رايكم اغير زيت القير والا لا لاهنتم

[الباحث_6610]

السلام عليكم ورحمة الله وبركاته
استفسار ياجماعة الخير
معاي سكويا موديل 2015 نص فل دبل ماشي 109 الف
رايكم اغير زيت القير والا لا
مع العلم اني مريت الوكالة وقال يكلف 1200 ريال
موظف الصيانة قال انت تتحمل عطال القير اذا صار شي
الزيت لقيته لحاله ب180 والفلتر 230
وش رايكم اغيره والا لا

[الدوسري2010]

توكل على الله ورح لورشه ثقه وخلك عند موترك تشوفه بعينك وغيره

[بدر دبي111]

غيره بس بشرط تاخذ الزيت من الوكاله برقم الشاصي حق السياره مع الفلتر وتبدله عند ميكانيكي شاطر لان هذا وقت تبديل الزيت 100 او 150 الف

[hassan-55]

والله قمة الاستغلال
أي عامل ميكانيكي يسويه لك ب 150 ريال ان طالت
ومثل ما قال اخوي بدر اشتر زيت وفلتر اصلي وكاله
وخلك عنده راقبه و خله ينظف قاعدة فلتر الزيت ببنزين و ينفخها ثم يمسحها بخرقه نظيفه (الخرقه جبها معك أي فنيله او أي قطعة قماش نظيف اضمن لك)

بعد ما يخلص تركيب الفلتر يعبي الزيت و يقيسه مضبوط الحقيقه ما اعرف بالضبط كم يأخذ لتر لكن انت اسأل محلات قطع الغيار و الاخوان هنا يعلمونك بالعدد
انا بالاندكروزر قالوا لي اربع او خمس علب و بعد ما قست لقيته ما تكفي و رحت اشتريت علبتين زياده

[No.1]

لا تغير نصيحة

[hassan-55]

لا تغير نصيحة

ياليت توضح ليه ما تنصح تغيير الزيت و الفلتر للفائده للجميع
مع اني سبق غيرت لأكثر من موتر بفضل الله ما ضر بشيء
واحب اذكرك والاخوان جميع
أي زيت سواء مكينه او قير او فرامل او هيدروليك له عمر معين و تقل لزوجته ويصبح كالماء
وأيضا تعرض الزيوت للأتربه و الاوساخ اكرمكم الله يؤثر على القطع

[الرحال2222]

غيرة وتوكل على الله دفعه واحدة اذا مشيك هادي وعاقل المفروض حق الوكاله يتغير 80 نقول انشالله ما زد كثير واستخدامك للموتر هو اللي يقرر
اما اذا انت طعوس وجلد لا تغيرة دفعه واحدة نقصة على مراحل
كل مرة شيل علبتين وضيف علبتين وامشي فيها مسافه وكرر العمليه ثلاث او اربع مرات اللين ينظف الزيت بعدها غيره كامل طريقة متعبه شوي بس ظريبة التاخر هذا حسب كلام المختصين والله اعلم

[ابوراكان تبوك]

لابد من التغيير والمواظبه حرام تضحي بالقير
اهم واهم شي
اولا تفحص الزيت اذا كان نظيف غيره دفعه واحده
واذا كان غير نظيف نزل الزيت في سطل
وغير الفلتر ورد الزيت القديم وامشي عليه 5000 وبعده غيره دفعه واحده

اتوقع بتلقى الزيت نظيف وماتحتاج لشغله انك تغيره على دفعات
اذا لقيته نظيف غيره مره واحده وسجل انك مغيره على 110 واذا وصل العداد 180 الف ان شاء الله تجي لتغييره الثانيه
طبعا مقدار الزيت ونوعه تجده بالكاتلوج اللذي لايقدر بثمن
وايضا غير معاه حق الدفرنس مهم جدا تاخذه من الوكاله
وغير حق الدبل اذا كان دبل
انا حصل لي موقف رحت للوكاله ابي زيت دفرنس ورفضو يبيعوني قالو دخله الصيانه
رحت اشتكيت التجاره واتصلو علي الشركه قالو تعال خذ زيت ههههههه

الاهم من هذا كله تاخذ الزيوت من الوكاله بالرقم حسب الكاتلوج
انتبه وانتبه يجي ميكانيكي او بنشري يقولك حط اي زيت
اذا اختلفت اللزوجه واخذت زيت عياره خطا هذا بداية النهاية