أتوقع إني أول واحد تصير عنده هالمشكله وينك يالخبير

[تنويه]

سيارتي تايوتا لاندكروزر GXR 2011
المشكله :
البطارية ضعيفه دقّيت سلف يااالله اشتغل يوم اشتغل تغيرت برمجة الساعة وتغيرت برمجة الرادو كل هذا سهل لكن المشكله يوم شغلت المكيف حصلت توزيع الهواء متلخبط أحطّه على فوق ينفخ تحت أحطّه على الوجه والرجلين مايطلع على الوجه هواء مادري وين يروح الهواء أسمع حسه ولا أدري وينه يعني باختصار تلخبط التوزيع رحت وركبت بطارية جديدة ونفس الشئ
قمت وفكيت أصابع البطارية وجلست ربع ساعه وركبتها وشغلت وما تغير شئ نفس اللخبطه كما هي
قلت أخاف ما يكفي ربع ساعه قمت وفكيت الأصابع الصبح ولا ركبتها إلا الظهر ونفس الشئ مازالت اللخبطه موجوده
الآن عطوني خبراتكم ورأيكم وش أسوّي بهالنشبة الجديده اللي ماعمري سمعته مع أحد

[ABOWALEED_506]

طيب اذا انت ساكن في الرياض في واحد يبرمجها لك على طريق عثمان وانت وجهك شمال تجيك محطه ساسكو تلقى في حل برمجه يحلها لك

[hamido]

ركب بطاريه جديده وخله كم يوم ويضبط من حاله اذا كنت مانتب عجل اما اذا عجل برمجه

[ابو فايز1980]

اشحن او غير البطاريه بدل البرمجة يبدو والله العالم ان المشكله من ضعف الفولت الي تنتجه البطاريه للدينمو بتالي أي شي حساس او يحتاج امبيرات متفاوته يشكل معك ,,, قبل كل شي شيك على الفيوزات وثمن غير او اشحن البطاريه ,, كلامي مجرد اجتهاد شخصي مع توقعات من خلال تجربتي مع مشاكل الكهرباء .. وياحبذا يكون كل واحد منا معه جهاز افو ميتر يقيس الفولت والامبير ويريحك من التوقعات و الأهم انو محد يقدر يضحك عليك من أصحاب الورش اكلي لحوم البشر

[زياد علي]

شيك على سلك ماس البطارية +ارجع افصل الاصبع السالب 33 دقيقة وارجع اشبك وافتح سوتش دون تشغيل 10ثواني بعدها اسحب المفتاح 10ثواني واعد افتح اسوتش 10 ثواني وبعدها سم بالله وشغل