محتار وش اشتري ساكتون هوائية ..

[قناص محتار]

السلام عليكم ورحمة الله وبركاته
استفسار سريع عشان ما أندم بعدين على الساكتون اللي ابي اشتريها ..

انا محتار بين الفايروخ 80 و 85 وديانا ماغنوم 350 !

ومحتاج مساعدتكم يالربع ..
الفايروخ 80 قالوا عملية وعيبها ثقيلة
والـ 85 قالوا ماتصيب القمرية الا خارجياً
والماغنوم 350 قالوا ارتجاجها قوي وغير دقيقة

والحين احترت وانا رجال صامل ابي اشتري, ممكن حد يفيدني ..

وللمعلومية اول مره اسجل بـ منتدى لاجل هذا الامر ..

[قناص محتار]

أحد يتفاعل معي لاهنتم ..

[قناص الأشهب]

انا اتفاعل معك ولا يهمك
الفايروخ الثمانين لا يعلى عليها الثقل ممكن ما يهم بعض الشباب لان اغلب مقناصه في السياره
واذا تبي الكلام الزين خذ ديانا 36 ماراخ تندم

[أبو خالد ،،]

عندي اللي يصلح لك وشاور عليها فيروخ 85 عيار 5,5 اخت الجديده عليها دربيل وبلي الكوري 3-9-40 وقواعد انجليزيه البندق اخت الجديده والبيع بالدربيل او بدونه نقل الرخصه عند محل الرميح ب 100 ريل
0505464230 الرياض

[w-w-w]

انا عندي ديانا ماغنوم حلوه وقوية بس عيبها ثقيلة وطويلة
لكن الثقل تتعود عليه مع الاستخدام والعيب الثاني المسامير
تتفكفك لكن ما قصروا الشباب في الحل شطرطون سباكة
وتلفه على المسمار وامورك في السليم
الي عندي عيار خمسة ونص

[w-w-w]

[IMG]مركز تحميل الصور[/IMG]

[Norica spider]

انا كتبت لي موضوع عن النوريكا ومميزاتها ولكن بدون ردود يمكن محد جربها
خذلك نوريكا 95 اسمها norica spider camo انا شاريها ومعي الان ومن اقوى بنادق النوريكا وعز الله تبيض الوجه
ماشاء الله تبارك الله كنت باخذ الفايروخ لكن الموديلات القديمه ماهيب زي الجديده
قبل ابدا وش مميزاتها بعطيك مقارنه بينها وبين الديانا 350 ماجنوم

نوريكا سبايدر
السرعة لصتم 5.5
275 م.ث

ديانا 350 ماجنوم
السرعة لصتم 5.5
280 م.ث
-----
وش الفرق ؟؟؟؟ 5 ثواني فقط
وش الفرق رجتها أقل من الديانا
وش الفرق دقة عالية جدا جدا
لدرجة اني احط قلم رصاص على بعد عشرين متر واطس ام امه ماشاء الله على اذكرو الله على حسب الرامي هي
ولكن ماشاء الله البندقية في الدقة انخبلت انا يوم شفت دقتها لهدرجه على بعد عشرين متر؟
قوتها قويه على حسب الرصاص تعفط لك نصف ريال تخليه يتسفط عللى بعد 15 الي 10 امتار
كسرها اخف من الديانا
فيبر قوي جدا حتي عند الضغط بالملزمة بقوة ما تلاحظ شي مع وضع كرتون انشاء الله
سعرها ارخص من الديانا بـ 1450 عند صصاب واذا لحقت على العرض تلقاها بـ 980
واخف وزنها ممكن 3 كيلو
ركب عليها دربيها وتوكل على الله واهم شي مسكتك للبندقة
وفيها ميزه تقدر تفتح الغطا الي تحت البندقية كوع البندقية وتحط فيه صتم بدال ما تحطه في مخباك ولا كيسه
في الاخير اقولك اذا عندك صبر وتبي شي بهاذي الجوده لازم تصبر عليه وتعلم عليها شوي شوي وتشوف النتيجه
هاذا رأي والفايروخ مثل ما قلت لك ماتوقع مثل فايروخ القديم
مابيك تشتري وتندم ولا تاخذ شي ماتدري عنه الا وانت عارف
بالتوفيق انشاء الله تحصل مرادك

[Sniper 2015]

ابعد عن الكسر واشتر غازيه نصيحة مجرب

[قناص محتار]

بيض الله وجهك وجمل الله حالك وماقصرت ياخوك والله يعطيك العافية، لكن ليه ما أخذ ال85 وش الفرق عن ال80

[قناص محتار]

هي على القدرة المالية وأنا أخوك

[قناص محتار]

ماقد أطلعت على الإسبانيات، لكن بتعمق فيها والله يعطيك العافية يالغالي ولاهنت لاعدمتك

[قناص محتار]

الله يبارك لك فيها ويعطيك العافية ..
لكن أنا ابي شي افك كرتونه بيدي ولا تأخذ بخاطرك .. â‌¤

[قناص محتار]

الله يبارك لك فيها، لكن أنا عاجز أعرف الفرق عشان اشتري أبي نصائح أهل الخبرة ..

[Abu Sary]

مختصر الكلام ولا قصور باللي قبلي ..

غير الـ80 لا تاخذ ولا تغير الا اذا غازية غيرة لا تفكر

بالذات الماغنوم هذي انحش عنها قد ماتقدر

[قناص محتار]

ليه انحش عنها ؟