تقرير عن تركيب تانكي 140 لتر للهايلوكس الدبل في ورشة الربع الخالي

[fashahry]

السلام عليكم ورحمة الله وبركاته
أعضاء المنتدى الكرام
اول تقرير لي معكم احببت ان تستفيدون من التقرير وهو بخصوص تانكي بنزين للهايلوكس الدبل والاغلبيه ممن يستخدمون الهايلوكس يحسون بصرفية البنزين وخصوصا اذا واجه الموتر هواء وسافي من فتره وانا ابحث عن تانكي اكبر من حق الوكاله الي هو76 لتر فلم اجد الا التانكي الاسترالي 140 لتر وهو مكلف للغايه عن طريق منسق الرماية يكلف 7000 ريال وعن طريق الشراء من شركه في استراليا وتحويل المبلغ يكلف حدود 5500 ريال ويوجد زميل بارك الله فيه اخبرني بجميع الاجراءات ولكن المبلغ كبير المهم بحثت عن كذاء محل متمرس ومعروف فوجدت ورشة الربع الخالي بالخرج و هي مشهوره بتفصيل توانك البنزين للباترول اما الهايلوكس فلا اعلم وقتها وعند التحدث مع صاحب الورشه ابوفواز تم الاتفاق على تفصيل التانكي ولله الحمد .
ونبداء التقرير
ورشة الربع الخالي على طريق حرض بعد وكالة نيسان تجيك محطة تسهيلات عالية الورشه بعد التشليح الي بعد المحطه

نزلو التانكي القديم

وطولوا في فك الطرمبه والعوامه غثيثه بلاستيك وادناة ماكسرها

وهاذي العوامه والطرمبه بعد مافكها الفني

نبداء الحين في التانكي ال 140 لتر

ولكن واجهتنا مشكله وسببها المخرطه وهي مازينوا فتحة العوامه صح

تعطلنا في العمل لين زينوها وصارت كذاء ميه ميه

رجعنا للورشه والعمل جاري على قدم وساق ههههههههههههههه
وركبوا الفتحة الي تمسك العوامه ثم نظفوا التانكي ثم رشوه بويه ورشو الصاجه 2 ملي وبرضه التانكي حديده 2 ملي
وزينوا سبته او حزام يمسك التانكي

هذا المعلم زين هو الفني المسئول في الورشه

ذي الصاجه 2 ملي

وذا المبروك 140 لتر وتم تعبيئته 141 لتر


المرحله النهائية التركيب


ثم تم دف الموتر لمعرفة كم لتر سيتم تعبيئة التانكي

وهذا هو التانكي وارتفاعه عن الارض

[fashahry]

ذي الي عاقبتنا ونكدت علينا شوي

ثم بدينا بتجربة التانكي وكم يمشي داخل الرياض

ثم مسكت خط


ثم قطع الموتر

والصراحه اني تهورت المفروض اني عبيت بنزين قبل ياقف الموتر لان موتري قير تماتيل ويوم قطع صار زي الحصاة معد قدرت اتحكم فيه لكن الله لطف
في الختام اشكر الله على نعمه التي لاتحصاء واهدي هذاء التقرير للجميع واخص اعضاء قروب ملاك الهايلوكس الدبل

واتمنى ان تستفيدون من هذا التقرير واي استفسار انا حاضر للجميع

[ابو حسان الجنوبي]

ماشاء الله تبارك الله

واضح ان الشغل مرتب وان العمال متمرسين ولكن الله يعافيك عندي عدة أسئلة اتمنى تجاوبني عليها لني متردد في التركيب

كم سماكة التانكي الجدير وهل يمشونه في الفحص الدوري ؟

هل السيارة يوم تفللها تكون مايله جهة التانكي وكيف الثبات في اللفات مع التفليل؟

تقبل تحياتي ودمت بود

[fashahry]

اخوي ابو حسان الجنوبي

سماكة حديد التانكي 2 ملي والصاجه 2 ملي

فيه ميول خفيف مايذكر يالغالي والثبات ميه ميه والفني قالي تبي اخليه 120 لتر انا رفضت

والفحص الدوري ماعتقد ان بيسقط السياره علشان التانكي يعني الامور تمام يالغالي

بارك الله فيك

[fashahry]

الله يعطيكم العافيه جميع حاولت اني مانسى اي معلومه الا اني نسيت اهم شي التكلفه
2000 ريال فقط

ذا رقم مسئول الورشه اسمه زين

0534735700

[فارس المصارير]

ماشاء الله تبارك الله شغل مرتب

[الوديع]

‏الله يعطيك العافية بيض وجهك شرح وافي وكافي

[HAS5SAN]

ابدعت الله يرضى عليك وعلى والديك
كم الفرق بينه وبين تانكي الوكالة
وهل اذا عببيت فل ماتطلع ريحة البنزين في الغامرة

[المميـز]

ماشاء الله تبارك الله
مبروك ماركبت الله يبارك لك فيه ويعطيك خيره ويكفيك شره
تقرير جميل ومفصل ويستحق التقييم والتثبيت
ونتظر المزيد من الابداعات

[سحايب صيف]

ما شاء الله تبارك الله

تتهنى فيه بالعافية يارب

[راعي المجهم]

طيب اول كم كان يمشي كيلو التانكي شد البلد
والان كم يمشيك كيلو التانكي الجديدج

[sa13]

وعليكم السلام ورحمة الله وبركاته

ما شاء الله تبارك الله. الله يعطيك من خيره ويكفيك شره.

كم اخذت يوم السياره عندهم؟

لو تكرمت تنزل صور اوضح وهو على السياره. وتقريبا كيف نزوله عن شاص السياره؟

[فارس المصارير]

طيب ليش ما حطيت المنيوم ولا ستيل
مب افضل من الحديد

[fashahry]

ماشاء الله تبارك الله شغل مرتب

الله يعطيك العافيه اخوي فارس

‏الله يعطيك العافية بيض وجهك شرح وافي وكافي

الله يعافيك يابعدي ووجهك ابيض

[fashahry]

ابدعت الله يرضى عليك وعلى والديك
كم الفرق بينه وبين تانكي الوكالة
وهل اذا عببيت فل ماتطلع ريحة البنزين في الغامرة

امين جزاك الله خير

تقريبى الضعف القديم 76

والجديد 141

تتوقع لو طلع ريحه اني بنزل الشرح والموضوع لا ولله الحمد يابعدي شغل ميه ميه

وانا واقف عليهم الا في رش البوية تمنيت انهم رشوا التانكي وجهين

حياك الله