طريقة تغيير اليايات الاماميه للباترول(بالصور)

[Mr.Patrol]

كما وعدت اليوم راح أشارككم بطريقة تغيير اليايات الاماميه

نبدأ بسم الله

العدة اللازمة للعمل

1- رافعة (عفريته)

2- حوامل

3- مفك مقاس 10,14,19

طريقة العمل:

1- قم برفع السيارة من الدفرنس الأمامي والأفضل تستخدم رافعتين(عفريته) وترفع نفس الوقت والسبب أن الدفرنس مائل لليمين فإذا رفعته راح يرتفع من جهه واحده اكثرمن الثانيه





2- ضع الحوامل كما فى الصورة



يجب رفع الحوامل الى اعلى حد ممكن

3- قم بفك صامولة المساعد بمفك 19 تذكر انك تحتاج انك تمسك المساعد من تحت




4- فك صامولة حاملات عمود التوازن بمفك 14كما فى الصورة





5- نزل الرافعه(العفريته) وراح ينزل الدفرنس





6- راح تحتاج الى فك الصاموله الى فوق الياي كما فى الصورة




تحتاج مفك 10,14

يتبع ,,,,,,,,,

[Mr.Patrol]

7- طلع الياي وركب الجديد وتاكد من الجلب الى فوق اليايات انها سليمه عشان مايزعجك طق الحديد ببعض















أتمنى إني بهذا الشرح وضحت الفكرة وأتمنى إن ما احد يستحي يسأل عن الموضوع.

[هاوي الله]

إبداع × إبداع

يعطيك العافيه

[المميـز]

الصراحه شرح وااافي وصور واضحه

والله يعطيك الف عافيه على هذا الجهد العظيم وتشكر من قلب


لكن شد انتباهي الذراع الاصفر وش فايدته ؟؟؟

علمنا اذا كان له فايده على شان اركبه

[Mr.Patrol]

الله يعطيك العافيه اخي (هاوي هدد)

[Mr.Patrol]

اخي (المميز)

الله يعافيك وحياك الله
والياي الاصفر هو مساعد للدركسون ميزته انه يخفف الرجه
وتلقاه عند الرمايه و سعره 295

[هاوي الله]

وزنية الدفرنش الأمامي ماتتغير بعد الفك والتركيب ( سنتر ) ؟

[المميـز]

مشكور اخوي Mr.Patrol على ردك السريع والتواصل

[m1m]

يعطيك العافية .. لكن ما تعتقد أن التركيب يلزم منه وجود (( زرقينة )) لضغط الياي الجديد ليركب ؟؟

[Mr.Patrol]

اخي(m1m)

الله يعافيك

ومايحتاج الى (زرقينه) ولايحتاج الى ضغط ياي لانك اذا رفعت السيارة الى اعلى حد للحوامل راح ينزل الدفرنس لدرجة انه راح يطلع الياي من محله.

[bmw_07450]

ياسلام على الابداع وين نلاقي زيك
الف شكر وننتظر منك كل جديد.

[Mr.Patrol]

اخي(bmw_07450)

عفوا وان شاء الله الجديد يكون احسن واكثر فائدة.

[هاوي الله]

وزنية الدفرنش الأمامي ماتتغير بعد الفك والتركيب ( سنتر ) ؟??

[Mr.Patrol]

اخي (هاوي هدد)

بالطبع ماتتغير لانه ثابت زي ماقلت.

[سوبر VTC]

جزاك الله على المجهود

تقرير متميز

موفق