السلام عليكم ورحمة الله وبركاته
بسم الله والصلاة والسلام على رسول الله
أنا أخوكم من دولة المملكة العربية السعودية وهوايتي الحداق وأحب أجرب كل أنواع الحداق سواء على السيف بواسطة القصبات ( عصا السنارة ) أو عن طريق الطراد داخل البحر
والموضوع اللي أطلب من الله ثم منكم يا أخوان تخدموني فيه أبغى أعرف أفضل أماكن الحداق في قطر وبالتحديد ( العديد ) بحثت في قوقل عن أفضل أماكن الحداق في قطر ودخلني على قروب مكشات ما قصر ولما دخلت حصلت الردود من سنة 2010 وكلكم عارفين إن الظروف والعوامل
تتغير عشان كذا يا بعدي اللي أبيه منكم فزعتكم في معرفة أماكن الحداق الحالية في العديد ما أخفي عليكم رحنا هالاسبوع بتاريخ 16/3/2017 موسم السرايات وجانا عج وهوا قوي ما قدرنا نستقر في المكان وما طلع معنا شي والحمدلله على كل حال
وأسأل الله العظيم رب العرش الكريم أن يوفقكم وتكون الفائدة للجميع ( وأهل قطر أدرى ببحرها )
1- وين أفضل مكان للحداق في العديد
2- نوع السمكه الموجودة في البحر
3- نوع الطعم المستخدم
4- حجم الخيط والميدار
5- هل تنفع الارساليات للمسافات الطويلة وشو الطعم اللي ينفع في مثل هالحاله
وأهل البحر يعيشون
أنا أتابع السناب ومن ضمنهم قطر فش لكن جميع اللي يرسلون ما يعلمون وين يحدقون والأرزاق بيد الله عزوجل
بإذن الله راح أطلع للعديد في شهر 4 القادم وين الأفضل أطلع في بدايته والا مع القمره
تحياتي وأشواقي لكم جميعا
أفضل_أمكان_الحداق_في_دولة_قطر
رد مع اقتباس
