ركبت كعكات وجا للموتر مطب قاسي

[صاروخ الغطغط]

السلام عليكم اخواني عندي هايلكس 14دبل لاطلعت للبر يهوي وجهها ويلحق بالارض او مع الخطوط المفتحه تلحق بسنام الخط وركبت كعكات 2سم ورتفع وجها وجالها مطب قاسي يكسر الموتر ونا راعي عايله وراعي بر المشكله مطبها ناشف وقاسي حتى الراكب يحسبه حتى ونا ماشي مع الزفلت ولفيت يمين او يسار كني بنقلب كنها دفع امامي وش الحل ياخوان ..مطبها قاسي وبشده في انتظاركم المشكله بيندمر موتري مع الصحراء

[المميـز]

وعليكم السلام

السبب انك ركبت كعكات بدون لاتغير المساعدات
مساعدات الوكاله قصيره وانت رفعت الموتر وصار المساعد مشدود ومع ادنى مطب يعض الموتر من قدام
الافضل تغير المساعد بنوع اقوى مثل الاولدمان الاسترالي او الجبريال
اذا انت ببريده مر على ورشة التويجري متخصصه بهذي الامور وعندهم كل القطعه اللي تحتاجها ان شاء الله

[صاروخ الغطغط]

مشكةر اخوي انا بالرياض وحعت لهم بقصر في الكعكه من 2 سم الى1سم لعل وعسى

[صاروخ الغطغط]

مشكةر اخوي انا بالرياض وحعت لهم بقصر في الكعكه من 2 سم الى1سم لعل وعسى

ورجعت الهم

[المميـز]

بشر وش صار عليك عقب مارجعت لهم ؟

[صاروخ الغطغط]

ابشرك زبطت وممتازه بالنسبه لي ارتفاع الموتر معقول ولاله مطب ولا يهوي وجهه وجازتلى حتى الموتر مشى مع الخط يوم كان 2سم رفيع ومطب بس زانت المشكله ورفعته جايزتلى

[صاروخ الغطغط]

2سم حق تطعيس ورفيعه مجربها بس مع الجلد لها مطب قاسي ومع الخط ماتمشي اول اطلع طلعت القديع على 120 او 130 ويوم ركبت كعكات 2سم ضعف حيلها ورجهت الى 90 بس كل واحد وله هوايه بس انا راعي عايله واطلع وقت الامطار والمناسبات للبر ماني راعي تطعيس وعقوم بس من ناحيتي انا 1سم ممتاز جدا لي ارتفاعه في سواء وخفيفه رفعته ولايطب --ماعليش على كثره طرح موضوعي لنني اطرح موضوع بالجوال ولوحة المفاتيح صغيره ولاخبط في الكتابه لنها متقاربه الحروف

[الصافي9]

الله يعطيكم العافية