يالله يالي تجزي الناس بالخير

[عقاب التميمي]

يالله يالي تجزي الناس بالخير
يامن عليـه الاولـه والاخيـره


يامن كسية بريشة الطير لطير
ياوالي ارزاق العباد الفقيره


سبري لمن خطوته سرتله السير
مسراح ذيبً لف شبه الجزيره


خيل المعاني عسكرة كالطوابير
الفكر واسع والطواري ذخيره


العمر فيه اقدار خلق الله تسير
وماقدمتـه ايامنا فيـه خيـره


للفكر جمً مثل مايحوي البير
وللفهم دلون موحته فالبصيره


يالي على ماقيل تجزع من الغير
بين ولا نحتاج مـن نستشيـره


يمكن يجوز ان الضوامي مصادير
والنافـر الـي ضيرت مستضيره


يامرضين نفسك بكثـر المعاذيـر
لضيـف تكريمـه وللجار جيـره


شف وسرت الي مشبكته الصقاقير
الافجح الي عضم ساقه قصيره


التف ثم انلاف وستكبر الطير
واخر عهد به يوم قفا مطيره

الجو كوس فيه عصف المعاصير
فـي وادين فتـلاه حيدً يحيره


ونا علي اجيب للبدع تصوير
والـي حصل فالـوله والاخيره

من يتقي راسه تحت داير الصير
لايجـزع ولايمتنـع عـن مصيره


السوق يبقا في يدين الهوامير
ومن لا ربحبه سبره بسبر غيره


هاذي غطات البير قبل أفتح البير
والغصن غض العود طيرة طيره

[ابو البر]

يالله انك توفقه على هالقصيده
والله انك شرحت خاطري / صح لسانك يا عقاب ولا هنت .

[عقاب التميمي]

صح بدنك ورحم الله والديك

[نديم القوافي]

صح لسانك وسلم بنانك

[عقاب التميمي]

صح بدنك يانديم