استفسار من خبراء الطبخ والتوابل . . . ادخل وشاركنا برأيك للفائدة

[موادع 1]

اخواني الاعزاء
السلام عليكم ورحمة الله وبركاته
اسعد الله اوقاتكم بكل خير
احد الاشخاص طلعت معه كشته وتولى الطبخ وكان في جيبه علبة صغيرة
ويوم فاح اللحم وقلب اول قلبه طلع العلبة من جيبه وحط ملعقة صغيرة في القدر مع اللحم
سألته وش اللي حطيت يابو تركي فضحك وقال هذي خلطة سرية
طيب علمنا وش مكوناتها ضحك الرجال وقال لها 20 سنة ما علمت احد
طيب وش الفايده من الخلطة فقال الرجال هذي تطير زفارة اللحم لو فيه زفارة او ريحة
وحط الرجال ملعقة صغيرة مع اللحم وغسل الملعقة ورماها في الزبالة ، حتى رفض اشم ريحة العلبة
وفعلا كانت الكبسة ممتازة 100% الخلطة لونها بلون الليمون الاسود ومطحونة
ولا ادري وش مكوناتها
احد عنده علم او سابق تجربة نستفيد

[خيال الغلبا]

ليش مايبغى يعلمك وانت خويه .......!.............؟

[عاشق دياري]

وعليكم السلام ورحمة الله وبركاته .

بما اني خبرة في مجال الطبخ .>>ارفع في نفسي

الي حطه خويك ابو تركي والله اعلم وان شاء الله ما اكون ضنيت خطاً (جوزة الطيب ) .

وانت اساله قول له خلطتك جوزة الطيب وهي ( تعد من أشهر بهارات الطبخ العالمية )

ولاكن هي ايضا محرمة وممنوعة .

[موادع 1]

ليش مايبغى يعلمك وانت خويه .......!.............؟

اخوي خيال الغلبا
هو ابن عمي وحسبة عم
ولكن يرى ان مثل هالامر حصري وخاص له فقط ويتحدا ان عرفتها
هذا من وجهة نظره

[موادع 1]

وعليكم السلام ورحمة الله وبركاته .

بما اني خبرة في مجال الطبخ .>>ارفع في نفسي

الي حطه خويك ابو تركي والله اعلم وان شاء الله ما اكون ضنيت خطاً (جوزة الطيب ) .

وانت اساله قول له خلطتك جوزة الطيب وهي ( تعد من أشهر بهارات الطبخ العالمية )

ولاكن هي ايضا محرمة وممنوعة .

وارد انها تكون جوزة الطيب
او حتى احد المكونات
شكرا لتفاعلك ومشاركتك

[ابوعبدالله بس]

عليكم السلام
اخوي موادع 1
كلام اخوي عاشق دياري قريب لصواب جوزة الطيب من اشهر بهارات المستخدمه في طبخ الحوم و الحلويات وتستخدم كذلك في مشروب الحليب العدني
استخدم جوزة الطيب بكميه قليله تعطي نكهه طيبه
وهذه خلط ممتازه لمرق اللحم او الدواجن

[KMUU]

ماعتقد جوزة الطيب الوصف بالسواد وجوزة الطيب قشرها اسود بس والب ابيض ولا انت استلم الطبخ وحط زيه حط مسك لانه ماتحطه الا قبل الاخير ولا خرب عليك الاكل ومرره

[راعي النقاير]

اخواني الاعزاء
السلام عليكم ورحمة الله وبركاته
اسعد الله اوقاتكم بكل خير
احد الاشخاص طلعت معه كشته وتولى الطبخ وكان في جيبه علبة صغيرة
ويوم فاح اللحم وقلب اول قلبه طلع العلبة من جيبه وحط ملعقة صغيرة في القدر مع اللحم
سألته وش اللي حطيت يابو تركي فضحك وقال هذي خلطة سرية
طيب علمنا وش مكوناتها ضحك الرجال وقال لها 20 سنة ما علمت احد
طيب وش الفايده من الخلطة فقال الرجال هذي تطير زفارة اللحم لو فيه زفارة او ريحة
وحط الرجال ملعقة صغيرة مع اللحم وغسل الملعقة ورماها في الزبالة ، حتى رفض اشم ريحة العلبة
وفعلا كانت الكبسة ممتازة 100% الخلطة لونها بلون الليمون الاسود ومطحونة
ولا ادري وش مكوناتها
احد عنده علم او سابق تجربة نستفيد

هههههههههههههه عجيب امر صاحبك
والعلم عند الله ان خلطة خويك اللي تطلع اللحوم بنكهة طيبة جدا
كمون+ اكليل جبل او روز ماري مجفف ومطحون + ليمون اسود مطحون+ البقية قرفة او دارسين كميات متساوية

[معطر]

لومي اسود ثلاث حبات متوسطة او صغيرة بس وخر الحب اللى في وسطها
فلفل اسود ملعقة عادية
دارسين ثلاث اعواد متوسطة
ربع ملعقة كبون اخضر
يخلطان مع بعض ويطحنن