جولة سريعة وسط مستودعي المتواضع.عقبال الكبير اللي في بالي. متعب السريحي radar.911

[كاريرا]

السلام عليكم

جولة سريعة وسط مستودعي المتواضع.عقبال الكبير اللي في بالي. متعب السريحي radar.911



والتي اتمنى ان يحصل كل شاب سعودي على مثل هذا المستودع المهم في كل منزل

والاستغناء عن العمالة التي لاتريد ان تجيد عملها وتطلب مبالغ خيالية

وتبيع خامات رديءة جدا

فاغلب مقتنياتي من الانترنت وليس من السوق المحلي

وافضل السيين هو عند ساكو

[قناص الأشهب]

ماشاء الله
الله يبارك لك انحدينا على الشقق والا الطموح عالي

[كاريرا]

وعليكم السلام

الله يكون بعونك هونها وتهون

[SNIPER07]

ما شاء الله تبارك الله

بس يا غالي لو تعيد التنظيم و تستعمل حافظات التخزين و الدروج و التعليقات يكون افضل

ادخل اليوتيوب و اكتب tools holder راح تشوف نماذج ممتازه و راح تسوي افضل منهم لانك تعرف احتياجك

من الملاحظ : اصطوانات الغاز الاكسجين مع الاستلين حاول ان لا يقربها شيء و لا تيار كهربائي و التهويه تكون ممتازه في المستودع
بعض الاحيان تفرغ لوحدها حتى لو كنت رابط عليها زين

حفضنا الله و اياك و جميع المسلمين

[كاريرا]

حياك الله اخوي سنابر

الرفوف عمل بالمستودع
قوية ورخيصة
عكس السوق رديئة وضعيفة وغالية جدا
تخيل الرف الوحد بسسس ب500
قال ايش قال المنيوم

ولا كلفني كل الرفوف اللي تشوف الا 200 ريال

والبيت اجار مو ملك ولاحظ انه صغير
وباذن الله راح اسوي رفوف عامودية درجة اولا اذا حصل البيت الملك... .

ودبات الغاز مالقيت اي مكان لهن
ووقت الضرورة اطلعن برا
لاني سويت لهن قاعدة كفرات قوية..
موفق خير يالغالي

[مكتشف الهوات]

ناقصه كاشف الدخان الرقمي

[قناص الحوى]

ماشاء الله تبارك الله لا قوة إلا بالله
كم مكلفة عليك العدد هذي كاملة تقريبا ، من الواضح مبلغ خيالي

[ابو نايوفيتش]

ماشاء الله ، الله يزيدك وعقبال ما نشوف ورشة كاريرا

بالتوفيق للجميع

[خالد الشمري20]

ما شاء الله تبارك الله

[كاريرا]

حياك الله اخوي مكتشف

موجود عدد اثنين كاشف دخان

الله يسسسسترررر

هلابك اخوي قناص

اهم شي اذا استلمت الراتب ادري وين يروح

اول كان يضيع مدري وين يروح

كل اشوي اشري شي ضروري والحمدالله تقريبا مكتمل باقي المحل والعمال

عقبالك وعقبال كل الشباب في بيت كل واحد

هلابك ابو نايو

الله يسمع منك وعقبالك يارب


هلابك اخوي خالد الله يجزاك خير

[فل اوبشن]

ماشاء الله تبارك الله

[الحربي حاتم]

ماشاء الله تبارك الله
الله يوفقك هل ممكن تذكر الإستخدام لكل عدة لأن بعضها غير معروف للكل
والأسعار
وفقك الله

[YUKON_GMC]

ماشاء الله معدات كثيره وغاليه هذي لو تبيعها تبي لك فله ..

انا والله ماني بعيد عنك لكن اغلب شغلي سيارات وسباكه وكهرب

بنيت مشب بالحوش اول سنه شبينا فينه وبعدين قلبته مستودع دريلات وعدد فك وربط لكن ..
اغراضي المكسور والخربان اكثر من الصاحي .. هههه

[الخالد1]

وعليكم السلام

الله يكون بعونك هونها وتهون

[كاريرا]

حياك الله اخوي فل ابشن


اخوي الحربي ابشر باذن الله بس باقي كم شغلة واصور تصوير مفصل وينزل باليوتيوب بقناتي باسم متعب السريحي مع السعر التقريبي والمكان والفايدة


اخوي يوكون

اغلب اللي موجود بالسوق صيني والصين يبونك تعدل تعديلات بسيطة ع صناعتهم ويقلب الماني .... من باب تجربة

وحاليا نقدر نصنع اي شي مو لازم يجي من برا وتابع اليويتوب ابحث كلمة كيف يصنع

ولو كنت بعنيزة حيالك الله المستودع مستودع عزيز وغالي في اي وقت وافكر افتح محل كبيرة فيه العدة هذي واي واحد فاضي يجي يطقطق ويشتغل بسيارته او احد من ربعه ويتكسب مكسب حلال


وبالتوفيق يالغالي



اخوي الخالد

حياك الله والله يسمع منك