|
|
من زمان أبحث ولأحدٍ فادني |
| عن هوى بالي وغايات الضمير |
| وفي بحورالنت محدٍ راقني |
| خوف من زلّه تسوقن للشفير |
| ولآحد ٍ قصر بصيده زارني |
| وأرسله لي عبرْ موجات الأثير |
| ومنهم ألي في فنونه حارني |
| لكن المطلوب في قلبي كبير |
| وصرت انا في"هم"مما صابني |
| لين جاني بألخبر شهمن شطير |
| وقاللي "ياريفِ" الله جابني |
| لك بعز الريفِ تنظر مايصير |
| قلت له ياصاحِ.....وقف دامني |
| بالفضى الواسع ولاحولي مطير |
| بالمواقع شفت شئ ٍ راعني |
| كل ٍ بليلاه ضايع بألمسير |
| قاللي ..لا..لا..وحالك هالني |
| كيف ماتدري عن البدر المنير |
| وفي دقايق رسم دربه جابلي |
| وقاللي "مكشات" مامثله يصير |
| ويوم جيت البحث رد وقاللي |
| دقّ الأنتر يظهر الوجه السفير |
| ويوم شعشع نور صفحه بانلي |
| وفاح لي بالواجه منه العبير |
| وكل مالديت لأمر ٍ ناضلي |
| في ثنايا طيته أمر ٍ مثير |
| ومنتدى مكشات مره شاقني |
| وصرت أنا له دوم في بحث أسير |
| ولرياض الطيب الله ساقني |
| بين شغموم ٍ وحمّاي الدبير |
| النشاما الي سناهم حادني |
| عن طمان القاع والدرب العسير |
| بين "(مكشات ٍ )"و(رحال ٍ)هني |
| و(الطبيب) الي تواقيعه تشير |
| ويم (أبوعايد) (شقردي) دلني |
| وقايد (الميراج) عجل بالمطير |
| للخيام الي هواها تلني |
| شوف(رمش العين)(بركان ٍ) خطير |
| ولاعلي اليوم ممن لامني |
| (مسفهل ٍ) بين (صقر ٍ) و(الخبير) |
| ويا(عليان ٍ بليله) كاملي |
| (فرد حمزه) ثاير ٍ في كل خير |
| و(راعي كّحيله) يراقب مابني |
| ربنا ينجيه من حر السعير |
| (طايرن بالعج) هو و(الهاملي) |
| ( ليث) (شقران ٍ)على (أوس)الكثير |
| ويا (نفل) بالفن حذرى تبخلي |
| مع (نقاهشال) خله لك وزير |
| وأحذروا تنسون من صار أولي |
| (بوشكاع) بحال كتكوتٍ صغير |
| اما (أبوراشد) ترا امره رابني |
| نوب بري ٍونوب ٍفي البحير |
| وبالشعر (راع الطويله) جازلي |
| كود (ماجلان) يوصّلنا الغدير |
| ونآخذ(السعلو) و(جوني) و(أيمني) |
| ومن (مرات الراعي)الشهم الصقير |
| وقل(لأبوأيمن) و( تال الأولي) |
| ( ياجبل)( للعازمي ) نبغى المسير |
| صوب دارن كل مابه فاتني |
| بين لوقه ( ياحفر) وأرض الزبير |
| فوق فكس آرن وجمسن أحمري |
| وددسن الألفين ماعنها مطير |
| و(عود رمثٍ) فوق ذاك الأشهبي |
| الشبح محلاه لأقبل له صفير |
| و(ضب)و(التنهات)هو و(المرعبي) |
| قدّمنا بالذود والي بالجفير |
| الذياب الي تجواب تقنبي |
| في خشوم تّلاع وآسط والجرير |
| و(عاشق الصفرا) معاه الأشقري |
| يادوا قلب المعنى بألعمير |
| في ديار ٍ ياعساها الوابلي |
| من المزون الي رعدها له هدير |
| و(برج) و(المري)علينا يشعري |
| بين(حد السيف) و(الريع) الزهير |
| مع ( نديمن للقرينه) عاشقي |
| بالقصايد له قصايد ماتبير |
| فوق فرت ٍ لون بديه يطربي |
| سايقه ( ضاري ) على صوت الزفير |
| وننزل الخبه قبيل المغربي |
| نشرب الفنجال والعشوه بعير |
| وقبل ماتظهر وسوم المشرقي |
| من براير ذودنا يروى الشبير |
| ثم قبل الشمس ماتظهر شوي |
| نضبط المجمار والدله ندير |
| ونبدع القيفان في خدن خلي |
| ونقطف الأزهار من جال المحير |
| وعقب خمس أيام بالعشب الغضي |
| عوّد الموكب على الديره بخير |
| وشوف(الأزرق) في دياري ضامني |
| بين قطن وبين أبانات الشهير |
| ودّي أكرم يالربع من ظافني |
| ونقنص الضبان و"(السمح)" الأمير |
| حيث يا(مرصاع) له حق علي |
| دام يا(سمنان) ببلادي يسير |
| "وحقكم يأخوان" والله معتلي |
| فوق ذاك النجم وسهيل النوير |
| و(العذر ممن خفا مابانّ لي) |
| دامح الزلات حطه لك شوير |
| والسلام ختام للي فادني |
| عن دروب الروض والدعب القفير |
المشاركة الأصلية كتبت بواسطة أبوعبدالرحمن99
