الفزعة

[ظغط عالي]

السلام عليكم ورحمة الله وبركاته.

يسعد مساكم.

فزعتكم يااخوان
ابي رجال متمكن عندي لاندكروزر 2000 فيه صوت طقة ومرات خرشفه قويه وما احد قدر يحددها حتى البازعي
احد يقول دبل واحد يقول قير واحد يقول دفرنس الرجال اللي عنده خبرة يقلط قهوة وهبة ريح ويجرب الموتر
بلشت بالسيارة مدري وش اغير فيه تكفون تراني كرهت السيارة

[كونجرس الشمال]

كانت عندي مشكله ان مع القومه بالاول يطق تكه وتروح بس بالقومه طلع العكس الخلفي انت ماحددت متى تسير معك

[ظغط عالي]

كونجرس الشمال الصوت مع القومة ومع الوقوف او التهدئه

انت بالرياض بجيك وافحصه ياليت تحل لي هالمشكله راسلني واتس ظ×ظ¥ظ¥ظ©ظ¢ظ¢ظ×ظ×ظ،ظ©

[ms662]

مايحصل لك ترفع السياره وتجرب وانت تحت

[ظغط عالي]

رفعوه شركة البازعي وقالو دبل ويعدين قالو ممكن الدفرنس

[ناصح]

طيب أنت مشيك على زيوت الدفرنسات والقير ..؟

[ظغط عالي]

الله الزيت كافي بعد مافكرا الدبل صار تهرب الصوفه وغيروها مره ثانيه وهربت فتره والان ماتهرب
الصوت قوي مره تسمعه من ظ،ظ×ظ× او ظ¢ظ×ظ× متر

[ظغط عالي]

وينكم يااخواني

[ms662]

فك عمود الدبل وجرب
واذا مامشا الموتر بعد ماتفكه شغل الدبل الخفيف

[ظغط عالي]

قد نزلته وطلع الصوت وانا منزل عمود الدبل.

العمدان كلها جدد غيرها البازعي

الصوت حول الدبل او القير احياناً كنة بالدنفرنس رايكم اغيرها كلها دبل وقير

[أبوصالح9]

الله العالم ان الصوت اللي تقول من تروس القير - فيه حركة كثير من الناس يسوونها اذا كان راجع للخلف يعشق بالدي قبل مايوقف الموتر - او انه يوقف السيارة بالقير بدون مايستخدم الجلنط - هل انت تسوي كذا باستمرار ؟؟؟


الدبل والعلم عند الله سليم مافيه شي وخصوصا انك تقول انك فكيت عمود الدبل والصوت لازال موجود - والدفرنس اتوقع سليم والعلم عند الله - من شرحك المشكلة عندك من القير والعالم الله سبحانه

فيه شي ( يقرقع بوسط مخي منطلق ويدور ) لكن ماودي اربشك واحوسك ولا ودي احط بذمتي شي يمكن اكون غلطان

[ظغط عالي]

تسلم يابو صالح انا رحت اليوم العضيب وقالوا عندك فضاوات بالكرونه الاماميه والدبل
ويقول شغل ايدينا ظ£ظ¥ظ×ظ× ونزبطه عاد مدري وش يسوي بخليه الظاهر لين يوقف

[ظغط عالي]

ابو صالح. وش اللي يقرقع في مخك قله يمكن ينفعنا

[hilux2]

وعليكم السلام ورحمه الله وبركاته

انا ماعندي علم عن المشكله لكن قلت بحاول اساعدك باللي اقدر

مدري طريقتي تنفع ولا لا
الطريقة هي :

تجيبلك كامير وتثبتها مره جنب الدفرنس ومره جنب القير ومره جنب العمود ومره لكامل السياره وشوف الصوت الاقوى جنب اي قطعه وبعدها تقرب لك حل المشكله ان شاء الله

[ظغط عالي]

ابيض وجة ماقصرت