ياوجيه الناس ليتك بك فروق وعلامه ، عقاب التميمي

[عقاب التميمي]

ياوجيه الناس ليتك بك فروق وعلامه
كان لامناء هقيناء بحد قد الهقاوي


الرجوله كلبحر غبته تسعين قامه
ماوصلها واحدن خمها خم الدعاوي


الله الي يعطي الرجل هيبته ومقامه
والله الي يكفي العبد من شر البلاوي



الرجال الي تباء الطيب ماتخلف نضامه
تجتهد وتميز ان الزمن عمره ماياوي


والله ان الي عرف وش حلاله من حرامه
يفهم ان الجاونيه ماهي بعويد جاوي


السماء للحر والارض لرويس النعامه
والبياله مايقدم بهاء كيف القهاوي


لاطمعنا فالجمل مانبا الا اعلاء سنامه
ون نويناء نفعل المعروف مانبغاء فتاوي


هب ياوقتن علينا راح من جرف لعدامه
الحياء ماطاح والفلاح فالديره سناوي

[قوافي ( أم نهار )]

السلام عليكم ورحمة الله وبركاته
صح لسانك اخي الكريم
معاني شامخه واسترسال بجزاله ماشاء الله..
تحياتي وتقديري واحترامي

[عقاب التميمي]

صح بدنك ورحم الله والديك

[أبوعبدالرحمن99]

حياك الله يا عقاب ،، و بيض الله وجهك ،، ما قصرت و اللي فيك امخبور ،، و الله يعطيك العافية على المشاركة.

[عقاب التميمي]

تحيا وتبقا جعلك سالم ومتعافي نفداك