الفزعه محتار بثلاجة ومخي فصل من انواع تكفون اهل الخبره

[ابو لياا]

بسم الله الرحمن الرحيم

السلام عليكم ورحمة الله وبركاته

اسعد الله صباحكم/ مساءكم

اخواني انا رجال راعي كشتات وهاوي للصيد ودي بثلاجة زينه وعمليه

حدودي بالسعر 2000 ريال تزيد شوي او تنقص شوي

كل واحد يمدح نوع ومحتار والله وجيت الرمايه منزلين نوع صيني محرك ايطالي لكن سعرها غالي 45 لتر ب 2550

وناس تمدح الثميري وناس الرميح وناس الرمايه وانا محتار طبعاً ابي اركبها بطارية السياره من تسليك فنون الكهرب ابو عبدالله


وش تنصحوني بالانواع الحاليه وشكراً لكم

[mod2000]

فيه سونيكو وكيلها الحميدان
35 سعرها 1700
50 سعرها 1900

[هاوي الجكس]

فيه سونيكو وكيلها الحميدان
35 سعرها 1700
50 سعرها 1900

اضم صوتي للرجال

لها معي ازود من سنه وماشاء الله من ابدع مايكون

[م.سعيد]

خذ لك حافظة ثلج نوعية جيدة وحط فيها ثلج ب 4 ريالات ارخص واحسن لك..ترا الثلج متوفر في كل مكان وانت ما راح تقضي ايام في الربع الخالي..كل شي منك قريب

[hazim1]

فيه راكو اخت السونيكو وتعتبر الطراز المطور لها

شريت 55 لتر ب 2400 وممتازه جدا

[أبو شيري]

فيه سونيكو وكيلها الحميدان
35 سعرها 1700
50 سعرها 1900

أضم صوتي عن تجربه لهذا النوع

أو من ثلاجات EVERCOOL الجديده حيث الجوده بالعزل

[علم162]

أضم صوتي عن تجربه لهذا النوع

وين تباع لاهنت في الرياض

[أبو شيري]

وين تباع لاهنت في الرياض

بالرياض لا اعلم لكن محل الرنان بالقصيم يوفرها وتقدر تشتري منه ويرسلها لك

هذي قناة أبو عمر وشروحاته وفيها رقمه

[بن جاابي]

evercool

جربتها له اكثر من سنه عندي مشاء الله تبارك الله تفتح مع الجهتين وتاخذ كمبيه كبيره

يوجد 40 لتر
50 لتر
60 لتر


والافضل 50 لتر

وكيله المطرودي وهذا رقمه 0555002816

[كايد]

مساء الخير يا اخوان
نبي ثلاجة سريعة تبريد وعزلها يكون طيب ومرضي .
اتمنى الافادة من الكل .

[K.S.A.A]

الله يكون في عونك ويدلك على اللي فيه خير لك

انا عن نفسي جربت ثلاجة الثميري 40 لتر , وبصراحة مايعلى عليها ماشاء الله تبريد وتثليج وانارة من جوى ( تفيدك في الليل فايدة كبيرة )
ولكن عيبها بالنسبة لي انها كله تثلييج عكس بعض الثلاجات اللي يوجد بها جزء تبريد

وذلحين معي ثلاجة الرميح 70 لتر . وماشاء الله تبارك الله كل أمورها طيبه.

نصيحتي لك والكلام منقول عن أبو راكان الله يذكره بالخير ( فني تصليح ثلاجات في بريدة )
أن أكثر الثلاجات اللي تجيه للصيانة هي ثلاجات الرماية .

والله يوفقنا وياك لما يحبه ويرضاه.

[كايد]

الله يجزاك خير .....