وكنا نتسآئل .. ياولد وين الحصاة الحرشا المرشا ... يامن عين الحرشا يامن عين الحرشا (..)
= وش السواة ياولد .. أقول مافيه إلا اتصل على الربع .. وأفزعوا يافزاعه
= ترررن على أبو علي توت توت .. توت توت .. يالله صباح خير شكله نايم
=اللي بعدوه هههه أبو عبيد حبيب قلبي
والحقيقة أني قلت أبو عبيد هو اللي ابي إلقاه ... توت توت ... ماعندك أحد نوووم ("_")
= الشاوي ياولد الشاوي .. تررررررن رتن.. يوووه يابعده بعداه.. ماحولك أحد شكله بالتبت الشرقي هههه
... صابني احباط وشلون على آخر حرف ننسى القصيدة ("_")
= قلت لرفيقي .. يارفيقي خل نروح ندور جهة الغور اللي مرينا عليه يوم الربيع .. وهو يقع في الجهة
المقابلة للوادي مباشرة يعني مابينهن إلا أمتار
يوم جيت الغور وقفنا عنده وخويي يقول بله ماقطنا جينا هنيا
قلت إيه هين هين إنزل إنزل جهز الفطور وخلني اكلم الربع )"_"( أنا لا يمكن أنساه ؟؟؟؟ لاني نزلت في حذاءه
عقب صميل حليب اباعر هههه .. أوردنا رابطه أعلاه.
= وفي تلك الاثناء اتصلت على حبيبي أبو عمر ألووووه إلا تقول أسد يوم جاك يلعلع صوته أثره عندالواصل
دابجينها قرص هههه جعله مهابيط العفى
هاه يالربع .... عندكم علم قالوا لله مانعرفه ... قلت ها درجوهاااا
الفطور زهب يازامل
أي بالله زهب تعال وأفطر خل عنك السواليف ،، واللي يبي الخفرات يرخي رياله
إييييييه وش السواة أبك تسيف صار هذا
ونفطر ونتعوذ من أبليس ... ونصب الشاهي إييييه ..
الجو رايق والوقت تو بدري ،، وأهدافنا ياصاحبي في فلاشي
فطور غار مريغان
حصيان متغورة وبالقرب منها واحدة مصلحة مجلس شنكو
""
لكن هين حبيب قلبي أبو عبيد ماطاب منه الخاطر.. خابره ذيبان ما يرقد ....
ترن .... ترن .... ألووووووووه
.... يامرحبا يابو عزوز
أي والله ياااااااامرحبا ههه
أبك افزع يابو عبيد
النقش اللي صيفته تسذا وتسذا ومصور عنده ابو علي مالقيته ...
اللي سألتك عنه قبل أيام وقلت لي إنه على الحصاة الحرشا ؟! ..
أبك تسيف حرشا.. ابو عبيد ضاع من وصفي
لكنه رجع الشريط من أوله ... ووصف المكان وصف صحيح .. علماً بأن وصفه الاول صحيح أبو حرشا....ههه
الله لا يعمينا ... قولوا آمين
والله وإن قش عزبتنا وعلى الزرق !! )"_"(
وتعالي يالحرشا يالمرشا؟ .. ونمسك لك الوادي رايحين جايين ووينتس يالحرشا .. المهم خربت ودب اليأس في قلبي
ونطلع يوم جينا عند الديرة قلت لخويي ابو عبيد يقول الحصاة قبل الآبار يمين ؟؟؟
ترن .. ترن ... ابو عبيد ... يامرحبا .. ابك حصاتك مالقيتها
إليييييي .. ويعيد التوصيف من جديد ههه
وأردهاااا مع دربها ؟!! ياوالله الصباح وين على قلبان الزرق !!
وتعال شوف فصفصنا الحصيان فصفصة .. ونجي على البير لباكستناني ونساله عن الحصاة الحرشا !!
قال إيس هرسا إنا مافيه معلوم ...
قال خويي خل نستفيد منه ونروي تسربتنا قلت تم ...وندقه ريوس ونعبي تسربتنا من آبار الزرق
لايامل السيل يالزرق ..
ونردها مع دربها ونمسك يمين الوادي ومن حصاة بحصاة نفتش ورا الشيران
ويوم الله اراد لنا السلامة والمعرفة
ويمرنا ذاك المشورب من عوال الشايب
سلام .. عليكم السلام
وش عندكم وش ماعندكم .. اقلطوا تخطروا عندنا
قلنا لله حنا نبي الحرشا (!!)
قال النقوش كان تبونها روحوا لمريغان ..قلت هاااه ؟؟!! قال آبار مريغان هي اللي عندها النقوش..
قلت وهذي وش اسمها ... قال هذي آبار الزرق !!
قلت :اللهم صلي على محمد ... يافتاح ياعليم يارزاق ياكريم
خلاص الآن زالت الغمامة .. ونعود... لابار مريغان
و أول مادخلنا التلعة .... إلا هذي الحرشا إلا ماهي هي .. إلا هي هي ياولد
وإلا هذا نقشنا اللي من الصبح ندور عليه !! ... من الصبح نمرمر عليه ...!!
ويومممممممم خلصنا ونردها للزرق ............
للصور يالربع للصور ههههه