السلام عليكم ورحمة الله وبركاته.
الله يعطبكم العافيه. انا تاجر عسل مستورد وعجبتني شغلة العيل ودخل راسي مشروع تربيه النحل لكن انا لي تقريبا اربع شهور احاول اجمع معلومات من النت لكن للاسف المعلومات بسيطه.
عندي كم سوال اتمنى تجاوبون كلن حسب خبرته. واتمنى بكون الموضوع مفيد للكل.
1- اذا كان موسم السدر او السمر شهر واحد فقط في السنه. كم تنتج الخليه في الموسم اذا كان الخليه ممتازه والمرعى ممتاز.
باقي السنه النحل وش ينتج؟
اعرف ان مواسم السدر على سبيل المثال تختلف من منطقه لمنطقه
اذا كان عندي نحل ووديته الجنوب وانتهى موسم السدر هناك اشد واوديه الطايف لين ينتهي موسم السدر هناك وبعدين اشده محل ثاني؟
كيف اعرف اني نزلت محل ممتاز؟
كم فيه موسم للعسل فالسعوديه؟ سدر سمر طلح وصيفي؟ ومتى مواسمها؟
كبدايه تنصحوني اخذ خليه واحطها باي محل واتعلم بعدين اخذ سياره وخلايا؟
هل الشغله متعبه يعني تحتاج شديد كل فتره وسفر وبحث عن مرعى ممتاز؟
صحيح ان المرعى حكر للاي يجي اول. يعني من سبق لبق على قولتهم ولا عادي اقدر انزل اي محل حتى لو جني نحل؟
شكرا.