استفسار عن الصيد في الشاطي والتخييم في جدة

[generalroyal]

بسم الله الرحمن الرحيم
وكل عام وانتم بخير والله يتقبل منا ومنكم صالح الاعمال وربنا يتمم ويختم لنا رمضان علينا جميعا بالخير

طبعا هذه اول مشاركة لي في هذا المنتدى الرائع اللي طالما كنت اتابعه واليوم قررت التسجيل والانضمام لهذا المنتدى الرائع

علشان مااطول السالفه طبعا انا من اهل الرياض وحاب ان شاء الله اطلع مع الاهل والاولاد طلعه وتخييم وصيد في جده وحاولت البحث عن اللي احتاجه في مواضيع كثيرة لكن للاسف مخي انخبص

مالكم بالطويلة انا ودي اخيم على البحر مع هالعيد اليومين الجايات 3 او 4 ايام طبعا وش الاماكن الجيدة للتخيم وتكون تمام ومافيها قروشه وهل امشي كدا وافك الخيمه وانطلق ولا في تصاريح من جهة معينه ولا كدا ؟؟؟

طبعا بما ان فكرة التخييم في بحر جدة طبعا تحمست اكثر لموضوع الصيد وناسه وتغير جو وكسر لهاروتين اليومي اللي حنا فيه فمكان التخييم ويكون فيه صيد حلو ومنوع لاني ناوي اتحمس واجيب صنارة وشبكه واطقطق على السمك واللي يجيه ربك حلو تسليه وتغير جو

فوش الاماكن الكويسة والتمام اللي يقدر اهل جده يدلونا عليها الله يسعدهم يارب

هذه نقطه النقطه الثانية الصنارات سمعت عندنا بالرياض موجودة بس حابب اخذها من جده بس كيف ومن وين ووش احسن نوع لي كمبتدا مع اني حاب صنارة تكون كويسة كدا اقدر اجيب فيها مثلا اسماك متوسطه اما كاسعار بعد للاسف مالي علم بس اتوقع 200 او 500 مالي علموحاب اعرف الاسعار بعد

هذه الصنارة طيب الشبك وش تفضلون مناطق معينه ولا بشكل عام وتنصحوني فيها ولااركد من الحماس اللي حنا فيه شوي

فان شاء الله اهل جده يقدرون يساعدوني بهالمعلومات واكون لهم من الشاكرين واسف للاطاله

[T33]

الحق اشتري قبل تقفل المحلات..وعندك خليج سلمان ممكن تخيم فيه بالشمال او بحر الجنوب قريب شاليهات القطان سوي بحث في خرائط قوقل ويدلك علي المكان وبالتوفيق.

[generalroyal]

الحق اشتري قبل تقفل المحلات..وعندك خليج سلمان ممكن تخيم فيه بالشمال او بحر الجنوب قريب شاليهات القطان سوي بحث في خرائط قوقل ويدلك علي المكان وبالتوفيق.

تسلملي الله يديلك العافية بس بحر الجنوب على مااظن مو ذاك الزود انا ابي المكان تخييم وصيد بس السؤال انطلق كدا على طول اخيم ولا لازم مكان معين او تصريخ معين

وبعدين على الاغراض اي والله صدقت فعلا العيد الكل بيكون قافل وعلى كدا اضطر اشتري الاغراض كلها معي من الرياض

[أبوحافظ]

كل عام وانت بخير يالغالي

الجو خصوصا في العيد اعتقد غير مناسب للتخييم خاصه للعائلات

السبب ارتفاع درجات الحراره

بالنسبه لمناطق التخييم زي ما قالو الاخوان

وافضل جهه القطان اما خليج سلمان من وجهه نظري غالبيته شباب ولا ينفع للصيد او السباحه او التخييم

لكن من ناحيه الصيد على الشاطي فلن يكون بالمستوى المأمول

الصيد يكون طيب اما شمال جده او جنوبها بمسافة لا تقل عن 200 كيلو

والافضل اذا تبحث عن الصيد و التخييم و الجو يكون افضل في الشمال مثل ينبع و املج لان الجنوب من الليث و القنفذه يكثر فيها العواصف الرمليه وهذي فترتها

بالنسبه لادوات الصيد مثل السنارة تلقاها في البنقله
مكينه بنكس و قصبه بايلوت واعتقد بعض المحلات تكون فاتحه في العيد وماني متاكد لكن الاضمن قبل العيد

الشبكه اكثر وفره في الصيد لكن تحتاج يكون عندك اكثر من شبكه ومعرفه بمناطق الصيد وكيفيه نصبها والافضل يكون معك شخص فاهم بالشبكه واذا ماعندك خبره ما انصحك تشتريتها خليك على السنارة

بالنسبه للتخييم (غالبا) تحتاج تمر على اقرب مركز حرس حدود تاخذ تصريح

خلاصه القول :

تخييم + سباحه + جو حار = القطان و مجيرمه

تخييم + سباحه + جو لاباس + صيد = املج وينبع من جهه الشمال