لأهل الخبرة وأهل الجموس والجيوب والفنك نصااايحكم محتاااااااار

[الجنازة F16]

ي رجال فتك 2015 ولا جمس سييرا 2016 z71 مابي اطول الموضوع وهو قصير ابي نصايحكم ورايكم بدون اتصار والمميزات والعيوب انا رجال متعود ع الامريكي وطربه وودي برزة الفتك لاكن داخليته ومدري عنه صراحه نصايحكم ي رجال ولحد يختصر عطوني الكلام الصح

[1824]

تفوق المحرك والراحة والتكنلوجيا بفارق كبير لصالح الجمس والطربة بعد لا تنسى ركب له دبه واطرب والقطع رخيصة وفي كل مكان صار

[hmooody55]

الامريكي مريح جدا و الان صيانته سهله واثبت جودته مع اني اكره الامريكي لبعض الاسباب

بعض القطع للاسف ما تجي لحال مثلا كان معي اكسبلورر 2010 خرب عندي خرطوش المكيف الحار والمشكله من القفيز ويجي بلاستيك مكبوس حراري ويجي الي كامل مكبوس ومعه الحساس و قسام لانه مكيفين يعني انا الخراب عندي من القفيز لانه بلاستيك مكبوس حراري ولو خرب القسام او الحساس تبي تاخذ اللي كامل وسعره بالوكاله 900 وكسور وعند الموزع ارخص واحد ب 750 و طلبية واخر شي حصلت لي واحد جاب قسام من قطع الغيار شبيه بالي عندي لان الي عندي يابس من الحراره وقفيز اصلي وزبطه لي باقل التكاليف

لكن القطع الاستهلاكيه معقول سعرها لا قارنتها بالتويوتا

وبالنسبه للنيسان انا معي صالون 98 الموتر نظيف بس ذبحني بالصيانة وقطع الغيار يعني القطع اذا قارنتها بالتويوتا اغلى من التويوتا بفرق كبير


وللاسف مكينة 4500 و 4800 اكبر عيب فيها كثرة الخراطيش الصغار الي بجنوب المكينة
انا بغت تودع عندي المكينة من هالخراطيش وغيرتهن كلهن بقريب ال 1000 ريال

واخر شي مليت وابيع مكينته واسقط لكزس مع العلم الي معي بخاخ ومكينة البلد ولا جاها شي يالله لك الحمد والحين الموتر بالورشه اغير له طقم جلد استرالي وارخص من الاصلي وعليه ضمان سنة والاصلي مالي الا 9 شهور مركبة والحين منتهي مع اني منب راعي جلد


والامريكي بيتعبك اذا كنت راعي جلد وتكسير والتفكك فيك فيك في الباترول او السيرا

وامس محصل باترول صالون 2014 يغير صوف الدفرنس الخلفي وواحد ثاني 2014 حوض يغير جلد بطن موتره والموتر شبه جديد

بس كتحمل و كمكده الباترول وممشى بالنفود والحجره والجلد الباترول افضل

بس الله يعينك بالاصوات والعيوب من تالي كثرت عيوب الفتك

و بالنسبه للعزم السيرا افضل بمراحل كبيره

والفتك اذا ما ركبت فلتر وهدرز ما هناك هاك العزم واذا تماتيك بعد اضعف

سبق وجربت باترول فتك 2009 تماتيك ممشاه 140.000 ونظيف والعزم والله قريب من موتري 4500 بخاخ قير عادي حتى اني نقدت على الموتر وبعكس موتر ثاني فتك 2004 تماتيك عليه هدرز وفلتر هذا انشط من الاول


الله يكون بعونك بالاختيار بينهن والجمس اذا بغيته كشخه فهو كشخه واذا بغيته خطوط فهو ممتاز واذا بغيته بالبر فهو ممتاز لان مكينته تفزع له ووزنه خفيف مره مره مره


والباترول الحوض لا تدور الكشخه ابد موتر بر وترا الراحه وسط حتى الي يجي ياي ولا تاخذه الا ياي وللمعلومية طبلونة نفس طبلون ال 98

[إمرؤا القيس]

بالنسبة لجيب النيسان الفتك بصراحة سيارة عملية ومع الخط جداً ممتازة وفي المقناص تقدر تعتمد عليه سواً في رحلات برية أو بالنفوذ وخراباتة قليلة جداً ومرغوب عند أكثر الناس . ولكن جمس السيرا مشكلتة إنك تخاف منه في البر ولكن معروف عن جمس السيرا اريحيتة مع الخط فهو جداً مريح وعيبة ايضاً إنك لو تطلعة من المعرض على طول يطيح من سعرة 20 الف ريال وصعب بيعته مستقبلاً إلا إذا كسرت سعرة .
وفي الختام انصحك بالفتك لعدة اسباب كثيرة وعند شرائك لجيب الفتك انصحك بالتالي .
قير عايدي
دفلوك
تانكيين بنزين
تكيف امامي وخلفي
ثلاجة
قزاز كهرب
علماً بأن سعرة الأن بمعارض النسيم بالرياض هو 128 الف ريال .

ملاحظة . القير العايدي يخدمني أكثر بحكم المقناص والطرد ويدوم .

القير الأتوماتيك ممتاز ولكن يبي له شوية هداوة بالطرد والمحافظة على تغيير زيوتة .

وفقك الله

[1824]

تانكي الجمس العادي يمشي اكثر مثل ممشى تانكين الفتك لتطور المحرك بشكل كبير عن النيسان والتويوتا واذا انت راعي بر في الجمس برمج المراوح حقته حق بر ولا تشيل هم بعدها حرارة لا للمكينة ولا للقير واجلد زي ما تبي وما يوقفك شيء باذن الله

[john silver]

النيسان عزم التوماتيك فيه يفشل وكثيره اعطلاته مع الكد اما العادي يلكش فرابع وبيزهقك كانك فديره من كثر التعاشيق فالزحمه والجمس عزالله انه ثقيل فالبر ولاهو بمريح فالبطناج وبديه طويل فالصفات تزهق منه تحسك تسوق باص وثقيل فالمطامر وداخليته لك عليها ماهي بعيده من الفتك تبي الشور الصحيح كان عندك 160 الف قيمة الفتك جديد الله لايهينك طقلك فيكسار 2014 ابيض ثلجي مكينة 5.7 وعليك ابوالين 16 وارفعه 3 ورا و3 قدام واطنخ كانك تبيه ديره كانك تبيه رزه كانك تبيه كد فبر كلهن نافع وبيجملك ووالله العظيم انه ارز من الفتك اللي شكله ماتغير من 98 وداخليته تقول داخلية كابرس صابونه تسعينات

[john silver]

قصدي بـ 160 تجيب 2015

[فتك 11]

كل مواتر وله ايجابياته وسلبياته

الفتك شييييخ بالبر خطوط ماينفع كاسفريات المكينه تحن بالنسبه للقير العادي

موضوع النيسان يتهربد وخربات كلام الطيبين نيسان سحبت البساط من تويوتا يوم قلت الجوده وصارت تصنع كراتين

كل ماقلت التقنيه موتر بر

والسييرا شيييخ بالشارع

حساسات ماينفع الا بالشارع

بالتوفيق