|
. |
. |
يامرسل أخبار المطر بالمقابيل |
ومحدد وقوعه وحاسب دخوله |
. |
. |
ومن مرصده تنشر صور بالتفاصيل |
والغيث كنّك واثقنٍ في حلوله |
. |
. |
لك مامضى مخطي جميع التآويل |
غاوي مع الغاوين فيما تقوله |
. |
. |
كثرو هل الرأي العوج والمهابيل |
كلّن هوى نفسه حسبها رجوله |
. |
. |
اللي صنع مقياسها والتحاليل |
علم المطر بالغيب عيّا يطوله |
. |
. |
الغيب بالمقبل له الرازق يكيل |
الوالي النافع عليم ب نزوله |
. |
. |
يسوقه لديره وعن ديره يحيل |
سبحان من ساق السحاب ب حموله |
. |
. |
سبحان من سخّرله الريح تعليل |
على الصبأ ينشئ بخرجنٍ تحوله |
. |
. |
وأزيب جنوب تسوق مزنٍ هماليل |
نسناسها يبني حقاقاً هطوله |
. |
. |
وبأمره شمال الريح يقطب كما الليل |
كاسر على القبله صدوق ب شعوله |
. |
. |
وسبحانه الغربي جعلها مراسيل |
ل ديره تسوقه تساكب ثعوله |
. |
. |
سبحانه المعطي بالأرزاق ويشيل |
والخير بأنواعه تعادل شموله |
. |
. |
سبحان من صاغ العقل للمعاديل |
والنفس دونه للعواطف ميوله |
. |
. |
أحدن على عقله عن الحق مايميل |
مقدي به العقل الصويب ب حلوله |
. |
. |
ماخالط بدربه هوى نفس تظليل |
في سوقنا نادر لنا أغلى عموله |
. |
. |
أن قال فاد مجنّب القال والقيل |
نفسه عزيزه لك يجيب الكموله |
. |
. |
ماهو من اللي شهوة لعابه تسيل |
في كل وادي له تجارب وجوله |
. |
. |
تتعب على نفعه وتلقى الغرابيل |
بالشين نفسه حكمها بك عجوله |
. |
. |
تسايسه في خوتنٍ تقطع الحيل |
ينسى خطاه ومنّته في فعوله |
. |
. |
لكن حياتك صفوها دون تنكيل |
لاتحط (شي) إلا بمكانة قبوله |
. |
|