةبلجرشي الى المغرب وحصل لي ظروف مع العمل واضطريت انهي الرحلة من فرنسا شحنت السياره من جده على تركيا بسبب الاوضاع في سوريا واكملت الرحله مروراً بكل من ( تركيا - بلغاريا - رومانيا - هنقاريا - النمسا - المانيا - فرنسا - بريطانيا - والعوده الى فرنسا - ايطاليا - سويسرا - والعوده الى فرنسا وشحن السياره من مرسيليا ) وكنت وحيداً وهذا رابط الفديو على اليوتيوب واي استفسار انا حاضر .

https://

[Abdullahm101]

يعطيك العافية

[الوانيت1]

الله يعطيك العافية ويجزاك خير نتمني ان نعيش معاك احداث الرحلة
ولكن الرابط لم يفتح ولا يعمل يرجي ان يكون وصف الرحلة بالتفصيل الممل خاصة
كيفية شحن السيارة الي تركيا يرجي تفصيل وشرح الطريقة ومراحلها والأجراءات
والرسوم والكيفية مهم جدا هذا الموضوع وشكرا لك لأنني من رواد تركيا خاصة بالسيارة
قبل احداث سوريا ومن مدة طويلة .

[ابو حسان الجنوبي]

ماشاء الله تبارك الله

ابدعت يالغالي

تقبل تحياتي ودمت بود

[المعشني]

الرابط ما فتح.. ياليت تكتب تقرير مدعم بالصور وتفيدنا..

[Abo 3saaf]

Abdullahm101 الله يعافيك

الوانيت1 الله يعافيك والمنتديات ماعندي خبره فيها نسخت الرابط من اليوتيوب وحطيته وتقدر تطلع الفديو بالاسم اكتب في اليوتيوب (رحلتي من بلجرشي منطقة الباحة الى اوروبا بالسياره صيف 2015 ) شحن السياره كان من جده عن طريق مكتب بشارع الميناء ومدة الشحن حول 12 يوم التكلفه تختلف من سياره كبير او صغيره

ابو حسان الجنوبي

حياك الله ومشكور على مرورك

المعشني حياك الله تقدر تبحث بالاسم في اليوتيوب ويظهر.. الصور كثيره وزي ماقلت ماعندي خلفيه في المنتديات واي صوره في الفديو تبي تسئل عنها ابشر نجاوبك

[الوانيت1]

هاذا هو الرابط يوجد موسيقي

http://youtu.be/oodzZsJwTUU


طيب الشحن من جدة الي اي ميناء في تركيا وهل اجراءات الاستلام سهله وماهي الرسوم وكيف رجعت السيارة وشحنتها للعودة تفاصيل مهمة ارجو منك ذكرها مع جزيل الشكر لك لاني ناوي اتبع طريقتك الصيف هذا .






.



.

[z3lan]

الرابط لا يعمل يا غالي ..

[المعشني]

الوانيت 1 جاب الرابط..
الاخ تركي ما نعذرك تجيب معلومات كتابية عن رحلتك..
مثلاً.. لكل دولة بإمكانك تكتبها لوحدها ولو على فترات اذا ما عندك وقت.. نبغى المواقف اللي صارت لك والتكلفة ونصائح من تجربتك وكذا.
تستاهل السلامة والله يوفقك وما شاء عليك معقول طول هالرحلة لوحدك!! والكبسات تاكلهن لوحدك!
هههههه أنت بطل صراحة

[الموت الأبيض]

رحلة راااائــــعة عشت معاك اللحظة
اعجبتني عزيمتك حتى لو وحدك صااامل ... الله يعطيك العاافية

لو قُدِرَ لك بتسافر للمرة الثااانية؟
ياليت لو تفيدنا ببعض الصعوبات الي واجهتك..
اهنيك بصرااحة

[Abo 3saaf]

لوانيت 1
اسف على التاخير بس مشغول مابين دوام ونوم والشحن الى ميناء اسطنبول والاجرات تعقدت شوي لاني شاحن عزبة الطبخ اذا بتشحن السياره خلها فاضيه والاغراض خذها معك في الطياره والاوراق تسلمها مخلص جمركي في الميناء وهو يضبط كل شي السعر يختلف انا اعطيته حدود 1200 ريال وتدفع برضه قيمة التامين على السياره .. اول ماتوصل تركيا على طول على الميناء انا وصلت اخر يوم في رمضان وكنت افكرهم مقفلين عشان العيد وجلست يومين ورحت للسياره وحسبو علي ارضيه للميناء موقف الحاويه وشحن العوده نفس الحكايه تسلمها مكتب وتدفع وهو يتولى كل شي وانت احجز واقرب طياره على السعوديه ... مادري كيف الاوضاع السنه هذي اذا بتروح واي خدمه ابشر

z3lan ماقصر اخونا الوانيت نزل الرابط

المعشني الله يسلمك ويسعدك
المواقف كثيره واذكر الموقف اللي جلست اضحك فيه وانا داخل حدود بلغاريا كان يطالعون فيني وفي السياره حسيت اني طايح من الفضاء المهم عطيتهم الجواز قال فك الشنطه فتش السياره بعدها قال نبغاك معنا اركب الدوريه والمشكله الانقليزي مافيه يالله بالاشارت خذوني معهم ومدري وش السالفه ودوني مكتب الجوازات مخفور أخروني يمكن ساعه جلس يسئل اسئله بعضها فهمتها وماعرفت ارد وبعضها اهز راسي سئلوني فين رايح قلت فرنسا اعطوني نظرة استغراب وعشان الفيزا من السفاره الفرنسيه لازم تذكر البلد اللي منه الفيزا انك رايح له .. في نهاية الموضوع فهمت انهم يقصدون الفيزا مزوره وتاكدؤ بالاتصال على السفاره وبعدها قال في تامين عندك قلت لا قالو ماتتحرك من هنا حتى تسوي تامين طبعا الكلمات المهمه مترجمه عندي عشان اذا احد قالها اهز راسي معلوم صديق وماقصر جاء معي طلع لي تامين وافضل شي لانهم نصابين اذا شافوك غريب اعطوك التامين الاوروبي مدة شهر ويقولون لك 400 يورو بس يوم شافو العسكري اعطوه 60 يورو وانا ورا العسكري مسوي واصل مايدرون اني مخفور وبخششت العسكري انبسط مره رجعني عند السياره قال توكل على الله هذا الموقف بداية الرحله وبالنسبه للكبسات احلى شي في الرحله والسفر لوحدك امتع اللحظات

الموت الابيض

مرورك الاورع الله يعافيك اعزم وتوكل على الله والسفر لوحدك متعه وبالنسبه للرحله اعيدها ان شاء الله كان نفسي اكمل الى المغرب بس ظروف العمل اجبرتني ارجع من فرنسا والجايات اكثر ان شاء الله وان كان ودكم نتجمع كم سياره ونطلع برضه فكره حلوه

[ريف النشاما]

كان بودي انك تشيل الموسيقى وتحمله مرة ثانية

استبدلها بالتعليق افضل مع صوت خفيف لشيلات معبرة

[المموه]

رحله موفقه واعتبرها مغامره .. نصيحتي لك ترك الاغاني والشيلات والاناشيد . وقطعها تماما صدقني سوف تتغير حياتك . اعجبتني عزيمتك تمنياتي لك بالتوفيق

[السنع كله]

مابد من التقرير المفصل
على حلقات
هات البداية واسباب الرحله وكيف قررت الذهاب
ثم مجمل التكاليف
واخبار الكامري هناك واعلومها
وكيف السكن واسعاره
وكيف تغلبت على اللغة
انما نريد سلمك الله تقريرا ومواقف مطوله.
وكلنا لهذا ينتظر
وشكرا لك

[رنالا]

راااااااائعة جداا
مشكووووووووووور