سحاب - وهل بسم الله الله يقاصرنا ويقاصرهم بالحسان

[سحاب نجد راعي شقراء]

السلام عليكم ورحمه الله وبركاته

يالله تحييهم جميع كبيركم وصغيركم ذكركم ونثاكم وليا حيا كثر وتنثر وتزبر بعد
اذكرسنه من السنين القريبه مهيب مبطي جاينا في الرياض مطر وطلعت اتمشا انا وبنتي الصغيره العصر ورحنا عند شبك المطار الي عند رادار المطار من شرق وجلسنا على ذاك الرمل الممطور يالله من فظلك الجنه ويجن عندنا عصافير كلكم تعرفونهن بس فيه شي غريب معهن عصفور لونه ابيض اول مره اشوف عصفور ابيض اي والله العظيم اني صادق شوف عيني مهوب يقالي
المهم والله يعينا على المهم يوم اذن المغرب قلت لبنتي ابا اصلي وبنتي جالسه وراي وقبل مااكبر قالت بنتي ابوي وشذا الي جاي يمنا يركض ويوم ناضرت ولا وش اشوف راس كله شعر وله رجلين ثنتين ادق من قلم المرسم وطول ذراع ويوم وصلنا ويلف عنا ولوي ماد رجلي ظربته ويرقا العقم ويخترق الشبك الي وراه وهو على ركظه ودريت في هذي انه من اهل بسم الله
راسه كبر راس البزر بس فيه شعر منفوش ولاله وجه ابد

ونتم خابرين الجن في كل مكان موجودين حتا بيوتنا هلحين كل بيت وفيه سكانه بيوتنا هلحين مهيب الي منول وبس بس مهومب يخطون على احد الله يقاصرنا ويقاصرهم بالحسان نقولها منول الا جاطاريهم ونا في نخلي اذكرفيه حياله يعني مزرعه قديمه الا جا مسيان يعني عقب العصر او توه مذن المغرب الا جيت ادخل للبلاد يعني للديره بس منول نسميها البلاد الا جيت ادخل ونا على رجلي مامعي سياره ذاك الحد او ذاك الوقت اشوف فيه اثنين متسدحين على الرمل على جال الحياله وهم مهمب بعيد اشوفهم واظحين المهم قلت ذاك اليوم ابا اروح اشوف وشم هذولا وباقي في الدنيا شوي سفر مهوب ظلما المهم وروح يمهم ويوم وصلتهم مالقيت احد وناضر الرمل ابا اشوف جره ومقعادهم ولا شفت شي الرمل متواسي ولا كن فيه احد جايه قلت بصوت مرتفع شوي الله يقاصرنا ويقاصركم بالحسان وسميت بالله وتكلت عليه ورحت امشي ونا كل شوي التفت لياه جايني احد يمشي وراي والحمد لله ماشفت من ربي شر سبحانه عدد خلقه وزنه عرشه ومن اتكل على الله كفاه لااله الا هو ونا بعض المرات الا صار جاينا مطر ولا شفت السحاب على روس الشعبان اقعد في نخلي اتحرا للشعيب يجي ويدخل في النخل ونتم خابرين مهنا كهرب يصير معي سراج وحاط على راسي خيشه ياحقه الرز ولا السكر ادخل زاويه في زاويه وتصير مثل القحفيه ولا مثل ثياب المغاربه ويد فيها السراج ويد فيها المسحات كني عاد ابا ارد السيل بمسحاتي
وذكر كم مره اشوف في الحياله او المزرعه الي اقولكم عليها اشوف فيه واحد معه كشاف او بجلي كلهن واحد
وشوفه يكشف او يولع بالكشاف ويطفيه يولع ويطفيه وكان معي ذاك اليوم واحد من ربعي قال ابااروح اشوف وشو ذالي يكشف علينا وراح يمه على رجليه ويدور ويدور اثر مالقا شي وجايمي وهويقول هذولي عيال الجن يتميلحون علينا ويقول مالقيت حتا اثر جره الله يقاصرنا ويقاصرهم بالاحسان ومنول نقول للي جنبنا قصرانا مانقول جيرانا نستخدم كلمه قصارنا اكثر من كلمه جيرانا منول

فيه بيت عجوز في شقراء بيت طين وراعيته رايحه مع ولدها للرياض وهلحين توفت ياملا الفردوس
المهم جو عيال وطبو في بيتها لان الحاره كلها خراب بيوت طين طايحات ويوم طبو في دارها وهم يدورون الاثار القديمه مثل البنادق القديمه وغيرها من الاثار
ويوم جو في الحوش ويلقون خيشه مليانه بنادق قديمه مقمع وم فتيل وغيرهن من بنادق منول
ويلقون الخيشه مسنده على الجدار ويوم جو يبي ياخذونها وكان جنبهم باب الخشب الكبير الي يطلع على السوق
ويوم وصلو الخيشه وقبل لا ياخذونها ويجي شي يظرب على الباب الخشب بقوه ويهز الباب
وجو يبي ياخذون الخيشه وينحاشون ويجي شي ينفض الباب نفض بغا يطيح من محامله وهو باب كبير وينحاشون ويخلون الخيشه في مكانها
وهذا يالغالين بعض سكان البيوت من الجن يحرسون بيوت المسلمين في غيابهم
وترا هذا كلام الي طابين على البيت وهم يعلموني بالي صاير لهم

وشبلاي ذا المره كل سواليفي عنهم ههههههههههههه

وبس هذا الي عندي اليوم ونتم بصركم لا تردون علي
وسبحان الله وبحمده سبحان الله العظيم
عدد خلقه وزنه عرشه ورضى نفسه ومداد كلماته

[محمد الظاهري]

حياك الله ي سحاب نجد
هههه روعت اهل الخيمه
اسلوب مميز به على السرد
واشكر على لاختيار

[قوافي ( أم نهار )]

وعليكم السلام ورحمة الله وبركاته
سمعت كثير عن الكوره المنتفشه وتخيلتها كثير الين صرت برعب من يذن المغرب..
و انام وانا تقل مكفنه والين صرنا نايمين بالسطح دايم يحلى لخوي ((دلة الملوحي )) يبي شي نساه وعاد هو ملح البيت فتطلب مني الوالده الله يحفظها ويحفظ لنا كل غالي احول حدر اجيب طلب اخوي ومعي حدى خواتي وكنت اتمنى اني ما اشوف او يغطى علي،، اي شي المهم ما شوف كورة الصوف من احط رجلي على الدرجه لين ارجع ثاني ومعي طلب دلة الملوحي (( دلة الملوحي هو اخوي القعده)) والحمد لله ما كد شفت احد بس ذراقه..
الله يوسع صدرك بالعافيه وبصراحه عادت ذكريات نسيناها ومواقف عشناها مع مجموعة السوالف المميزه حفظك الله ..
فائق احترامي وتقديري

[قوافي ( أم نهار )]

تم تعديل البند العاشر ليتناسب مع السوالف المطروحه ونعتذر ابو نوره عن نقل السالفه ومن ثم اعادتها للخيمه ..
تحياتي وتقديري واحترامي

[عقل]

اها وانا امس ادورها ولا تفتح معي

[النبهاني]

وعليكم السلام والرحمه
ياحيا الله ابو نوره
بس فيه شي غريب معهن عصفور لونه ابيض اول مره اشوف عصفور ابيض
اقسم بالله العلي العظيم اني شايف عصفور ابيض مع العصافير قبل سنتين او ثلاث عند النخل
بس تو ما انهبلت وخفت منه يوم قريت سالفتك
واقول وقته ياليت من يمسكه ويحطه بقفص لكن الحمدلله انه ماصار هالشي دام الدعوى كذا
الله يوسع صدرك بالعويفيه يابو نوره ويستر علينا وعليكم وعلى كل مسلم

[سحاب نجد راعي شقراء]

وعليكم السلام والرحمه
ياحيا الله ابو نوره
بس فيه شي غريب معهن عصفور لونه ابيض اول مره اشوف عصفور ابيض
اقسم بالله العلي العظيم اني شايف عصفور ابيض مع العصافير قبل سنتين او ثلاث عند النخل
بس تو ما انهبلت وخفت منه يوم قريت سالفتك
واقول وقته ياليت من يمسكه ويحطه بقفص لكن الحمدلله انه ماصار هالشي دام الدعوى كذا
الله يوسع صدرك بالعويفيه يابو نوره ويستر علينا وعليكم وعلى كل مسلم

هلا ومرحبا ومسهلا بالغالي
لا يالغالي العصفور ماله دخل في الموضوع ابد بس اعلمكم اني شايف عصفور ابيض بس لانه من النوادرتشوفه
اما عيال الجن اكثر مايجون في هيئه قطو ولا كلب ولا ضب ولا ورر هذي اكثرمايتصورون فيها ولو يشوفهم الذيب يصيرون مثل قطعه الكبده بس ولا يشوفهم الا الذيب سبحان الله الا صارو في هيئتهم والناس مايشوفونهم الا اذاتشكلو بس
بس الاحض فيه كميرات تكشفهم وهم في هيئتهم الخفيه على البشر
ابد اكتب في قوقل جن وبحث وتشوف كميرات مصورتهم

[النبهاني]

هلا ومرحبا ومسهلا بالغالي
لا يالغالي العصفور ماله دخل في الموضوع ابد بس اعلمكم اني شايف عصفور ابيض بس لانه من النوادرتشوفه
اما عيال الجن اكثر مايجون في هيئه قطو ولا كلب ولا ضب ولا ورر هذي اكثرمايتصورون فيها ولو يشوفهم الذيب يصيرون مثل قطعه الكبده بس ولا يشوفهم الا الذيب سبحان الله الا صارو في هيئتهم والناس مايشوفونهم الا اذاتشكلو بس
بس الاحض فيه كميرات تكشفهم وهم في هيئتهم الخفيه على البشر
ابد اكتب في قوقل جن وبحث وتشوف كميرات مصورتهم

بك المهلا يابونوره
اشوى تو ما ارجهنيت احسبه منهم الحمدلله
صراحه كد قريت بالنت او بكتاب والله مدري موضوع عن الجن والذيب وانه يشوف الجن
على شان الذيب مايرمش
واعتقد انه له اصل وانا احسبه من اول اساطير يمكن ايه ويمكن لا
خابر من اول يسبحنون علينا ويقولون به هكالطرقي ساري
على ذلوله ويسمع صياح ومع الصياح يسمع تكفى ياولد البيضاء تكفى ياولد البيضاء ويوم اخذ والى هكالذيب
مقبل عليه وقدامه شي ما يميزه وهو اللي يصيح وينخى ويقوم الطرقي ويجدع عليه عباته ويحول بينه وبين الذيب
لين ابعد طبعا قبل تطلع البنادق يوم رفع عباته ولا ماتحته شي ويسمي ويبتل بدربه
اسف على الاطاله

[سحاب نجد راعي شقراء]

بك المهلا يابونوره
اشوى تو ما ارجهنيت احسبه منهم الحمدلله
صراحه كد قريت بالنت او بكتاب والله مدري موضوع عن الجن والذيب وانه يشوف الجن
على شان الذيب مايرمش
واعتقد انه له اصل وانا احسبه من اول اساطير يمكن ايه ويمكن لا
خابر من اول يسبحنون علينا ويقولون به هكالطرقي ساري
على ذلوله ويسمع صياح ومع الصياح يسمع تكفى ياولد البيضاء تكفى ياولد البيضاء ويوم اخذ والى هكالذيب
مقبل عليه وقدامه شي ما يميزه وهو اللي يصيح وينخى ويقوم الطرقي ويجدع عليه عباته ويحول بينه وبين الذيب
لين ابعد طبعا قبل تطلع البنادق يوم رفع عباته ولا ماتحته شي ويسمي ويبتل بدربه
اسف على الاطاله

هلا ومرحبا بالغالي
الاولين كانو يحطون في بيوتهم جلد الذيب ويعلقونه ولا هوب كل الناس لا الي مستاذي منهم في بيته بس
انا قد سمعت بسالفه مثل سالفتك وعتقد انها موجوده في خيمه السوالف بعد بس تختلف شوي عن سالفتك وهو انه يوم جا الطرقي ولاه يسمع ولد صغير يصيح ويقول فكوني من الذيب فكوني من الذيب وكانو في الليل
والطرقي شاف الذيب يدور على شي في الشجره ويوم جاهم الطرقي وطرد الذيب قاله ولد الجن وش عليك مني انا وذيبي ليش تطرده ههههههههههههههههههههه