قصائد قيلت في مكشات

[أبوعبدالرحمن99]

الله الله ،، صح لسانك يا ابو فيصل ،، و يستاهل منتدانا الغالي ،، تحية و تقدير لشخصك الكريم .

[أبوعبدالرحمن99]

عدنا لكم من جديد مع بعض القصائد التي قيلت في هذا المنتدى و لنا عودة بإذن الله للتنسيق

[أبوعبدالرحمن99]

بسم الله الرحمن الرحيم

أحبابي في مكشات أهديكم هذه المتواضعه بعد هذه الربكة
وهذه التغييرات التي مرت علينا خلال اليومين الماضيين
فبارك الله في جهودكم وحفظ لنا مكشات سالما غانما
وكل عام وأنتم بخير
****
**
*

الله على مكشات مربّا القرا نيس ملفى الحراراللي تعشق العوالي ماهو من اللي دايمن بالدنافيس خيبك رب البيت يأللي تعالّي ويامنتدانا يالسّنا بالغطاليس الله عليك أثريك عالي وغالي وفي بعدكم كثرت علي الهواجيس وضاق الصدر والحال ياهي حوالي وفي غيبتك عزاه صرنا مفاليس يومين بس أثريك عذب الدلالي وعشقك بقلبي خافين مابعد قيس لجة بحر ماهي كلامن يقالي وأكبر دليل ن ياخبير النواميس رجة بشر ماهو كلامي لحالي وأمسيت أقلب عقب جو المراميس في ضامري منك حزين السؤالي وحومت مع من حام ودجت الدواعيس وعودت أنا قفلت كل المجالي وقلت آه وعزاه حس وحواسيس وعودت أنا في ماضيات الليالي أجر هوجاس ن بِذاري النسانيس وأقول وينك ياشبيب العيالي ودقيت رقمن لخبير الأحاسيس ولاحول يامقرود جاله ماجالي ويقول أنا من عقب ريم الأطاعيس دورت أنا بالنت ماله مثالي وعودت أنا للقاف عقب الحلاويس أ كتب على الصفحات شعرن زلالي وأختم قوافي البيت عشر وخواميس فرحه وبشرى للنشاما الشكالي

أخوكم / ريف النشامى / صباح الثلاثاء الساعه 6،00

[أبوعبدالرحمن99]

السلام عليكم ورحمة الله وبركاته لجميع أعضاء المنتدى نقول ((مبروك)) العودة وعودة حميدة أنشاء الله تعالى وأن كان طول علينا الغيبة ، المهم عاد المنتدى ، ووالله لقد ضاقت بي الدنيا يوم انقطع واليوم انفرجت ولله الحمد المهم كتبت لكم عدة أبيات متواضعه أرجو ان تنال أعجابكم أحكي فيه حالي بعد الانقطاع وحال من هم مثلي من أعضاء المنتدى ، وللمعلوميه والله لم أراجع الابيات ولاكنت جت على حاله يعني من القلب ولم اقفيها جيداً والعذر والسموحة منكم على الركاكة أو الخربطة .(( لا يمنع النقد البناء والهادف وحتى الجارح أن بغيتوا واللي يتحدى ينزل ......خلوها .....))

سميت بسم الله عزيز الجلالي بسم الله ابداء في كلامي والابيات الحمد للي عالين ما يطالي ما هو كثير الحمد مره ومرات حمدت ربن بالسماء دوم عالي بعودة المنتدى بديع السموات ياصاحبي مرت علي الليالي من عقب فقد اللي يسمى بمكشات بديت أدور بالجهاز احتمالي يرجع لنا هالمنتدى مثل ما فات مسكين ياللي حالته مثل حالي كني مضيع بالخلا ذود خلفات المنتدى مقفول وجاني هبالي قمت أتعبر بالصور والملفات هاوي خلا هاوي كبار الدلالي ماني من اللي ضيع الوقت بالشات ابيك ترجع لي بعلم الرجالي اللي لهم بالبر روحه وجيات والمنتدى مفتوح للي شمالي واهل الجنوب اهل الجبال المنيفات شرقي وغربي والسهل والجبالي اهل الجزيرة والعرب مثل الاخوات ياربنا ترحم جميع العيالي واللي لهم بالمنتدى زود صولات وتثبت اللي بالحشا دوم غالي غالي وزاد الغلا زود حبات

هاوي خلا

[أبوعبدالرحمن99]

بسم الله الرحمن الرحيم


السلام عليكم ورحمة الله وبركاته

كلمات عابرة ..... من القلب إلى القلب ........ أهديها لكم ...... بقشورها .... وأنثرها لكم ... بسرورها

واستودعها بين أيديكم علها تنال رضاكم ... لكم منها الصفاء والوفاء .. ولنا منها ما بقى ............. **

مكشات يامكشات الأحباب حييت حييت يامن بالبراري تسودي يامن على كل القراين تعليت حييت يامن بالمكارم تجودي شعري على ضوحك من السعد بالبيت وردت قيفانه لصافي عدودي كله لعينا صافي الود أبديت ماجاش في وسط الحشا من سدودي أسير بك يامنوتي ماتهقويت دربٍ صحاح ن بيّن ن للشهودي وأمرك على وضح النقا ماتوانيت عد ن قراح ن مدهل ن للورودي حزت الحلا كله ولا منّه أبقيت وجه السعد ماعنك والله صدودي والدر كامن عن مريديه مخفيت في جوف بحرك هين ٍ مايكودي ريف النشامى بالنشامى ترقيت مفتوح بابك ماتحده حدودي علم ٍسنع ... ورجال فيهم تخطيت كل العوايق والكدر والسدودي حيثك على راس الطويلة تبديت يامنتدى مكشات ملفا الفهودي أشتاق لك في كل مشوار لأقفيت وأشتاق لك لأقبلت شوق يزودي وقتي معك لو طال مامنك مليت بين البحر والبر بالي شرودي أدوجهن في راحتي داخل البيت وأمتع العينين بأحلى الورودي وكم مرة في ضوح علمك تقديت أسير في دربي بهون وركودي صوب الديار اللي لفا ذايع الصيت الصمّ وفياض الحجر والخدودي وعلم الحيا والسيل مابه توانيت ربعك هل الطالات فيها ترودي بالصوت والصورة بيان ومواقيت بيّن لنا ماصار عرْب الجدودي وكم دعوة يومي على العشب سجيت سقته لأهل مكشات بين الحيودي ومع مثلكم ياصاحبي ماتخاويت الدرب واحد في طلوع وسنودي وبأختامها ياسيدي كاني أهفيت في حقكم بالله كن بي ودودي وعليك باسم الله من الشر سميت الله يحرسك من عيون الحسودي

""




"""






ريف النشاما

.

[أبوعبدالرحمن99]

هذه القصيده مهداة مني لاحبتنا في منتدى مكشات وهي من نظمي اتمنى ان تحوزعلى رضاكم واستحسانكم واليكم القصيده

سلام مني لاهل العز والطيب كسابة الناموس لاجامجالي اللي بعيدين ٍعن الشك والريب يخشون رب البيت في كل حالي لاجيت مجلسهم تزيد التراحيب الله مجملهم بحسن القبالي يالله ياللي تعلم السر والغيب انك تجملنا بمشين عدالي ماقرب اللي يشذبون العراقيب اهل النمايم والردى والهبالي اللي على اقرابه يشيل المشاعيب مدري رداةٍ منه ولاخبالي يالله توفقتابطلق الاشانيب اللي علومه طيباتٍ جزالي ومنهج محمد سيد الخلق ياذيب عليك به ترقى لروس المعالي انشهد انه من خيارالمشاريب حلو المذاق اصحيح مابه جدالي وياذيب لاتتبع هوى النفس وتخيب دنياك ياخويه مداهاالزوالي

وسلامتكم ودمتم سالمين وغانمين اخوكم ابو هديل

[أبوعبدالرحمن99]

بزيارة منتدى مكشات الحبيب فوجدت أن هذا المنتدى المقرب لقلوبنا 00 كان ولازال وسيضل بإذن الله محتفظا بذكريات المخلصين المحبين له 00 فوجدته قد وضع دوواوين لشعرائه وانا احدهم 00 ووضع بيتاً من إحدى قصائدي في الصفحة الرئيسية 00 فراودني الحنين إلى العودة إليه وبهذه القصيده المتواضعه 00 فآمل أن تقبلوها وأن تحوز على رضاكم

مكشات في قلبي وأنا بقلب مكشات يوم إن بعض الناس يجفى حبيبه غلاك يامكشات في القلب مامات وحبك ثبت رغم الظروف الصعيبه من بعد ماجاني من الوقت صدمات والقاف جاله من سببها مصيبة أربع سنين وخاطري فيه ضيقات شيٍ غريب وظامري مبتلي به واليوم عدنا لك وفي القلب آهات حبٍ قديم وخافقي مهتني به حبٍ نما عبر الليالي القديمات أيام كنا والمواقف مهيبه ورغم الشباب الفاني الود مافات أعود لك بعد المعاناة شيبه واللي نوى للمجد يرقى المنيفات ولاهو غريب الذيب تسمع قنيبه واختامها عسى العواقب سليمات واللي على بالي عسى الله يجيبه

.


القرناس المهاجر

[أبوعبدالرحمن99]

اهداء من نجم حفرالباطن الى منتدى مكشات الرائع
ارجو ان تنال اعجابكم




الكلمات :

مكشاتي ياللي يعجب أهل المكاشيت يومي أدق السلف والنيّة البر من فوق جيب(ن) أركبه وأترك البيت متعوذ(ن) بالله من ابليس والشر شلني لبر(ن) يبهج النفس وإن جيت للبر من ريح الخزامى تعطّر فيه النفل ماينوصف يوم عدّيت نابت عقب سيل(ن) على الأرض حدّر وإلى لفو ربعي من القلب هلّيت وأزهّب الدلّة من البن الأشقر وإن جنّ ليلي ياعرب قمت وصليت وأشب ضوّي مع رفاقي ونسهر

مكشات * مكشات

ــــــــــــــــــــــــ

أداء : محمد السلمان ( د.مبدع )

ألحان وكورال : ( مصعب المقرن )

تمـ التسجيـل : أستديو مسـار

هندسة : عثمان أبا حسين ( mixmaster25 )

التوزيع والإخراج النهائي : ( فــارس )



لحفظ القصيدة اختر بالزر يمين واختر ثالث خيار
http://www.inshad.net/files/up/19/Mekshat-sa.mp3


[move=left] اهداء من نجم حفرالباطن
[/move]

[قوافي ( أم نهار )]

تشرفت بلقاء بعض مشرفي منتدى مكشات واعضاءه للمرة الثانية في مدينة الرس وطلب مني اخونا الفاضل ابو عبد الرحمن الدخيل ان اذكر هذه الجلسة بقصيدة تبقى للذكرى فاجبت طلبه لمكانته عندي ...
وارجو ان تكون هذه الأبيات المستعجلة تفي ببعض من قدر اخواني الحضور وتصل لذائقة قراء مكشات الأعزاء
.
.
.

لعيون صوت الحق نظمت القوافي نظم العقود اللي بلولو ومرجان للصاحب اللي من عرفناه وافي ريف الخوي وقت القسا طير حوران بالعرف لامنّه بدا القول كافي خبرة اسنين وقلب واعي وفهمان ساعة طلبني قلت مالي ملافي لو كان خالد من عنا الوقت مشتان لكن على شانه بليّا مرافي بغوص ببحور المعاني والاوزان واجيب له غر البيوت النظافي اللي عليها كل مطنوخ شفقان السهره اللي جوّها كان صافي يازينها بحضور ذربين الايمان الرفقه اللي بالمواجيب تافي اهل الوفا والطيب في كل الاحيان لو جيت ابذكرهم نويت اعتسافي الكل يستاهل أخصّه بديوان لكن حسب جهدي ومقدور قافي بحاول ارمي والتلاميح نيشان ابو حمود عمدتنا .. وبرق السنافي حلو النبا .. ورميح سبّار الاوطان وراع الحزم .. وهديب ريف الضعافي وابوسعد وابورهف والدبيان تميم .. والعواجي .. وسبع الفيافي حسين .. والدغيم رفيقي من ازمان نايف.. ومستبشر عساه متعافي وهمّام ..والبارق هوى كل فتّان مجاور قطن .. ثم عاج ماهوب خافي مزن .. وفلاح .. وباقي الربع تتنان وابوخليفه .. والرفيق السنافي ثعل البرد اللي تحفى بالاخوان هذولا هم ربعي بليّا اختلافي ذكرتهم من غير زودٍ ونقصان لو كنت مثل اللي على الدرب حافي والارض كلّه شوك عضرس وسعدان لذا يجيك القول باحيان هافي عن بعض ولاّ البعض وافي ومليان لاهيم في جال الثمان الرهافي الكل منهم بالمخاييل هيمان تضيق خطّرهم على الجو صافي وتروق لارشرش على القاع ودّان وان طاح سيلٍ من عياره تخافي تلقى رفيقك صايرٍ أسعد انسان الناس والشرطه وحتى المطافي في شان .. وربوعك من البسط في شان وبالعكس لامن حلّ وقت الجفافي الخاطر المبسوط ضايق وزعلان حتى الى دقّيت قال الموافي لايمكن انك تتصل فيهم الآن يسترجعون الذكريات المقافي بالوجد مثل اللي شكى فرقى الاضعان هذا كلام الصدق ماهو خرافي وعندي على ماقول خمسين برهان واللي يبي شيٍ بعينه يشافي ياخذ لموقعهم على النت عنوان مكشاااات ملفى طيبين الوصافي ربعي مهاوين البوارق والامزان دايم الى من ضقت واقبلت لافي في خيمة الاحوال تنجال الاحزان واختامها تعداد رمل السوافي واعداد مالجّت سمانا بالاذّان صلّوا على اللي مابحبه اخلافي وعلى الصحابه ومن تبعهم بالاحسان يقولها خالد عساها عوافي الشمري والفخذ لا عِدّ تومان عسى الذي منّه ورثت القوافي يلقى ووالدينا عن النار عتقان آمين ياعالم كنين الخوافي ياواحدٍ بيده مقاليد الاكوان

.

.
.
ابو جود 21/7/1429هـ

[قوافي ( أم نهار )]

يا منتدى مكشات يا عظم شانك إنت بفؤادي دايم الدوم موجود حاولت أنسى لحظتينٍ حنانك وحاولت أنا باذلٍ كل مجهود وحاولت اقلل بالمحبه مزانك ولقيت انه في خفوقي بدا يزود حتى خفوقي قال ماله ومالك وليه ما يبعد ومن غير مطرود إمصاحبك بالليل وحتى بنهارك وش فايدة ما بذلته من جهود وقلت له الله مأكثر خبالك الحب ما هو حب نمبر على الكود الله يا قلبي قليل احتمالك ما تعرف أن الحب فاقد ومفقود وقال لي كيفك و هذا اختيارك لا ترد لي لا صرت خاسر ومبعود تفرَّج علي ياقلب وأنت بمكانك وبعدين تعرف ليه أنا مشدود الاوله للبر فالي وفالك حبٍ قديمٍ وأنا تو مولود حبٍ بقلبي والذي أنزل تبارك ظربه قويٍ كما ظرب بارود . والثانية عرفي رجال المعارك العلم غانم والردى غير موجود لا جيتهم كلبوهم عوانك وكلهم واقفينٍ لك سنود أهنيك يامكشات بصفوة رجالك وأهني كل غايب وموجود واسالك ياربي تعالى جلالك انك تجنب صحبتي كل منقود والثالثه علم بجميع المدارك بالشعر ولا بالصقاره تبي فود ؟ ولو كان في غير هذا مجالك كل ما تبي فالمنتدى موجود بحرٍ غزير ... في جميع المسالك والعلم وافر والبحر مورود صحيح قبل أنسى ودي أبارك لكل من يقراء كليمات محمود بالعيد الاضحى جعل نفسي فدالك عساك عايد على العيد والجود وأرجو السموحه ونفسك تمالك عن الخطا و الخطاء مردود وصلاة ربي عد مالي ومالك على النبي وعداد ما هبة النود

الشاعر:: شعااال