كفرات يوكوهاما .. ساعدوني اول مره اشتري ها النوع وأحترت

[عنيزاوي عصبي]

السلام عليكم شباب ..

امس شريت كفرات يوكوهاما للهايلوكس .. #

مقاس 15 / 75 / 215

وها الكفر اول مره اشوفه على الطبيعه واول مره اركبه .. طبعا ركبته على جنوط الوكاله

ومحتار ب حجم الخط هل هو طبيعي لانه عريضن ب الحيل ؟!

وياليت احد يشرررررح لي وش مقاس ال 75 هل له دخل بعرض الخط ف الكفرات ؟ لاني في الغالب اسمع ناس تقول اشتر كفر مثلا زي كذا الاراقم الي فوق بس بدل 75 70 "


طمنوني لاني خايفن اني جبت العيد " اذا م هوب كويس ب بدا اسوق وانا متلطم لين اشتري كفرات غيرهن

[محتار نجد]

السلام عليكم
الرقم الذي تستفسر عنه هو نسبة ارتفاع الكفر على الارقام الاولى وهي عرض الكفر
وانتبه الى اهم شيء في الكفر هو تحمله درجة الحراره والسرعه
وجميع معلومات الكفر تفسيرها موجود في قوقل

[عنيزاوي عصبي]

السلام عليكم
الرقم الذي تستفسر عنه هو نسبة ارتفاع الكفر على الارقام الاولى وهي عرض الكفر
وانتبه الى اهم شيء في الكفر هو تحمله درجة الحراره والسرعه
وجميع معلومات الكفر تفسيرها موجود في قوقل

وعليكم
السلام
بس انت م جاوبتني الله يعطيك العافيه ؟؟ كويس مقاسه كذا ولا لا لاني ركبته وخلصصصصت

[يعرب بن قحطان]

السلام عليكم شباب ..

امس شريت كفرات يوكوهاما للهايلوكس .. #

مقاس 15 / 75 / 215

وها الكفر اول مره اشوفه على الطبيعه واول مره اركبه .. طبعا ركبته على جنوط الوكاله

ومحتار ب حجم الخط هل هو طبيعي لانه عريضن ب الحيل ؟!

وياليت احد يشرررررح لي وش مقاس ال 75 هل له دخل بعرض الخط ف الكفرات ؟ لاني في الغالب اسمع ناس تقول اشتر كفر مثلا زي كذا الاراقم الي فوق بس بدل 75 70 "


طمنوني لاني خايفن اني جبت العيد " اذا م هوب كويس ب بدا اسوق وانا متلطم لين اشتري كفرات غيرهن

وعليكم السلام ورحمة الله وبركاته.

بالنسبة ل75 هوه أرتفاع الكفر وأشوفه مناسب لأنه بيرفع السياره. لكن تأكد أنه ما يحك بالصدام لما تلف الطاره.
ال 215 هوه عرض الكفر وكل ما زاد العرض كل ما زاد ثبات السياره وأمورك فالسليم يعني لا تتلطم ولا شي.

أنمنى أكون أفدتك وبردت خاطرك

[عنيزاوي عصبي]

وعليكم السلام ورحمة الله وبركاته.

بالنسبة ل75 هوه أرتفاع الكفر وأشوفه مناسب لأنه بيرفع السياره. لكن تأكد أنه ما يحك بالصدام لما تلف الطاره.
ال 215 هوه عرض الكفر وكل ما زاد العرض كل ما زاد ثبات السياره وأمورك فالسليم يعني لا تتلطم ولا شي.

أنمنى أكون أفدتك وبردت خاطرك

الله
يجزاك خير والله بردت خاطري من جد .. # بالنسبة للاحتكاك لا ما يحك مع ان الموتر على وزنية الوكاله ما رفعته ولا سويت به خرابيط وكالته مثل م يقولون مع ذلك شكله مناسب ويوم إسال سالت لاني استغربت من حجم الخط لكن كل من سالته قالي هذا هو اليوكوهاما خطوطه عريضضه كنت احسب السالفه من رقم 75 لكن طلع ذا الارتفاع

[المميـز]

انتبه لموضوع السرعه بالعداد لايفرق معك ويصورك ساهر
ومبروك الكفرات

[عنيزاوي عصبي]

انتبه لموضوع السرعه بالعداد لايفرق معك ويصورك ساهر
ومبروك الكفرات

لاتوصي
حريص والله يبارك فيك ويجزاك خير

[السلمو]

للنصب يركبون 205 وهي افضل شكل لليوكوهاما او للهايلوكس بشكل عام مع جنوط مرسيدس انصحك تشتري تجاريات لحد يلعب عليك بالالمانيات
البر والنفود والخط ينصحون 215 وايضاً حليوه اذا بغيت توقف موترك
الـ 225 هي اللي ابعد عنها اذا ركبتها كانك مركب كفرات تريله الموتر يصير ثقيل مره نصيحة مجرب لا تركبها بالمستقبل

ميزة جنوط المرسيدس اولاً شكل افضل من جنوط الوكاله ثانياً انها تساعد الكفر بانه يفرش اكثر اذا نسمت سواء للبر او اذا كنت تبي تخفف مطب السياره ومناقزها ويقال انها اخف لكن مالاحظت هذا الشيء

[عنيزاوي عصبي]

للنصب يركبون 205 وهي افضل شكل لليوكوهاما او للهايلوكس بشكل عام مع جنوط مرسيدس انصحك تشتري تجاريات لحد يلعب عليك بالالمانيات
البر والنفود والخط ينصحون 215 وايضاً حليوه اذا بغيت توقف موترك
الـ 225 هي اللي ابعد عنها اذا ركبتها كانك مركب كفرات تريله الموتر يصير ثقيل مره نصيحة مجرب لا تركبها بالمستقبل

ميزة جنوط المرسيدس اولاً شكل افضل من جنوط الوكاله ثانياً انها تساعد الكفر بانه يفرش اكثر اذا نسمت سواء للبر او اذا كنت تبي تخفف مطب السياره ومناقزها ويقال انها اخف لكن مالاحظت هذا الشيء

الله يعطيك العافيه قد ركبت وخلصت هههههه شكلك توك تشوف الموضوع