مشكلة المكيف جيب لكزس

[متيم بالهوى]

السلام عليكم ورحمه الله وبركاته
الله يمسيكم بالخير جميعا
مشكلة أصبحت هم كبير
أتمنى من أهل الخبرة أو من حصلته عليه يفيدني
السيارة:جيب لكزس LX470
الموديل:2001
المشكلة بدأت بعد شراء السيارة بشهرين
اول ما اخذته المكيف تمام بعد شهرين من الاستخدام تحول المكيف حااار
عبيت الفريون قلت يمكن اللي قبلي من زمان ما عباه
اخذ الفريون حول شهرين ورجعت نفس المشكلة بعدها قلت اكيد فيه تنسيم
شيك الكهربائي قال الماصورة فيها تنسيم قلت تمام غيرت ماصورة وعبيت وبعد حول 3 أشهر نفس المشكلة حرارة مافي تبريد
رحت لمهندس قال الكمبرسر ضعيف والاديتر شكلها تعبان قلت يالله وغيرت كمبرسر ورديتر مكيف وفعلا رديت المكيف معدوم
بعدها عبيت وبعد اقل من شهر انتهى الفريون رجعت لنفس المهندس وعبا هواء وقال المشكلة ماصورة المكيف الخلفي خربانه فعلا فكينا الشكمان والتوانك وشغله طويلة لين وصلنا لها ولقيناها منسمه مظغوطه مع جنب الماصورة ضبطتها ورجعت ركبتها وعبيت فريون واخذ 20 يوم بالضبط ورحت مشوار ونفس المشكلة هواء حاااار واظطريت اعبي لاني في منطقه بعيدة ومعي العائلة وعبيته وانتظر متى ينتهي
تكفون شوفو لي حل تعبت حول 12 الف كتيتها فيه بلا فايدة

[متيم بالهوى]

هل من مجيب
هل من خبير
.؟.؟.؟.؟.؟

[silverdiamond]

وين موقعك ا؟

[متيم بالهوى]

المدينة المنورة

[متيم بالهوى]

اللي عنده حل ياليت يفيدني

[ysf_tm]

انت شيكت ع كل شي ما عدا ثلاجة المكيف ؟ ومكانها وراء الطبلون ؟ سو فحص كمبيوتر لها احتمال بعد يكون فيه تنسيم منها

[ابوشوق91]

مشكلتك فيه تهريب فريون خفيف يبيلك واحد يشيك على المواصير تشييك كامل لين يطلع التنسيم ولا بتجلس تخسر
اذا خلص الفريون خله يضغط المواصير هواء ويدور التنسيم
اذكر واحد من العيال نفس وضعك يعبي شهر بالكثير المكيف حار بغى يغير الكمبرشر طلع المشكله في ربله تجي بين المواصير منقطعه وغيرها حصلنا على نفس الماصوره زيت وغبار

[الوسم]

مشكلتك فيه تهريب فريون خفيف يبيلك واحد يشيك على المواصير تشييك كامل لين يطلع التنسيم ولا بتجلس تخسر
اذا خلص الفريون خله يضغط المواصير هواء ويدور التنسيم
اذكر واحد من العيال نفس وضعك يعبي شهر بالكثير المكيف حار بغى يغير الكمبرشر طلع المشكله في ربله تجي بين المواصير منقطعه وغيرها حصلنا على نفس الماصوره زيت وغبار

معك في الراي

[متيم بالهوى]

اليوم اكمل عشرة ايام على تعبه الفريون وانتهى بالكامل وتم التشييك على المواصير كلها لا يوجد تنسيم

[متيم بالهوى]

للفائدة الخلل بسيط ولا يكلف شي لكن العمالة الله يعين عليهم
المشكلة اتضحت لي بعد خسارة فادحه من الجلد الرابطه بين المواصير
جلده دائريه صغيرة تربط بين المواصير جميعها متهالكه ومنتهيه