مشكلة انحراف السيارة الى جهة اليمين

[سيارة موديل]

السلام عليكم

يا اخوان عندي سيارة كامري موديل 2012

فيها مشكلة لمن أسوق السيارة دائما تنحرف قليلا الى جهة اليمين لمن اهد السكان (الدركسون) والانحراف تقريبا صارله سنه لازم طول الوقت امسك السكان ولفه قليلا الى جهة اليسار عشان اخلي السيارة تمشي سيدة

وطبعا رحت كذا ورشه وسويت ميزان وسحكية وبدلت التواير القديمة حيث اني بدلت التاير الى بالخلف ووديته الى الامام والتاير الي بالامام وديته الى الخلف ونفس الشي المشكلة لم تنحل

وقبل 3 شهور بدلت جميع التواير وتم عمل ميزان وسحكية والمشكلة لم تنحل

سويت حقها ميزان وسحكية بالوكالة لا اعرف معناها بالسعودي ولم تنحل المشكلة مع العلم سويت فحص هيئة امامية وطلع كل شيء سليم ومافي مشاكل بالهيئة الامامية


الوكالة اخبروني لحل المشكلة اخبروني السيارة تحتاج تبديل التواير وراها نقدر انشوف شلون الحل

طبعا رفضت لأن التواير جديدة من الوكيل والمشكلة أيضا كانت موجودة بالتواير القديمة نوع التواير toyo 2016

راح اكتب لكم تقرير الوكالة سبب المشكلةمن وجهة نظرهم حسب الي فهمته السيارة تحتاج تبديل 3 تواير لأن السيارة تنحرف بعد سرعه معينه بدرجة عالية

Need to change 3 tyre (FRH RLH RRH Limit Exceeded)
After change the tyre need to perform wheel aligment & balancig

عندنا بالكويت بالشويخ الصناعية فيها ورشة معروفة بميزان السيارة قالي مشكلة انحراف سيارتي في المعاونات الامامية (بالسعودي المساعدات الأمامية) فيهم انحراف يحتاجون الى تعديل بتحريكهم الى مكانهم الطبيعي ماسويت الي قالي عليه الا بعد ما استشيركم

وملاحظه الوكالة ان عندي مشكلة بعمود التوازن والشيالات يحتاجون تبديل بس اخبروني تقدر تصبر عليهم لأن الخراب الي فيهم ليس كبير مجرد شرخ ومالهم علاقة بالانحراف الي شرحته

وعندي سؤال لو خليت السيارة مع مشكلة الانحراف هل يسبب مشاكل بالسيارة ولا لا سألت المختصين بالورشات اخبروني ما يأثر على أي شيئ

فأتمنى من الخبراء يرشدوني بنصائحهم

وشكرا لكم وان شاء الله يكون عندكم الحل

[YUKON_GMC]

طيب شفت الرمان (البيرنق الايمن قدام )

تاكد منها - ارفع السياره جهتين وفك الكفرات قدام ودور الهوبات بيدك شوف الاثنين نفس الشي والا اليمين اثقل

لأنه معروفه ان سبب الحذفه لليمين اما وزن اذرعه او رمانات او كليبرات او ان الموتر جايه حادث ومصلح من قبل ولم توزن المقصات

[الوانيت1]

ادخل واقراء الرابط هذا لعل وعسي يكون حل لمشكلتك :



http://toyota.montada.haraj.com.sa/6...مر-كامري-2013/

[سيارة موديل]

طيب شفت الرمان (البيرنق الايمن قدام )

تاكد منها - ارفع السياره جهتين وفك الكفرات قدام ودور الهوبات بيدك شوف الاثنين نفس الشي والا اليمين اثقل

لأنه معروفه ان سبب الحذفه لليمين اما وزن اذرعه او رمانات او كليبرات او ان الموتر جايه حادث ومصلح من قبل ولم توزن المقصات

شكرا عالمشاركة

السيارة صارلها قبل حادث تقريبا بالهيئة الامامية وتم التصليح بالوكالة قبل 3 سنين والحمدالله وراها كانت الأمور تمام ماعاده اخر سنه تقريبا بديت اشتكي من الحذفه مادري اذا الحادث له علاقه ولا لا بس كل مره اوديها الوكاله يتم فحص العكوس المقصات (أتوقع جلد العكوس بالكويتي أتمنى التصليح لو خطأ) ويقولون انها سليمة

ممكن تشرحلي شنو يعني وزن الاذرعة والرمانات والكليبرات بالكويتي بصراحة ماعرفت شمعناها بالسعودي

[سيارة موديل]

ادخل واقراء الرابط هذا لعل وعسي يكون حل لمشكلتك :

http://toyota.montada.haraj.com.sa/6...مر-كامري-2013/

مشكور عالرابط وجزاك الله خير احس بداية الحل من هالرابط ان شاء الله

يريت الي يعرف شنو يعني BOLT FLANGE وماهي فائدته يعطيني خبر

[ابوراكان تبوك]

BOLT FLANGE هذا يمسك الهوب ويوزنه تفقد المسامير اللي بالرابط اللي انحلت به المشكلة فهو الاقرب

[سيارة موديل]

السلام

السموحه عالتاخير بالرد بخصوص مشكلتي

رحت الوكالة BOLT FLANGE وتم فحصه واخبروني ان مافي أي مشكلة

بس لذيادة التأكد تم تبديله والمشكلة نفسها ماتغيرت

أتمنى الي عنده حل او فكره يعطينا الحل

[ابوراكان تبوك]

انا الصراحة مستغرب من مشكلتك
اللي فهمته الحذفه وانت تمشي عادي بدون فرامل
وعلى كلامك ان الحذفه شوي قوية لازم تمسك الدركسون حتى ماتحذف

معناه الحذفة قوية وبتكون واضحة من اول الفحص تظهر حتى بفحص الخيط

انت تأكدت من الفلنجة مافيها ميول ابدا والاذرعة سليمه والكفر جديد والوكاله يقولوا كل شيء سليم وانا اعرف ان الوكاله اذا ماعرفو الحل يرسلون للشركة الام ايميل بالمشكلة وهنا الشركة ترد عليهم بحلول اخرى لكن هذه الطريقه اعرفها اذا كانت السياره بالضمان ما ادري هم يتبعوها اذا الضمان منتهي او لا

عموما كل اللي عندي بقول لك افحص المسافات بين الكفرات فحص دقيق بالمتر
مثلا الجهه اليسرى تضع بداية المتر على راس العكس الامامي وتمده للكفر الخلفي وتسجل النتيجة
وتقيس الجهه الاخرى بنفس الطريقة وتقارن بينهم ( اذا ماتعرف الطريقة روح لأي ميزان وخليه يقيسهم لك بالمتر )

اذا فيه اختلاف بالقياس لكل حادث حديث

اما اذا مافيه اختلافات بالمسافات ننتقل لفحص الدوده
ابغاك وانت ماشي بالسيارة واذا بدأت الحذفة ترفع قدمك عن البنزين وتضع القير على n لاحظ هل الحذفة تروح او لا

موفق وننتظر آراء الخبراء ايضا

[بدر دبي111]

السياره فيها حادث من الاسفل عند الشيالات والمساعدات !!!!!!!!!

[m a s]

اذا عندك رجه على سرعه 110ورصصت كفرات وماراحت الشاسيه مضروب والله اعلم

[مخ سعودي]

بالفعل المساعدات لها دور كبير في الحذفه يالغالي وسعر المساعدات ليس بغالي وكذلك اليايات لها دخل اذا كان احد منها مايل جهه الثاني وترى سعرها ظ¦ظ× ريال للجهه الواحده

[SGL]

الدودة مدري وش إسمها بالكويتي طبعآ تابعه لطارة موقعها تحت عند المكينة لها كراسي مدري قواعد حديد وربل إذا فيه وحده تعبانه الموتر يحذف شيك عليها زين نفس المشكلة بكامري 2001