طلع مكذوب علينا الأبل المزايين اليوم اصولها من تهجين أبل باكستان بالأدلة

[الشّيباني]

طلع مكذوب علينا الأبل المزايين اليوم اصولها من تهجين أبل باكستان بالأدلة

السلام عليكم ورحمة الله وبركاته

كنت ابحث في اليوتيوب عن الأبل وطحت على مقاطع عن أبل باكستان ووجدت فحولهم تعتبر عندنا فحول ناهية خصوصا ( عكفة مقدمة الراس والسبال الضافي ) وتذكرت كلام لشيبانا الله يرحم الميت ويطول عمر الحي انه مايعرفون هالاشكال مع البدو هل الابل...

لكن اللي بدأت اعتقده والله اعلم ان الاكبارية اللي لفوا العالم ويعرفون وش عند العالم يجيبون هالفحول والنياق من باكستان ويعملون لها تهجين مع الابل العادية وتطلع بهالاشكال ويبيعونها بعشرات ومئات وملايين الريالات.....

طلعت الدعوى كلها كذب ونصب ودجل على هالمزاينات عشان في ناس مسوين هالحركة ويصرفون هالتهجين اللي عامة الناس من محبي الابل وعندهم دراهم مايعرفونه ويقولون هذي الابل النوادر الزينة

مقاطع الفيديو








وغيرها مقاطع لاتحصى ولاتعد وشكلهم بعد مانتشرت مقاطع الابل الباكستانية وبدا يرفونها الناس طلعوا إشاعة كورونا حتى مايستمر هالنصب ويجيب احد ابل من باكستان على 1500 و 2000 ريال ويحجرها في مزرعته كم سنة ويطلع بمنقية لاراحت ولاجاء مثلها

[حمدون الصعب]

ماهيب بعيدة

خصوصا ان كثير من المعازيب والاغنياء كانوا يروحون لباكستان للصيد عام 1395 وما قبله

[الحربي حاتم]

وبعد العمليات هذي غسيل الأموال لتجار المخدرات وغيرها

[المثال]

السلام عليكم
الفيديو المدرح ماله علاقة بأصول الفحول او الابل اخطأت جزاك الله خير لكل بلد في العالم تراث وتقاليد والبل في كل مكان حتى عند البدو البل الباكستانية مالها شعبية وجاءت للمملكة تجربة قبل عدة سنوات ولا يرغبونها البدو لأنها ثقيلة ولا تتطبع بسهولة ولا تسير بسرعة ابل الجزيرة وهذي كلها عوامل لا يحبها البدوي في حلاله .
اما مزاين البل فهو لا يختلف عن المهرجانات التي تُقام في المملكة مثل التمور في القصيم وخير شاهد على ذلك مقطع فيديو لصندوق تمر بلغ اسعار فلكية (متأكد انك شاهدته) فلكل فئة حضر أو بدو ميول ورغبات وثقافات نحترمها جميعاً .

[خيال الغلبا]

ياحربي اتق الله ولا تدخل ذمتك شي

شيبان ولحى غانمه ماعفنا عنهم الا العلم الغانم

وانت تزج بهذه الاشاعة والتهمه

عطنا ادلتك وبرهانك على ماتقول

والا سمعت الناس يقولون شيئا فقلته

ماذا ستقول لخصومك بين يدي الله

اعد للسوال جواب

[خيال الغلبا]

السلام عليكم
الفيديو المدرح ماله علاقة بأصول الفحول او الابل اخطأت جزاك الله خير لكل بلد في العالم تراث وتقاليد والبل في كل مكان حتى عند البدو البل الباكستانية مالها شعبية وجاءت للمملكة تجربة قبل عدة سنوات ولا يرغبونها البدو لأنها ثقيلة ولا تتطبع بسهولة ولا تسير بسرعة ابل الجزيرة وهذي كلها عوامل لا يحبها البدوي في حلاله .
اما مزاين البل فهو لا يختلف عن المهرجانات التي تُقام في المملكة مثل التمور في القصيم وخير شاهد على ذلك مقطع فيديو لصندوق تمر بلغ اسعار فلكية (متأكد انك شاهدته) فلكل فئة حضر أو بدو ميول ورغبات وثقافات نحترمها جميعاً .

كلام عاقل

بيض الله وجهك

[الشّيباني]

السلام عليكم
الفيديو المدرح ماله علاقة بأصول الفحول او الابل اخطأت جزاك الله خير لكل بلد في العالم تراث وتقاليد والبل في كل مكان حتى عند البدو البل الباكستانية مالها شعبية وجاءت للمملكة تجربة قبل عدة سنوات ولا يرغبونها البدو لأنها ثقيلة ولا تتطبع بسهولة ولا تسير بسرعة ابل الجزيرة وهذي كلها عوامل لا يحبها البدوي في حلاله .
اما مزاين البل فهو لا يختلف عن المهرجانات التي تُقام في المملكة مثل التمور في القصيم وخير شاهد على ذلك مقطع فيديو لصندوق تمر بلغ اسعار فلكية (متأكد انك شاهدته) فلكل فئة حضر أو بدو ميول ورغبات وثقافات نحترمها جميعاً .

انا موضوعي عن اختيار شكل ومواصفات معينة لزين الناقة وهالمواصفات مثل السبال ومقدمة الراس شيباننا اللي رعوا الابل وعاشوا معها وشافوا الحلال يقولون ماشفنا مثل هالمواصفات الا من قريب ولايعرفون من وين طلعت فجئة

والحين بعد انتشار مقاطع الفيديو لدول العالم شفنا هالمواصفات في البل الباكستانية

ومزاين الابل ماهو المقصود في كلامي المقصود الشكل والمواصفات اللي تفوز وهي ماهي من ابل الجزيرة المعروفة....

وابل الجزيرة المعروفة ولادخلها تهجين هي الابل الحجازية اللي تسمى اركي ولاتجيب حتى المركز الأخير حسب الموصفات اللي تتبعها لجنة المزاين

[اابن فهيد]

ارحب جميع
بالنسبه لكلام اخونا الشيباني صحيح ظ،ظ×ظ×ظھظ،ظ×ظ× ونا خبره فالبل سنيييييين طويييييله مانخبر ابلنا فيها سبال ضافيه ولا في ناقه لها سبال ورثام نازل الا الباكستانيه وهاذا الشي معروف ودارج عند اهل الابل اولااا لاكن هالحين جونا ناسن الله المستعان شيبان وشباب بعلوم اسمحولي بعد إذن الاداره اقولهااا لكم علووم مالهااا مطاااااار هذي من ابل الفلاينه وهذي من ابل هذولاك وهي في الأصل لااااااهي لفلان ولااااالذولااااك هي في الأصل فيهاا عرق الخان يعني سسها باكستاني وكلامي لاينقص في حق اي قبيله كل القبيل ونعم ومن اوائل الي جابو البل الباكستانيه بكثره واعداد هائله وهجنوها مع البل الي في السعوديه الملك : خالد بن عبدالعزيز رحمه الله جاب من كل لون اذواد والامير محمد بن سعود الكبير رحمه الله نفس الشي وهيف بن عبود القحطاني بعد نفس وغيرهم الكثيرررر ممن جلب وجاب وتاجر وترزق فيها الله يبارك ويرحم من باع وشرا والملك : خالد اهدا منها لبعض القبائل وتوارثوها ابان عن جد وأطلقت عليها أسامي مثل الطوافح ابل الملك خالد ساسهاااا باكستاني والرماانات ساااسها باكستاني ووووالخ ........ والي ماهو مقتنع ينشد ويسئل الاولين ماهوب التالين ويعرف ان هذا الحق والصحيح
وهذا ماهوب عيب ابداً ولاااا نقص في اي قبيله او شخص لا أبداً هذي حقيقة ودنا نطلعكم عليها
وكل الي يقول ان البل المزاين مافيها تهجين اتحداه ثم اتحداه ثم اتحداه واقوله روح لهلك ياغشيم

[ناصح]

هنا معلومات كذلك

هل الفحول النادره اصلها من باكستان ؟؟؟؟؟
http://www.mekshat.com/vb/showthread.php?513556

[YUKON_GMC]

ممكن الكلام فيه شي من الصحه .. ولكن الصحيح ان اهل البل يعرفون البل اللي اصل وفصل ويعرفون الباكستانيه ويعرفون المهجن ولايخفاهم شي ..

يعني مافيها مجال للغش ,,

واقصد باهل البل اهلها اللي ربوا معها ويعرفون حتى نفسيتها وكل حركه تسويها .. كيف مايعرفون المهجن واللي اصله باكستاني والا سوداني وساحلي والا حتى قوقازي

[قناص الحوى]

غسيل أموال ومخدرات وغيره

[ww99999ww]

اللي يقول مخدرات او غسيل اموال والله ما عنده سالفة يكرر سوالف ناس لها اهداف اسأة للابل واهلها عامة واللي يبي يغسل الاموال يقدر باي طريقة افضل له من الاعلام لان الابل اعلام وهم ما هم اغبياء يفضحون انفسهم يقدر يشتري معده شيول او بكلين او اي معدة بمليون ريال بدون تسجيل استمارة واهل المعدات يعرفون الكلام هذا ويشغلها ويستفيد من دخلها او بيعها بدون شوشرة واللي يبي يحتال مهوب بلشان . اهل البل يعرفون بعض ويمكن فيه مبالغات في الاسعار وفيه ناس تاخذ دين بدافع الحماس والمنافسة القوية لكن الاعلام اللي اخذته الابل واهلها في الفترة الماضية خلقت حقد عند بعض كارهين الابل واهلها والصاق التهم فيهم ظلم وبهتان وللاسف ان بعض من يروج لها من خبول البادية اللي يكرر كلام ما يفهم معناه
ما عمرنا تكلمنا عن السكري اللي يباع بمبالغ خيالية ولا عن مهرجان اكبر كبسة في القصيم ولا عن المباهاة في السفر للخارج وصرف الملايين في حلال وحرام ولا عن السيارات المذهبة اللي تلف شوارع لندن وباريس لسعوديين مراهقين من فلوس اهلهم ولا عن شراء اللاعبين بالملايين ولا عن تزوير الصكوك وقلنا انها غسيل اموال او فلوس مخدرات
لذلك لا تحذف الناس بالحجر وبينك من قزاز

[مريقب العيفار]

اهل الخبرة والنظر يطلعون اي مطية فيها سر باكستاني

لو مشت على اللي ما يعرفون ما تمشي على اهل الخبرة

مع العلم اني ما انفي وجود الباكستانيات عند اهل الحلال

لكني ما اوافق ان الزين حاليا هو تهجين مع الباكستانيات

لان اكثر الركاب المشهورة ما فيها سر باكستاني

[الذيب الأبيض]

السلام عليكم
الفيديو المدرح ماله علاقة بأصول الفحول او الابل اخطأت جزاك الله خير لكل بلد في العالم تراث وتقاليد والبل في كل مكان حتى عند البدو البل الباكستانية مالها شعبية وجاءت للمملكة تجربة قبل عدة سنوات ولا يرغبونها البدو لأنها ثقيلة ولا تتطبع بسهولة ولا تسير بسرعة ابل الجزيرة وهذي كلها عوامل لا يحبها البدوي في حلاله .
اما مزاين البل فهو لا يختلف عن المهرجانات التي تُقام في المملكة مثل التمور في القصيم وخير شاهد على ذلك مقطع فيديو لصندوق تمر بلغ اسعار فلكية (متأكد انك شاهدته) فلكل فئة حضر أو بدو ميول ورغبات وثقافات نحترمها جميعاً .

والله فيه اكثر من مراح ابل عندهم فحل باكستاني بس نياق مدري
بس انا ضد التهجين السلاله الصافيه مامثلها في جميع الحيوانات

[الناس معادن]

انا موضوعي عن اختيار شكل ومواصفات معينة لزين الناقة وهالمواصفات مثل السبال ومقدمة الراس شيباننا اللي رعوا الابل وعاشوا معها وشافوا الحلال يقولون ماشفنا مثل هالمواصفات الا من قريب ولايعرفون من وين طلعت فجئة

والحين بعد انتشار مقاطع الفيديو لدول العالم شفنا هالمواصفات في البل الباكستانية

ومزاين الابل ماهو المقصود في كلامي المقصود الشكل والمواصفات اللي تفوز وهي ماهي من ابل الجزيرة المعروفة....

وابل الجزيرة المعروفة ولادخلها تهجين هي الابل الحجازية اللي تسمى اركي ولاتجيب حتى المركز الأخير حسب الموصفات اللي تتبعها لجنة المزاين

أتفق معك أن أبل المزايين أشكالها غريبة ومنذ كنا صغارا لم نرى أبل بالشكل هذا وبالاحجام الكبيرة جدا
والأقرب أنها مهجنة

ولا أعلم ما هي السلالات التي دخلها التهجين والتي لم يدخلها

لكن الأبل لدى العرب كثيرة وألوانها مختلفة كما في عدة أحاديث نبوية
وكما جاء في بيت عنترة من معلقته قوله فيها اثنتان واربعون حلوبة سودا كخافية الغراب الأسحم
فقد ذكر الأبل السوداء

والأبل غير العربية ربما يكون دخولها قديم للجزيرة العربية
وقد ورد عند العرب قديما ذكر الأبل البختية ويقال أنها أبل خراسانية