سحاب- واسئله الغالي صريح المقال وجاوبته

[سحاب نجد راعي شقراء]

السلام عليكم ورحمه الله وبركاته

يالله تحييهم جميع كبيركم وصغيركم ذكركم ونثاكم وليا حيا كثر وتنثر وتزبر بعد

هذي السالفه على شرف الغالي العود الي وش كبره - صريح المقال -

يسئلني ويقول

ودي تعلمنا كيف كانت المرأة هي عمود البيت وقايمة بكل شئونه وكيف ان الرجال كان يشتغل من يصبح لين يمسي وإذا رجع البيت وش يلقى وكيف كانت مرته تستقبله ووش تزين له ..

ودي تسولف عن الحلال في هاك السنين وشلون وضعه وكيف كانت أهميته كبيرة في كل بيت وكيف يتعاملون معهن وكيف يحسنون لهن ووش يسوون بحليبهن وشعورهن وجلودهن وكلش فيهن مهوب مثل هالحين يالله لا تعاقبنا بعضهم يذبح الذبيحة ينطل كرشتها ومصرانها وراسها وكراعينها وذنبتها كل ذا ما يبونه !!

وتخزين الأكل مبطي كيف كان قبل الثلاجات والكهرباء والنعمة الكبيرة العظيمة اللي حنا فيها هالحين يالله لك الحمد والشكر ..

واللهم آمين .. اللهم ارزق عبدك هذا الذي أمتعنا ونورنا بتاريخنا وطيبة أجدادنا وامهاتنا وحياتهم التي رغم ما بها من مصاعب فقد كانت جميلة عفوية مليئة بالطيبة والنخوة والشهامة اللهم ارزقه الفردوس الأعلى من الجنة.
اللهم أحسن خاتمتنا وخاتمته ..
اللهم اجعل خير عُمُرِهِ آخره ..
اللهم اجعل حسابنا وحسابه حساباً يسيراً بفضلك وكرمك يا أكرم الأكرمين ..




يعرفون يسمون منول مهوب هالحين مزرعة نوفا ومدري وش هههههههه
الحميضية قد يكون نسبة لأشجار الحمض ؟!



ذكرتني ببقرة جارنا منول يسحبها راعيها للثور ورابطها بصدام هايلوكس قديم إلا منها بغت تمشي مشت وإذا عاندت ووقفت نشبت السيارة محلها ههههههههه يجلس يجرجر فيها لين يحفر الأرض ما تمشي ولا منه خذ شوي طاوعت معه ومشت قام يمشي قدامها بالموتر واللي يشوفه يقول انه يسحبها وهو ما يمديه بس عن قولة انها تهج منه منا ولا منا ..

و(المنحات) هذي وش تطلع سلمك الله ؟





قل آمين .. الله يجزاك أنت وراعي قليب الحميضية كل خير.
وش قصدك بأيام الصدر ؟!
تقصد يوم كانت الناس تصدر الماء على الحمير ويوزعونه على البيوت ؟!




لا إله إلا الله، سبحان الرزاق وشلون كانت الناس عايشه ورازقها ربي يوم كانت متوكله حق التوكل عليه ..

يعلمني الوالد عن زمان أول يقول يوم حنا في بيوت الطين إذا قالوا ترا الوسم دخل نطمر للسطوح ننظفها ونفتح السواقي عشان المطر ما يجلس فوق وتنهد علينا البيوت وسبحان الله من أول يوم بالوسم والأمطار نازله والربيع يجلس يرعون منه لين الوسم الثاني والله انه يوريني محلات بالبر ضلعان كانت على وقته كلها مياه والماء ينزل منها طول السنة والعشب والأشجار يقول البقر مبطي يفكونها بالضلع معها ثور ما ترجع الديرة لين تولد يجون يعلمونه القريبين منها يا فلان ترا بقرتكم ولدت ويروح يسوقها للبيت ويفك البقرة الثانية ويسوقها للضلع تاكل وتشرب طول السنة !!
هذولا اللي ما عندهم مزارع ..

وأهل الغنم يحفرون حفرة جنب الشعيب وينز الماء فيها لين تمتلي ويسقون حلالهم منه ويرعونها جميع وإذا رجعت الديرة كل غنم تدل بيت راعيها تدخل مع الباب !
وأحيان تضيع بعض الغنم ويدخلون بيت واحدن ثاني ويقوم يدورهن ويطق البيبان (يا من عين العنز الي وصفها كذا وكذا) لين يلقاها

والحمير مبطي هي السيارات ويسمونهم ويعرف الحمار اسمه ويعرف راعيه ..

علوم يا أخيي وأشياء أقرب للخيال كأن الناس كانت عايشه بحلم قبل البترول والنعمة اللي حنا فيها ..




يوم المزرعة والقليب هي عصب الحياة ومصدر قوت أهل البيت كانت الناس تعتني بهن أشد العناية ..


ما أقول إلا الله يوسع صدرك بالإيمان وطاعة الرحمن ،،

تقول تكلم عن الحرمه منول وش اقول وش اخلي هي الي قايمه بالبيت كله من صلات الفجر الين تغاب الشمس تطبخ وتنفخ ومنول مافيه شي اسمه مطبخ يسمونه الموقد لانهم يوقدون فيه النار ويسوون القرصان والمراصيع والمرقوق والجريش اذكر الجريش له معصاد من الخشب يعصدونه وسط القدر والعصد يالتوالي هو التحريك بشكل دائري هذا انت يالجريش بس وغيره يطبخونه بدون عصد
والرجال يطلع من بيته الفجر يصلي ثمن يروح لشغله ولا يرجع لبيته الا بعد المغرب
تصدقون ان بعض الرجال مايشوف بزوره يعني عياله ايام تتلا ايام يروح لشغله وهم نايمين ويرجع من شغله ويلقاهم نايمين لانهم من المغرب وهم نايمين ماعندنا سهر منول كلش على سنعه وجعلنا الليل لباسا وجعلنا النهار معاشا
وهلحين اللهم صلى على محمد انقلبت الدعوا ولا عاد يرقدون الا الفجر وياكلون البرقر الي نفخ خدودهم وصدورهم الله يدفع البلا وصارو يترج رجون وهم يمشون مثل الجلي الا حركته

والحرمه ماترقد وتخلي رجلها تصير مولمه القهوه والعشا وتحتريه الين يجي وتقهويه وتعشيه وهي تنافض لياه يزعل بس
منول للرجال هيبه الى سمعوالباب مفتوح يخمدون البزور ولا يطلع منهم صوت
وهلحين الله يخلف تلقا الرجال نايم في غرفته والبيت صيحه وصجه وولهم حرمته تنادي على عيالها بالصوت الرفيع وعند باب غرفه الرجال وهي تدري انه نايم وفنك تقول شي

منول غير وهلحين غير الله يخلف

وبالنسبه للغنم منول والله العظيم مابقا شي ويتكلمن
كل بيت فيه غنم ولا اصبحنا يفتحون لهن الباب ويطلعن للسوق ويلقن غنم الجيران ويمشن مع بعض كنهن رايحات للمدرسه
وسبحانك ربي يروحن يم بيت الشاوي كل غنم اهل الديره ولا معهن احد يسوقهن او يدلهن هن عارفات الدرب وشلون يدرن ان هذا بيت الي يطلع بهن برا الديره ويرعاهن مدري ولا جا مسيان يعني عقب العصر يعني حول المغرب يهظلن يعني يرجعن للديره وكل غنم ناس يروحن مع بعض لبيت اهلهن اذكر الا صرنا حول المغرب يقولون افتحوالباب خلوه مفتوح للغنم يدخلن ويجن ويدخلن ون لقن الباب مصكوك يقعدن يثاغن عند الباب يعني افتحولنا الباب نبي ندخل منيب اقول لكم معاد الا شوي ويتكلمن الغنم منول
وحيان يظيعن بعض الغنم بيوت اهلهن او يصير فيه حالات عشق بينهن ويروحن مع بعض ثمن يقعد يدورهن راعيهن ويمشي في السكيك وهو يقول من عين الشاه جزاه الله خير ولا يقول من عين العنز الصمعا جزاه الله خيروالصمعا يعني الي اذانها صغار يسمونها الصمعا يعني يوصفون غنمهم الي ظايعات والناس الا سمعو الي ينادي كلن يروح يشوف غنمه لياهن معهن ويطلعونهن

وبالنسبه للوسم ونزول المطر
الا قالو بكرا يدخل الوسم تمطر الليله لانهم مرضين ربهم سبحانه وهومرضيهم الرحمن الرحيم
ولا شافو قطعه غيم صغيره قالو جاكم السيل وكلن يروح ينزل الي في سطحه كانه ناشر شي في الشمس وينظفون المثاعب ويرقون بالبن الي يبنون بهن ويحطونهن في الطايه علشان لو يخر شي عليهم يسدون به الشقوق
ياحيات الشقا منول الا جاهم المطر يفرحون ويخافون كلهن مع بعض
يفرحون انه يسقي نخيلهم وينبت العشب لغنمهم وبقرهم
والي مسوي بعول تنبت بعوله والبعول هي طال عمركم الا تحرو للوسم يدخل يطلعون للبر ويحرثون الارض وينثرون البذر ويجيه المطر ويسقيه وينبت وهم ماتعبو فيه ولا سنبل يجونه ويحصدونه ثمن يذرونه ثمن يطهرونه يعني يخرون منه الحصا والعودان الصغار ثمن يملحونه ثمن يجرشونه بالرحا ثمن يعجنونه ويخبزونه وياكلونه

ومنول كل بيت فيه بقره هذا شي اساسي منها الحليب ومنها الزبد ومنها الروب او الزبادي ومنها اللبن الي يجي فيه قطيعات زبد وش طعمهن وكلش طبيعي وكلش صح
ترا البقره احيان ترضع روحها وتشرب حليبها وفي ذا الحاله نقوم ونحط عودين مع جنوبها نسميهن السواجير
ولا جت تلتفت تبي تشرب حليبها يدق العود في رقبتها ولا تقوا معاد الا هي تشرب الحليب
الحليب مهوب لها الحليب حقنا انحن
انا اذكر ونا توني صغييير يعني جذيع غثتنا بقرتنا تثاغي ماتخليتا نرقد لا في ليل ولا نهار قبلها تثاغي وهذا معناه ودوني لرجلي الثور ابيه ولا ماخليتكم ترقدون
قال ابوي جعله للفردوس ياسحاب قلت سم يبه قال تعال ونا ابوك نبي نربط البقره ونوديها للثور ويربطها ابوي بحبل يجيله خمسه امتار وقالي جودها ونا ابوك لياها تنحاش قلت طيب ابشر وقوم وربط طرف الحبل في يدي كله اخاف تنحاش
المهم والله يعينا على المهم
هي شافت الباب مفتوح ولا ماشافته وهي تجيك منطلقه انتم تسمعون الا قالو شوط بقره
وهي تكون البقره مربوطه طول السنه ولا انفكت تنطلق بسرع شي ممكن ثمن تاقف بعد فتره الا قصرت من الركض وهذا شوط البقره
المهم سحاب رابط الحبل في يده من زود الحرص لياها تنحاش وهي الي تجرجرني وتسحبني في السكيك وبوي يركض وراي وكل من شافنا يلحقنا وسحاب صار خرقه وراها سحبتني الين صب الدم من مرافقي وركبي وسيقان سلوا بعد ماسلمن يعني سيقاني يصبن دم
ومن سكه في سكه الين مسكوها بعض الناس وبعد نص ساعه توه ياصلني ابوي قال عساك سالم قلت لا انا سحاب تراي اتميلح هلحين

والحمير منول لهن اهميتهن ويباعن ويشرن بالدراهم
اذكر منول نحط على ظهر الحمار وثاره وهي خيشه مليانه تبن ولا قماش ونحطها فوق ظهر الحمار ونركب عليها لان للحمار دبره وهي العمود الفقري يكون بارز ولا ترتاح عليه ابد يوجعك العصعص الين تحط الوثاره

وتقول وشي المنحات ونت تعرفها وشي بس تذيهن علي
المنحات هي مكان الصدر منول ايام كانو يطلعون الماء بالبعارين مهنا مكاين
فيه سالفه حاصله موووووبطي ايام الصدر
كان فيه رجال عنده بقره وحمار يصدر عليهن يعني يطلع الماء بهن
ويوم جا عقب العصر قال لحرمته خلاص روحي ادخلي الحمار والبقره في الحوش وتروح الحرمه وتدخل البقره والحمار وتصك الباب عليهن ويجيك الحمار يهوش الباب براسه يعني ينطح الباب براسه ذهين بعد مهوب يلعب
ومع نطحه الباب انفتح وطلع الحمار ونحاش ويوم جا من بكرا ويجي الرجال ويلقا الحمار منحاش ويقعد يهوش على حرمته يالي فيك ملا فيك يومنك ماتصكين الباب زين وتخلين الحمار ينحاش يالي فيك مايخطيك ثمن قال لحرمته تعالي صدري مع البقره مكان الحمار ويربطها والله مع البقره ويجلس يصدر عليهن حرمته والبقره
والحرمه منول ماتقدر تقول بم للرجال هيبه سبحان الي حاطها في قلوبهن
وهلحين اسكت انقلبت الدعوا الله يكفينا شرذا الدنيا

وسع الله صدوركم ونفوسكم وجعلكم من اسعد خلقه وسامحوني على القصور
وفي النهايه مااقول الا
سبحان الله والحمد لله ولا اله الا الله والله اكبر عدد خلقه وزنه عرشه ومداد كلماته

[صريح المقال]

السلام عليكم ورحمة الله وبركاته ،،،

قل آمين .. الله يجزاك خير ويرحم والدينا ووالديك ووالدي المسلمين ويرحمنا جميع برحمته التي وسعت كل شيء.

السلام عليكم ورحمه الله وبركاته

يالله تحييهم جميع كبيركم وصغيركم ذكركم ونثاكم وليا حيا كثر وتنثر وتزبر بعد

هذي السالفه على شرف الغالي العود الي وش كبره - صريح المقال -

يسئلني ويقول

المهلي ما يولي ويا مرحبا ومسهلا بسحاب نجد الرواي والشاعر راعي القلبان وخبير المكاين ومهندس النخيل الثاني على مستوى المملكة

الله يشرّف مقدارك ويرفع مقامك، أحرجتني ولكن للمصداقية تراني توني صغير

هذا سلمك الله ومن يقرأ ومن يقرون عليه .. جدي الله يرحمه ويغفر له ويسكنه فسيح جناته ويجمعني به فيهن هو وأموات المسلمين والمسلمات كان يحب الصغار وكنا نحبه ولا نمل من الجلسه معه وجدي عمّر ما شاء الله ولكن عمره مهوب معروف بس أغلب الأقوال تقول تعدى التسعين انكانه ما وصل المية

المهم على طاري الكبر كان واضح عليه الكبر خصوصاً انه عانى بداية حياته في كسب الرزق وتأخر زواجه عن المتعارف عليه هاك الوقت وأبشرك شاف عياله وعيال عياله وعيال عيال عياله رغم المرض والحمد لله على فضله وإحسانه ..

كنا اذا جلسنا معه نسألة ببرائة الطفولة كم عمرك يا جدي ؟! يقول (يوم تالدني امي وأنا صغير) وهو صادق الله يرحمه ويغفر له
وإذا قلنا كم سنك؟ قال سني عظم!


وأنا من حيني أحب كبار السن وسوالفهم وأفضلهم على اللي بعمري خاصة المطافيق ما أحبهم.

يا زين الركادة والكلام من خبرة وتجربة تجد الفائدة في كل سالفة وتستفيد من كل كلمة عكس الجلوس مع عديم الخبرة يعطيك من هالأرانب والصواريخ على قولتهم (يعني يهك عليك) وتقوم منه بدون فائدة.

الزبدة شرط اني أصغر من عيالك كان لك عيال ولا أبي أغشك وأخليك تظن اني سنينك.

تقول تكلم عن الحرمه منول وش اقول وش اخلي هي الي قايمه بالبيت كله من صلات الفجر الين تغاب الشمس تطبخ وتنفخ ومنول مافيه شي اسمه مطبخ يسمونه الموقد لانهم يوقدون فيه النار ويسوون القرصان والمراصيع والمرقوق والجريش اذكر الجريش له معصاد من الخشب يعصدونه وسط القدر والعصد يالتوالي هو التحريك بشكل دائري هذا انت يالجريش بس وغيره يطبخونه بدون عصد

ألاحظ على كبار السن مبطي عدم قدرتهم على الجلوس من دون عمل أقصد جداتنا مثلاً تغيرت أحوالهم يالله لك الحمد ومع ذلك ما تجلس من تصبح تلقاها تدور الشغل لو رجليها ما تقواها وعندها شغالة وبناتها وبنات بناتها ولا تخلي أحد يزين لها شي ويا ويله اللي يساعدها في الغدا خص لو فيه عيالها ولا عيال عيالها ما تبي أحد يطبخ لهم غيرها الله يرحم ميتهم ويعافي الحي منهم.

حدى جداتي آخر عمرها ما تقوى تقوم والله انها تصحى نص الليل وتصلي لين الفجر ثم تزحف للوجار تشب الضو وتزين القهوة وتعجن العجين وتحمي المقرصة وتزين هاك القريصات وتقطع بصل وتسنع الفطور ما بعد قام أحد بالبيت !!
كل ذا وهي جالسة ما تقوى تقوم الله يرحمها ويرحم أموات المسلمين.

وإليا منها خلصت قامت تصفق بيديها وتناديهم كني أسمعها هالحين ..
تنادي عليهم عشان يقومون ..


وعلى طاري العصد
مرتن جربت أعصد أبي أزين حنيني ولا طولت يا مسرع ما فترت يديني

حريم منول تروح تحطب وتروح تروي الماء وترجع تطبخ وتنفخ وتغسل وتنظف وقبل تزوج تسرح بالغنم وتشتغل بالمزرعة وتحلب البقرة وتخض الحليب وتزين منه اللبن وتطلع الزبده منه وتصلح إقط وتصلح السمن والشحم تصلح ودكه وتسنع المعزى وترضع الجفر وتحلب الباقي وتكنز التمر وتطبخ على الحطب ..

وتلقاها حامل وفي يدها بزر ووراها ثلاثة بزران أكبرهم أبو أربع سنين كلهم يبيلهم مجاهد

فعلاً كانوا عمار البيت أو خرابه والسنعة منول تنكسر عتبة بيتهم من كثر الخطاب.

وما زالت السناعة ولله الحمد في الكثير رغم ما نسمع ونرى.

والرجال يطلع من بيته الفجر يصلي ثمن يروح لشغله ولا يرجع لبيته الا بعد المغرب
تصدقون ان بعض الرجال مايشوف بزوره يعني عياله ايام تتلا ايام يروح لشغله وهم نايمين ويرجع من شغله ويلقاهم نايمين لانهم من المغرب وهم نايمين ماعندنا سهر منول كلش على سنعه وجعلنا الليل لباسا وجعلنا النهار معاشا
وهلحين اللهم صلى على محمد انقلبت الدعوا ولا عاد يرقدون الا الفجر وياكلون البرقر الي نفخ خدودهم وصدورهم الله يدفع البلا وصارو يترج رجون وهم يمشون مثل الجلي الا حركته

لا إله إلا الله .. الحمد لله على نعمة الأمن والأمان ورغد العيش والنعمة العظيمة التي نحن بها .. اللهم ارزقنا شكر نعمتك ..

صدق انقلبت الفطرة في بعض الأمور ونأمل ان تتعدل الأحوال .. واحد متزوج وعياله أكبرهم أبو خمسة عشر سنة يقول إذا عطلت المدارس ما عاد شفتهم أقوم الصبح للدوام توهم ينامون وأرجع وهم نايمين وإذا جيت بأنام قاموا ..

آخرتها قام يسهر الليل معهم ويجي الدوام مواصل ههههههههههه يقول وش أسوي ما قدرت عليهم قام يسهر معهم ويرجع الظهر ينام لين الليل الله لا يبلانا!

والحرمه ماترقد وتخلي رجلها تصير مولمه القهوه والعشا وتحتريه الين يجي وتقهويه وتعشيه وهي تنافض لياه يزعل بس
منول للرجال هيبه الى سمعوالباب مفتوح يخمدون البزور ولا يطلع منهم صوت

سبحان الله هذا يوم الرجال صدق رجال وكافيهم قوتهم وكل أمورهم خارج البيت

وكان الكبير يربي الصغير وهذا يخلي فيه احترام كبير لأي شخص أكبر منك مهوب هالحين يا ويله اللي يقول لو كلمه على ولدي

مبطي كان الابو يربي والام تربي والاخت تربي والولد الكبير يربي اخوه اللي أصغر منه والعمة والخالة والجدة والجد كلهم يشتركون بالتربية وكلهم ما يخلونك تخطي والنتيجة جيل متربي مضبوط وعلى يد خبراء خصوصاً الجد والجدة
والعصا لمن عصى !

وهلحين الله يخلف تلقا الرجال نايم في غرفته والبيت صيحه وصجه وولهم حرمته تنادي على عيالها بالصوت الرفيع وعند باب غرفه الرجال وهي تدري انه نايم وفنك تقول شي

جيت على الجرح وعورت قلوب الكثير من الأزواج المغلوب على أمرهم
الحمد لله اني منيب منهم ههههههههه

وبالنسبه للغنم منول والله العظيم مابقا شي ويتكلمن

لا تستغرب فهم كائنات أعجمية أمرنا الرسول صلى الله عليه وسلم بأن نتقي الله فيهم بعد ما اشتكى له الجمل من صاحبه انه يهلكه بالعمل !

كل بيت فيه غنم ولا اصبحنا يفتحون لهن الباب ويطلعن للسوق ويلقن غنم الجيران ويمشن مع بعض كنهن رايحات للمدرسه

ههههههههههههههههه

تشبيه بليغ كعادتك أخوي سحاب

وسبحانك ربي يروحن يم بيت الشاوي كل غنم اهل الديره ولا معهن احد يسوقهن او يدلهن هن عارفات الدرب وشلون يدرن ان هذا بيت الي يطلع بهن برا الديره ويرعاهن مدري ولا جا مسيان يعني عقب العصر يعني حول المغرب يهظلن يعني يرجعن للديره وكل غنم ناس يروحن مع بعض لبيت اهلهن اذكر الا صرنا حول المغرب يقولون افتحوالباب خلوه مفتوح للغنم يدخلن ويجن ويدخلن ون لقن الباب مصكوك يقعدن يثاغن عند الباب يعني افتحولنا الباب نبي ندخل منيب اقول لكم معاد الا شوي ويتكلمن الغنم منول
وحيان يظيعن بعض الغنم بيوت اهلهن او يصير فيه حالات عشق بينهن ويروحن مع بعض ثمن يقعد يدورهن راعيهن ويمشي في السكيك وهو يقول من عين الشاه جزاه الله خير ولا يقول من عين العنز الصمعا جزاه الله خيروالصمعا يعني الي اذانها صغار يسمونها الصمعا يعني يوصفون غنمهم الي ظايعات والناس الا سمعو الي ينادي كلن يروح يشوف غنمه لياهن معهن ويطلعونهن

وكل واحد عنده خمس ولا سبع روس ومليان بيته من خيرهن وهالحين بعضهم وصل حلاله 600 راس ويشتكي منهن ؟!
فعلاً البركة من الله ومتى ما بارك الله لك في حلالك أغناك الله منهن ..

وبالنسبه للوسم ونزول المطر
الا قالو بكرا يدخل الوسم تمطر الليله لانهم مرضين ربهم سبحانه وهو مرضيهم الرحمن الرحيم
ولا شافو قطعه غيم صغيره قالو جاكم السيل وكلن يروح ينزل الي في سطحه كانه ناشر شي في الشمس وينظفون المثاعب ويرقون بالبن الي يبنون بهن ويحطونهن في الطايه علشان لو يخر شي عليهم يسدون به الشقوق
ياحيات الشقا منول الا جاهم المطر يفرحون ويخافون كلهن مع بعض
يفرحون انه يسقي نخيلهم وينبت العشب لغنمهم وبقرهم
والي مسوي بعول تنبت بعوله والبعول هي طال عمركم الا تحرو للوسم يدخل يطلعون للبر ويحرثون الارض وينثرون البذر ويجيه المطر ويسقيه وينبت وهم ماتعبو فيه ولا سنبل يجونه ويحصدونه ثمن يذرونه ثمن يطهرونه يعني يخرون منه الحصا والعودان الصغار ثمن يملحونه ثمن يجرشونه بالرحا ثمن يعجنونه ويخبزونه وياكلونه

تصدق ان فيه جيل كامل ممكن يجهل هذا الأمر تماماً ؟!

تصدق ان فيه ناس مهيب مستوعبه حجم النعم اللي حنا فيها هالحين وكيف كانت حياة أجدادنا القريبين ما نتلكم عن آلاف السنين ولا حتى مئات ولكن وقت قريب جداً كانت الناس تموت جوع لو تأخر الوسم والحلال يموت جوع لو تأخر العشب ..!

اللهم لا تؤاخذنا بما فعل السفهاء منا ..

يضيق الصدر ونخشى العقاب عندما نسمع عن مظاهر إسراف وتبذير من ناس ما جربت تجمع حبات البر وتنخله وتنظفه وترجي من الله ان يبارك فيه ويسدهم عن الحاجة والسؤال أو بيع شي من الحلال أو الأغراض عشان يجيبون فيه أكل يومهم من دون أي إسراف ..

هل غرهم ظهور النفط وان الخيرات أصبحت تأتينا من أقصى الأرض ما نتعب في حرث ولا زراعة ولا سقاية ولا حصد ولا فرز ولا تنقية ولا حتى جرش ؟!

شفت المشهد اللي وصفته لنا فوق ؟ ما زال موجود في بلدان كثير منها أفريقيا ما زال كثير منهم في بيوت طين ويجمعون البذور والسيول تغرقهم والقحط يموتهم هم وحلالهم يعني ما زالت الدنيا ما تغيرت بس حنا أنعم الله علينا بهالنعمة العظيمة فهل نكون من الشاكرين لها ؟!


اللهم إنا نعوذ بك من زوال نعمتك، وتحول عافيتك، وفجاءة نقمتك، وجميع سخطك.

ومنول كل بيت فيه بقره هذا شي اساسي منها الحليب ومنها الزبد ومنها الروب او الزبادي ومنها اللبن الي يجي فيه قطيعات زبد وش طعمهن وكلش طبيعي وكلش صح
ترا البقره احيان ترضع روحها وتشرب حليبها وفي ذا الحاله نقوم ونحط عودين مع جنوبها نسميهن السواجير
ولا جت تلتفت تبي تشرب حليبها يدق العود في رقبتها ولا تقوا معاد الا هي تشرب الحليب
الحليب مهوب لها الحليب حقنا انحن

ما سمعت المثل القصيمي منول "البيت اللي مابه مره وشجرة وبقرة مابه ثمره!"

البقرة ام الخير والمنيحة اللي تجلس طول السنة تنتج لك حليب.

انا اذكر ونا توني صغييير يعني جذيع غثتنا بقرتنا تثاغي ماتخليتا نرقد لا في ليل ولا نهار قبلها تثاغي وهذا معناه ودوني لرجلي الثور ابيه ولا ماخليتكم ترقدون
قال ابوي جعله للفردوس ياسحاب قلت سم يبه قال تعال ونا ابوك نبي نربط البقره ونوديها للثور ويربطها ابوي بحبل يجيله خمسه امتار وقالي جودها ونا ابوك لياها تنحاش قلت طيب ابشر وقوم وربط طرف الحبل في يدي كله اخاف تنحاش
المهم والله يعينا على المهم
هي شافت الباب مفتوح ولا ماشافته وهي تجيك منطلقه انتم تسمعون الا قالو شوط بقره
وهي تكون البقره مربوطه طول السنه ولا انفكت تنطلق بسرع شي ممكن ثمن تاقف بعد فتره الا قصرت من الركض وهذا شوط البقره
المهم سحاب رابط الحبل في يده من زود الحرص لياها تنحاش وهي الي تجرجرني وتسحبني في السكيك وبوي يركض وراي وكل من شافنا يلحقنا وسحاب صار خرقه وراها سحبتني الين صب الدم من مرافقي وركبي وسيقان سلوا بعد ماسلمن يعني سيقاني يصبن دم
ومن سكه في سكه الين مسكوها بعض الناس وبعد نص ساعه توه ياصلني ابوي قال عساك سالم قلت لا انا سحاب تراي اتميلح هلحين

هههههههه الحمد لله يوم فكك الله .. بغيت تروح من صيد أمس!

هالحين محد له عذر الواحد لا بغى يسوق بقرته لا يربطها بيده ولا بيروح مراح سحاب ههههههههه.


اما سالفة راعي البقرة والحمار قويه ههههههههههههههه أخاف أعلق عليها خلني ساكت على قولتك الدنيا انقلبت والله يستر بس


.
.
.

أمتعتنا بهالسوالف اخوي سحاب ونورتنا وأفدتنا وأقدر أقول انها من مصدر موثوق ومن شخص مجرب ومعايش ولو اني أقدر أوثق حياتك كاملة في كتاب وثقتها أنت من جيل مكافح ..

شكراً لك وجزاك الله خير على إجابتك الوافية الشافية الممتعة .. ما زالت هناك الكثير من الاستفسارات بس ما ودي أثقل عليك

الله يقبل دعائك والله يجعلنا وإياك من مقبولي الدعاء.


والسلام عليكم ورحمة الله.

[قوافي ( أم نهار )]

وعليكم السلام ورحمة الله وبركاته
اشكرك ابو نوره ومهما قلت واثنيت لا يوفيك حقك
كل الفخر والاعتزاز بذكر الاحباب ممن عاشو زمن الصعاب وتحمل الاعباء
كُل هذا الكم من المديح ومازال هناك الكثير الكثير
رحم الله الحي والميت منهم
الشكر الجزيل للفاضل صريح المقال اللذي اخرج هذا الكنز من سحاب نجد المعطاء والسخي بقلمه وهذا ليس بمستغرب من ابو نوره
دمتم بحفظ الله ورعايته
تحياتي وتقديري واحترامي

[Al3rands]

الله يرحم الحال هالحين اللي عمره 40 وساكن من ولادته بالديره يجهل اشياء كثيره لاتعد ولا تحصى والمشكله ان الجيل الحالي يسخر من الجيل السابق ويقولون وش عرفنا حنا جيل الكمبيوتر.المشكله ماهي هنا وصلت للعلاقات والعادات والله يستر لا تاصل للعبادات الله يستر على المسلمين ويقيهم شر الفتن امين