كهربائيات كشاته - تبي تسوي اشتراك لبطارية السيارة ؟؟ تعال شف شلون الطريقة الصحيحة

[عبدالله......]

السلام عليكم ورحمة الله وبركاته

نظراً للخطأ الشائع والطريقة التقليدية اللتي معظم الناس يستخدمها ..

قدمنا لكم هذه الحلقة لشرح الطريقة الصحيحة لعملية الاشتراك لبطارية السيارة.

[خالد الشمري20]

وعليكم السلام ورحمة الله وبركاته


جزاك الله خير الجزاء يا عبد الله نقطة نستفيد منها أن شاء الله تعالى


الله ينفع فيك الإسلام والمسلمين


موفق

[ظغط عالي]

عليكم السلام ورحمة الله وبركاته

الغالي ودنا نستفيد من الشرح ولاكن الفيديو مايشتغل معي

[المميـز]

تأكد من صحة رابط المقطع لنستفيد منه
وشكرا لك

[عبدالله......]

شاكر لكم مروركم ودعواتكم

والمعذرة ع التأخر في الرد والانقطاع المؤقت بسبب ظروفي الصحية

تفضلوا هذا الرابط وان شاءالله يشتغل معكم

[الرحال2222]

وليش طيب نشبكة بالبودي من عرفت الدنيا والناس يشبكوها باصابع البطاريه ولا شفنا منها شي ولله الحمد

[السلمو]

مع رد الرحال
اذا كان خطأ فبين لنا ليش خطأ
تسلم على الشرح بس ارجو لو كان فيه توضيح سبب الخطأ

سيارة العائله البطاريه يبان منها فقط اصبع الموجب وفيه حديده بطرف الكبوت للسالب والسبب اللي استنتجته ان كبوت السياره صغير جداً فمافيه مساحه كافيه تخلي كامل البطاريه ظاهره
وايضاً سيارتي البطاريه اقدر افحصها لكن ما اقدر اسوي اشتراك لان لازم اشيل غطاء بلاستيك مغطيها بحكم مكانها (بداية الكبوت عند فتحات الهواء عكس اللي متعودين عليه)

[عبدالله......]

هلا وغلا بالجميع

الموضوع كالتالي

أهم سبب هو ان هذا الشيء وقائي لك انت
فتقارب الاشارات اثناء تشريك السيارة قد يحدث التماس لا قدر الله
السبب الثاني اللي لازم تعرفه ان بدي السيارة كله يعتبر اشارة سالبه ، فهذا معناته لو شبكت الاشارة السالبة في اي مسمار في السيارة سيعمل بشكل صحيح ولكن لو كان عند البطارية سيكون هناك مشكلة في الجهد الكهربائي من سيارة الشخص الاخر اللي جالس يشحن لسيارتك

هذا جزء تحليلي بسيط من خلال اطلاع وقرائه في الكهرباء ياغالي

شاكر ومقدر لك