قصيده من اخوكم ابوعون الكريمي في احد طيوري فقدته بمنطقة المجيرمه
سميت بسم اللي فرض خمسه اركاني
يجلي هموما بوسط القلب مخفيه
ياطير وينك تولعني وتجفاني
من غير لا زلة مني ولا سيه ؟
ماهي بسيطه تجازيني بالاحزاني
وانا معك في الموده صافي النيه
أسألك بالله ؟ أجل لا كنت ولهاني
ماترقب اللي يسر الشوف بالجيه ؟
بالله ياطير قلي من هو الجاني
اللي يبي صاحبه والا الذي عيه
وان كان ياطير في ظنك تحداني
الذنب ذنبك وانا ماقوى على الكيه