طريق الرياض .. الرين .. بيشه

[غازينهو]

السلام عليكم
اسمحولي على الخطمه ..!
توني متخرج من الجامعه وأنا من أهل الرياض وأبشركم الحمد لله تم اليوم توجيهي من قبل وزارة التربيه والتعليم لبيشه .. وأبي أعرف الدرب (الطريق) .. لأني ماعمري رحت لبيشه ..!
تكفون يالأجاويد أبي أعرف الخط صح منيب ناقص أضيع باتسر إن شاء الله ..!
وإن شاء الله نردها لكم في الأزمات .. واللي عنده معلومات عن بيشه من ناحية السكن والمساحه لا يبخل على أخوه الضعيف إلى الله ..!

[مهيلان]

مبروك التعيين اخوي
بالنسبه لبيشه فانت مخير بين طريقين لا ثالث لهما
الاول مع طريق مكه السريع اذا تعديت المويه تفرق يسار مع طريق رنيه حتى تجي بيشه
والطريق الثاني مع طريق الوادي وتدخل لتثليث وتطلع منه لبيشه
اما طريق الرين فهو تحت الانشاء ويوقف في الرين ولا ينفذ الى بيشه وبقي قرابة 400كلم كلها صحراء

ولك مني احلى تحيه

[غازينهو]

مهيلان

يعطيك العافيه على التوضيح .. بس كم المسافه التقريبيه للطريقين ..؟

[الساهر2003]

الف مبروك وعقبال الشهادات العليا والتعيين قبال بيتكم في ديرتكم
نصيحة
انتبه من مفاجاءت الطرق ولا تسرع
حفظ الله الجميع من كل مكروه

[إبراهيم222]

أخوي غازينهو
ممكن أنك تروح عن طريق مكه و إذا وصلت ساسكو ظلم بعدها كبري الفويسه (إذا مانيب غلطان)
إذا طلعت الكبري رح يسار وأمش طوالي يوديك إلى دوار الخرمه
ومن الدوار يسار إلى رنيه ثمن بيشه
وهذا الخط يختصر عليك 90-100كم وسيدين مخططه وعيون قطط

(المسافه من الكبري إلى الخرمه 90كم )

[دكتور بر]

هذا الموضوع بيفيدك
http://www.mekshat.com/vb/showthread.php?t=232545

[الرويضة]

الطريق حتى الان تحت الانشاء

من المزاحمية حتى الرين جاهز

من الرين مسافة 130 كم جاهزة حتى كبري السِّره والكبري شبه جاهز ينقصه التركيب لانه صبات مسبقة الصب و قواعد و اعمدته جاهزه

بعد كبري السِّره 15كم شغالين فيها و فيها ازاله لبعض الجبال و العمل قائم فيها من قبل شركة ارتك حتى هجرة الرقميه

بعد الرقمية ليس هناك اي اعمال و انما ترسيم فقط للطريق

طبعا انا مشيت الطريق يوم الاربعاء و الخميس 9-10 / 11 / 1430هـ حتى هجرة ابا الاكوان مرورا بصيحة و العبدة وهجرة ابا الاكوان تبعد عن الرقمية تقريبا 140 كم تقريبا

و ان شاء الله احد الاعضاء سوف ينزل تقريرا مصورا عن هذه الرحلة

[أبو خالد900]

الله يعطيك ألف عافيه على العلومات جهد تشكر عليه
ماقصرت يأخوي لاتعبت إن شاء الله ....

[علووووم الحيا]

[quote=jaak;3358775]الطريق حتى الان تحت الانشاء

من المزاحمية حتى الرين جاهز

من الرين مسافة 130 كم جاهزة حتى كبري السِّره والكبري شبه جاهز ينقصه التركيب لانه صبات مسبقة الصب و قواعد و اعمدته جاهزه

بعد كبري السِّره 15كم شغالين فيها و فيها ازاله لبعض الجبال و العمل قائم فيها من قبل شركة ارتك حتى هجرة الرقميه

بعد الرقمية ليس هناك اي اعمال و انما ترسيم فقط للطريق

طبعا انا مشيت الطريق يوم الاربعاء و الخميس 9-10 / 11 / 1430هـ حتى هجرة ابا الاكوان مرورا بصيحة و العبدة وهجرة ابا الاكوان تبعد عن الرقمية تقريبا 140 كم تقريبا

و ان شاء الله احد الاعضاء سوف ينزل تقريرا مصورا عن هذه الرحلة



الله يعطيك العافيه اخي الفاضلjaak


زانت علووومك وماقصرت على التوضح الرااااااائع

[mango30]

حبيت ارفع الموضوع بعد هالفترة لانني اتمنى ان يكون جد جديد بهذا الطريق

[الضارب]

طريق اكثر من رائع

[مغلي]

السؤال

متى يرى النور هذا الطريق

وكم ستكون المسافه من الرياض الى النماص من خلال هذا الطريق

[الشرمة]

و الله اني ماعندي خلفيه عن هذي المناطق

[سبتان]

الأخ / علووووم الحيا كل عام وأنتم وجميع أعضاء وزوار مكشات بخير ، وبعد
أعطني فكرة عن طريق الرياض بيشه الجديد الذي يمر من الرين ، ماهو الجديد فيه ؟ ولامانع من مشاركة غيرك مما يفيدني في هذا الموضوع ... لأن طريق الدلم الوادي أبها مزدحم ويمر على عدة مدن وهجر , ولك تحياتي

[أبو خالد900]

هذه منافصة طرحتها وزارة النقل الأيام الماضية ولا أعلم من أستلمها

من الشركات .

استكمال طريق الرياض/الرين/بيشة بطول (147) كلم بمنطقة الرياض .


وبتحديد بعد الرين 160كم تقريبا